ԹԱԳԱՒՈՐՈՒԹԵԱՆՑ ՉՈՐՐՈՐԴ 20:3 - Գրաբար Աստվածաշունչ (1895)

³ Ո՛վ Տէր, յիշեա որպէս գնացի առաջի քո ճշմարտութեամբ եւ կատարեալ սրտիւ, եւ զբարին առաջի քո արարի։ Եւ ելաց Եզեկիա լալիւն մեծ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:3 ပူးပေါင်းရင်းမြစ်များ

ԾՆՈՒՆԴՔ 17:1

Եւ եղեւ Աբրամ ամաց իննսուն եւ ինունց. եւ երեւեցաւ Տէր Աստուած Աբրամու եւ ասէ ցնա. Ես եմ Աստուած քո. հաճոյ լեր՝՝ առաջի իմ, եւ լեր անարատ։

ԾՆՈՒՆԴՔ 5:22

Եւ հաճոյ եղեւ Ենովք՝՝ Աստուծոյ յետ ծնանելոյ նորա զՄաթուսաղա՝ ամս երկերիւր. եւ ծնաւ ուստերս եւ դստերս։

ԾՆՈՒՆԴՔ 5:24

Եւ հաճոյ եղեւ Ենովք՝՝ Աստուծոյ. եւ ոչ ուրեք գտանէր, զի փոխեաց զնա Աստուած։

ԾՆՈՒՆԴՔ 8:1

Եւ յիշեաց Աստուած զՆոյ եւ զամենայն գազանս եւ զամենայն անասունս եւ զամենայն թռչունս՝՝ որ էին ընդ նմա ի տապանի անդ. եւ ած Աստուած հողմ ի վերայ երկրի, եւ դադարեաց ջուրն։

ԹԱԳԱՒՈՐՈՒԹԵԱՆՑ ԵՐՐՈՐԴ 11:4

Եւ եղեւ ի ժամանակի ծերութեանն Սողոմոնի կանայք նորա խոտորեցուցին զսիրտ նորա զհետ աստուածոց օտարաց. եւ ոչ էր սիրտ նորա կատարեալ ընդ Տեառն Աստուծոյ իւրոյ իբրեւ զսիրտն Դաւթի հօր իւրոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 15:14

Սակայն զբարձունսն ոչ եբարձ. բայց սիրտ նորա կատարեալ էր ընդ Տեառն զամենայն աւուրս իւր։

ԹԱԳԱՒՈՐՈՒԹԵԱՆՑ ԵՐՐՈՐԴ 2:4

Զի հաստատեսցէ Տէր զբան իւր զոր խօսեցաւ վասն իմ եւ ասէ. Եթէ պահեսցեն որդիք քո զճանապարհս իւրեանց գնալ առաջի իմ ճշմարտութեամբ յամենայն սրտէ իւրեանց եւ յամենայն անձնէ իւրեանց, ասէ. Մի՛ սատակեսցի այր յաթոռոյ Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 3:6

Եւ ասէ Սողոմոն. Դու արարեր ողորմութիւն մեծ ընդ Դաւթի հօր իմոյ, որպէս եւ շրջեցաւ առաջի քո ճշմարտութեամբ եւ արդարութեամբ եւ ուղղութեամբ սրտի ընդ քեզ. եւ պահեցեր նմա զողորմութիւնս զայս մեծ՝ տալ որդւոյ նորա նստել յաթոռ նորա որպէս եւ յաւուր յայսմիկ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:23

եւ ասէ. Տէր Աստուած Իսրայելի, չիք իբրեւ զքեզ Աստուած յերկինս ի վեր եւ յերկիր ի խոնարհ, որ պահեցեր զուխտ եւ զողորմութիւն ծառայի քում գնացելոյ առաջի քո ամենայն սրտիւ իւրով՝՝,

ԹԱԳԱՒՈՐՈՒԹԵԱՆՑ ԵՐՐՈՐԴ 8:61

Եւ եղիցին սիրտք մեր կատարեալք առ Տէր Աստուած մեր անարատութեամբ գնալ ըստ հրամանաց նորա, եւ պահել զպատուիրանս նորա որպէս եւ յաւուր յայսմիկ։

ԹԱԳԱՒՈՐՈՒԹԵԱՆՑ ԵՐՐՈՐԴ 9:4

Եւ դու եթէ գնասցես առաջի իմ, որպէս գնաց Դաւիթ հայր քո սրբութեամբ սրտիւ եւ ուղղութեամբ՝ առնել ըստ ամենայնի զոր պատուիրեցի նմա, եւ զհրամանս իմ եւ զպատուիրանս իմ պահեսցես,

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:2

Եւ դարձոյց Եզեկիա զերեսս իւր յորմն, եւ եկաց յաղօթս առ Տէր եւ ասէ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:4

Եւ էր Եսայի ի սրահին միջնում. եւ բան Տեառն եղեւ առ նա եւ ասէ.

