ԹԱԳԱՒՈՐՈՒԹԵԱՆՑ ՉՈՐՐՈՐԴ 21:24 - Գրաբար Աստվածաշունչ (1895)

²⁴ Եւ եհար ամենայն ժողովուրդն զամենայն գումարեալսն ի վերայ արքայի Ամոնայ, եւ թագաւորեցոյց ժողովուրդ երկրին զՅովսիա որդի նորա ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:24 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:3

Եւ եկին ամենայն ծերքն Իսրայելի առ արքայ ի Քեբրոն, եւ ուխտեաց ընդ նոսա ուխտ արքայ Դաւիթ ի Քեբրոն առաջի Տեառն. եւ օծին զԴաւիթ թագաւոր ի վերայ ամենայն Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 12:1

Եւ չոգաւ արքայ Ռոբովամ ի Սիկիմ. զի ի Սիկիմ գայր ամենայն Իսրայէլ թագաւորեցուցանել զնա։

ԹԱԳԱՒՈՐՈՒԹԵԱՆՑ ԵՐՐՈՐԴ 12:20

Եւ եղեւ իբրեւ լուաւ ամենայն Իսրայէլ եթէ դարձաւ Յերոբովամ, առաքեցին եւ կոչեցին զնա ի ժողովուրդն, եւ թագաւորեցուցին զնա ի վերայ Իսրայելի. եւ ոչ ոք էր զկնի տանն Դաւթի, բայց միայն ի գաւազանէ տանն Յուդայ եւ Բենիամինի՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 11:17

Եւ ուխտեաց Յովիդայէ ուխտ ի մէջ Տեառն եւ ի մէջ արքայի եւ ի մէջ ժողովրդեանն, լինել ի ժողովուրդ Տեառն. եւ ի մէջ արքայի եւ ի մէջ ժողովրդեանն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:21

Եւ ա՛ռ ամենայն ժողովուրդն Յուդայ զԱզարիա, եւ նա էր ամաց վեշտասանից, եւ թագաւորեցուցին զնա փոխանակ հօր իւրոյ Ամասեայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:5

Եւ եղեւ իբրեւ հաստատեցաւ թագաւորութիւնն ի ձեռս նորա, եւ եհար զծառայսն իւր որ հարին զարքայ զհայր նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:25

Եւ մնացորդք բանից Ամոնայ զոր արար, ո՞չ աւանիկ գրեալ են ի գիրս բանից աւուրց թագաւորացն Յուդայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 22:1

Որդի ամաց ութից Յովսիա ի թագաւորել իւրում, եւ երեսուն եւ մի ամ թագաւորեաց յԵրուսաղէմ. եւ անուն մօր նորա Յեդիդա, դուստր Ադայեայ ի Բասուրովթայ։

ՄՆԱՑՈՐԴԱՑ ԵՐԿՐՈՐԴ 22:1

Եւ թագաւորեցուցին բնակիչքն Երուսաղեմի զՈքոզիաս որդի նորա զկրտսերագոյնն փոխանակ նորա. վասն զի զամենեսեան զերիցագոյնսն կոտորեաց հէնն եկեալ ի վերայ նոցա, Արաբացիքն եւ Աղիմազովնայքն՝՝. եւ թագաւորեաց Ոքոզիա որդի Յովրամայ արքայի Յուդայ։

ՄՆԱՑՈՐԴԱՑ ԵՐԿՐՈՐԴ 26:1

Եւ ա՛ռ ամենայն ժողովուրդ երկրին զՈզիաս, եւ էր նա ամաց վեշտասանից, եւ թագաւորեցուցին զնա փոխանակ հօրն իւրոյ Ամասեայ։

ՄՆԱՑՈՐԴԱՑ ԵՐԿՐՈՐԴ 33:25

Եւ եհար ժողովուրդ երկրին զյարուցեալսն ի վերայ թագաւորին. եւ թագաւորեցոյց ժողովուրդ երկրին զՅովսիաս որդի նորա փոխանակ նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 1:2

Առ որ եղեւ բան Տեառն յաւուրս Յովսեայ որդւոյ Ամոնայ արքայի Հրէաստանի, յերեքտասաներորդի ամի թագաւորութեան նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 11:15

Եւ չոգաւ ամենայն ժողովուրդն ի Գաղգաղա, եւ օծ անդ Սամուէլ զՍաւուղ ի թագաւոր՝՝ առաջի Տեառն ի Գաղգաղա. եւ զոհեցին անդ զոհս խաղաղականս առաջի Տեառն. եւ ուրախ եղեւ անդ Սամուէլ եւ ամենայն ժողովուրդն յոյժ։