ԹԱԳԱՒՈՐՈՒԹԵԱՆՑ ՉՈՐՐՈՐԴ 19:12 - Գրաբար Աստվածաշունչ (1895)

¹² Միթէ փրկեցի՞ն զնոսա աստուածք ազգացն զորս ապականեցին հարք իմ, զԳովզան եւ զԽառան եւ զՌափաթ եւ զորդիս Եդեմայ առ ծովեզերբ՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:12 ပူးပေါင်းရင်းမြစ်များ

ԾՆՈՒՆԴՔ 11:31

Եւ առ Թարա զԱբրամ զորդի իւր, եւ զՆաքովր զորդի իւր՝՝, եւ զՂովտ՝ զորդի Առանայ որդւոյ իւրոյ, եւ զՍարա զնու իւր, զկին Աբրամու որդւոյ իւրոյ, եւ եհան զնոսա յաշխարհէն Քաղդեացւոց՝ երթալ յերկիրն Քանանացւոց. եւ եկին մինչեւ ցԽառան, եւ բնակեցին անդ։

ԾՆՈՒՆԴՔ 11:32

Եւ եղեն ամենայն աւուրք Թարայի ի Խառան՝ ամք երկերիւր եւ հինգ, եւ մեռաւ Թարա ի Խառան։

ԾՆՈՒՆԴՔ 2:8

Եւ տնկեաց Աստուած զդրախտն՝՝ յԵդեմ ընդ արեւելս, եւ եդ անդ զմարդն զոր ստեղծ։

ԾՆՈՒՆԴՔ 29:4

Եւ ասէ ցնոսա Յակոբ. Եղբարք, ուստի՞ էք դուք։ Եւ նոքա ասեն. Ի Խառանէ եմք։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:6

Յամին իններորդի Ովսեայ ա՛ռ արքայ Ասորեստանեայց զՍամարիա, եւ խաղացոյց զԻսրայէլ յԱսորեստանեայս, եւ բնակեցոյց զնոսա յԱղաթ եւ յԱբովր՝ զգետովն Գովզանայ եւ զլերամբքն Մարաց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:11

Ահա դու քեզէն իսկ լուար զամենայն ինչ զոր արարին թագաւորք Ասորեստանեայց ընդ ամենայն աշխարհս նզովել զնոսա, եւ դու փրկիցի՞ս։

ՄՆԱՑՈՐԴԱՑ ԱՌԱՋԻՆ 5:26

Եւ յարոյց Աստուած Իսրայելի՝ զհոգին Փանովքայ արքային Ասորեստանեայց, եւ զհոգին Թագղաթփաղասարայ արքային Սուբայ, եւ գերեաց զՌուբէն եւ զԳադ՝՝ եւ զկէս ցեղին Մանասէի, եւ տարաւ զնոսա ի Քաղա եւ ի Քաբովր առ գետեզերբն Գովզանայ, մինչեւ յօրս յայս։

ՄԱՐԳԱՐԷՈՒԹԻՒՆ ԵՍԱՅԵԱՅ 37:12

Միթէ ապրեցուցի՞ն աստուածք ազգացն զայնոսիկ զորս կորուսին հարքն իմ, զԳովզան եւ զԽառան եւ զՀռափեթ, որ են յերկրին Եմաթայ՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 27:23

Խառան եւ Քանան եւ Դադան, եւ նոքա վաճառականք քո, Սաբա եւ Ասուր եւ Քաղման վաճառականք քո,

ԳՈՐԾՔ ԱՌԱՔԵԼՈՑ 7:4

Յայնժամ ելեալ յերկրէն Քաղդէացւոց բնակեցաւ ի Խառան, եւ անտի յետ մեռանելոյ հօր նորա՝ փոխեաց պանդխտեցոյց զնա յերկրիս յայսմիկ, յորում դուք այժմ բնակեալ էք։