ՄՆԱՑՈՐԴԱՑ ԵՐԿՐՈՐԴ 16:9

վասն զի աչք Տեառն հային յամենայն երկիր զօրացուցանել յամենայն լի սրտից զնա՝՝։ եւ արդ տգիտացար յայդմիկ. յայսմ հետէ եղիցի քեզ պատերազմ։

ԳԻՐՔ ՆԷԵՄԵԱՅ 13:14

Յիշեսցէ զիս Աստուած յայնմ ամենայնի, եւ մի՛ ի բացէ արասցէ զողորմութիւն իւր յինէն. վասն զի արարի զայս ամենայն ի տան Տեառն Աստուծոյ Իսրայելի։՝՝

ԳԻՐՔ ՆԷԵՄԵԱՅ 13:22

Եւ ասեմ ցՂեւտացիսն որք էին սրբեալ, եւ գային պահէին զդրունսն, եւ սրբէին յաւուր շաբաթու. եւ յայնմ հետէ ոչ պղծեցին զշաբաթսն՝՝։ Եւ յայսմ ամենայնի յիշեսցէ զիս Աստուած, եւ խնայեսցէ յիս ըստ բազում ողորմութեան իւրում։

ԳԻՐՔ ՆԷԵՄԵԱՅ 13:31

եւ ետու կազմ բերել զամենայն փայտ ողջակիզացն յիւրաքանչիւր ժամանակս, եւ զառաջաւորսն պտղոյ իւրեանց։ Յիշեսցէ զիս Աստուած մեր յամենայն բարութիւնս արդարութեան, այն որ օրհնեալն է յաւիտեան։ Ամէն։՝՝

ԳԻՐՔ ՆԷԵՄԵԱՅ 5:19

Յիշեսցէ զիս Աստուած՝՝ ի բարութիւն, որպէս արարի ամենայն ժողովրդեանն։

ԳԻՐՔ ՅՈԲԱՅ 1:1

Այր ոմն էր յԱւսիդ աշխարհի՝՝ որում անուն էր Յոբ. եւ էր այրն այն ճշմարիտ, անարատ,՝՝ արդար, աստուածապաշտ, մեկնեալ յամենայն իրաց չարութենէ մեղաց՝՝։

ԳԻՐՔ ՅՈԲԱՅ 1:8

Եւ ասէ ցնա Տէր. Նայեցա՞ր մտօք քովք ընդ ծառայ իմ ընդ Յոբ, զի ոչ գոյ իբրեւ զնա ի վերայ երկրի, այր անարատ, ճշմարիտ՝՝ աստուածապաշտ, մեկնեալ յամենայն իրաց չարաց՝՝։

ԳԻՐՔ ՅՈԲԱՅ 16:20

Հասցեն խնդրուածք իմ առ Տէր, եւ յանդիման նորա կաթեցուսցէ ակն իմ։

ԳԻՐՔ ՅՈԲԱՅ 4:6

Ո՞չ ապաքէն երկեւղդ քո անզգամութիւն է, եւ կասկածդ քո եւ անչարութիւն ճանապարհի քո՝՝։

ԳԻՐՔ ՍԱՂՄՈՍԱՑ 102:9

Ոչ ի սպառ բարկանայ Տէր, եւ ոչ յաւիտեան պահէ ոխս։

ԳԻՐՔ ՍԱՂՄՈՍԱՑ 25:7

Լսել ինձ՝՝ զձայն օրհնութեան քո, եւ պատմել զամենայն սքանչելիս քո։

ԳԻՐՔ ՍԱՂՄՈՍԱՑ 26:1

Տէր լոյս իմ եւ կեանք իմ, ես յումմէ՞ երկեայց. Տէր ապաւէն կենաց իմոց, ես յումմէ՞ դողացայց։

ԳԻՐՔ ՍԱՂՄՈՍԱՑ 26:3

Թէ պատրաստեսցի ի վերայ իմ պատերազմ, ոչ երկիցէ սիրտ իմ. թէ յարիցէ ի վերայ իմ ճակատամարտ, սակայն եւ յայսմիկ ի քեզ, Տէր, յուսացայ։

ԳԻՐՔ ՍԱՂՄՈՍԱՑ 32:2

Խոստովան եղերուք Տեառն օրհնութեամբ, տասնաղեաւ սաղմոսարանաւ սաղմոս ասացէք նմա։

ԳԻՐՔ ՍԱՂՄՈՍԱՑ 39:13

Շուրջ եղեն զինեւ չարք որոց ոչ էր նոցա թիւ, հասին ինձ անօրէնութիւնք իմ, եւ ես ոչ կարացի տեսանել. բազում եղեն քան զհեր գլխոյ իմոյ, եւ սիրտ իմ եթող զիս։

ԳԻՐՔ ՍԱՂՄՈՍԱՑ 6:6

Զի ոչ ոք է որ ի մահու յիշէ զքեզ, կամ ի դժոխս խոստովան առնի առ քեզ։

ԳԻՐՔ ՍԱՂՄՈՍԱՑ 6:7

Վաստակեցի ես ի հեծութեան իմում, լուացի զամենայն գիշեր զմահիճս իմ, եւ արտասուօք իմովք զանկողինս իմ թացի։

ՄԱՐԳԱՐԷՈՒԹԻՒՆ ԵՍԱՅԵԱՅ 38:14

Իբրեւ զծիծառն՝ այնպէս ճչեցի, եւ իբրեւ զաղաւնի՝ այնպէս մնչեցի. զի նուաղեցան աչք իմ ի հայելոյ ի բարձունս երկնից առ Տէր որ փրկեացն զիս, եւ փարատեցոյց զցաւս անձին իմոյ.

ՄԱՐԳԱՐԷՈՒԹԻՒՆ ԵՍԱՅԵԱՅ 63:11

Եւ յիշեաց զաւուրսն յաւիտենից, թէ՝ Ո՞ւր է Մովսէս եւ ժողովուրդն նորա, որ եհան յերկրէ զհովիւն՝՝ հօտից. ո՞ւր է որ եդ ի նոսա զՀոգին Սուրբ.

ՄԱՐԳԱՐԷՈՒԹԻՒՆ ԵՐԵՄԵԱՅ 4:2

եւ երդնուցու՝՝ թէ կենդանի է Տէր ճշմարտութեամբ եւ իրաւամբք եւ արդարութեամբ, օրհնեսցին նովաւ ազգք եւ նովիմբ գովեսցին։

ՄԱՐԳԱՐԷՈՒԹԻՒՆ ԱՄՈՎՍԱՅ 5:4

Քանզի այսպէս ասէ Տէր առ տունդ Իսրայելի. Խնդրեցէք զիս եւ կեցջիք.

ԱՒԵՏԱՐԱՆ ԸՍՏ ՂՈՒԿԱՍՈՒ 1:6

Եւ էին արդարք երկոքին առաջի Աստուծոյ, գնային յամենայն պատուիրանս եւ յիրաւունս Տեառն անարատք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:47

Իբրեւ ետես Յիսուս զՆաթանայէլ զի գայր առ նա, ասէ վասն նորա. Ահա արդարեւ Իսրայելացի յորում նենգութիւն ոչ գոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:12

Քանզի պարծանք մեր այս են, վկայութիւն մտաց մերոց, զի սրբութեամբ եւ ստուգութեամբ Աստուծոյ, եւ ոչ մարմնեղէն իմաստութեամբ, այլ շնորհօքն Աստուծոյ շրջեցաք յաշխարհի, բայց առաւել եւս առ ձեզ։

ԱՌ ԵԲՐԱՅԵՑԻՍ ԹՈՒՂԹ 5:7

Որ յաւուրս մարմնոյ իւրոյ աղօթս եւ պաղատանս առ այն որ կարողն էր ապրեցուցանել զնա ի մահուանէ՝ ուժգին գոչմամբ եւ արտասուօք մատուցանէր, եւ լսելի լինէր առ լաւութեանն։