ԹԱԳԱՒՈՐՈՒԹԵԱՆՑ ՉՈՐՐՈՐԴ 17:37 - Գրաբար Աստվածաշունչ (1895)

³⁷ եւ իրաւանց եւ դատաստանաց եւ օրինաց եւ պատուիրանացն զորս գրեաց ձեզ՝ զգուշանայցէք առնել. եւ մի՛ երկնչիցիք յաստուածոց օտարաց.

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:37 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:38

եւ զուխտն զոր ուխտեաց ընդ ձեզ՝ մի՛ ցրիցէք. եւ մի՛ երկնչիցիք յաստուածոց օտարաց.

ՄՆԱՑՈՐԴԱՑ ԱՌԱՋԻՆ 29:19

Եւ Սողոմոնի որդւոյ իմում տուր սիրտ բարի՝ առնել զպատուիրանս քո եւ զվկայութիւնս քո եւ զհրամանս քո, եւ ի կատարումն ածել զպատրաստութիւն տան քո՝՝։

ՂԵՒՏԱԿԱՆ 19:37

Եւ պահեսջիք զամենայն զօրէնս իմ եւ զամենայն զհրամանս իմ, եւ արասջիք զնոսա. զի ես եմ Տէր Աստուած։

ԵՐԿՐՈՐԴՈՒՄՆ ՕՐԻՆԱՑ 12:32

Ամենայն բանի զոր ես պատուիրեմ քեզ այսօր՝ զգուշանայցես առնելոյ, մի՛ յաւելուցուս ի նա եւ մի՛ հատանիցես ի նմանէ։

ԵՐԿՐՈՐԴՈՒՄՆ ՕՐԻՆԱՑ 31:11

ի գումարել ամենայն Իսրայելի յանդիման լինելոյ առաջի Տեառն Աստուծոյ քո ի տեղւոջն զոր ընտրեսցէ Տէր, ընթեռնուցուք զօրէնս զայս առաջի Իսրայելի յականջս նոցա,

ԵՐԿՐՈՐԴՈՒՄՆ ՕՐԻՆԱՑ 31:9

Եւ գրեաց Մովսէս զամենայն բանս օրինացս այսոցիկ ի մատենի՝՝, եւ ետ զայն ցքահանայսն, ցորդիսն Ղեւեայ, որ բառնային զտապանակ ուխտին Տեառն, եւ ցծերս որդւոցն՝՝ Իսրայելի,

ԵՐԿՐՈՐԴՈՒՄՆ ՕՐԻՆԱՑ 5:22

Զայս պատգամս խօսեցաւ Տէր ընդ ժողովրդեանն ձերում ի լերինն ի միջոյ հրոյն, ուր խաւարն եւ մէգ եւ մառախուղ էր, մեծաւ բարբառով, եւ ոչ եւս յաւել. եւ գրեաց զնոսա ի վերայ երկուց քարեղէն տախտակացն եւ ետ ցիս։

ԵՐԿՐՈՐԴՈՒՄՆ ՕՐԻՆԱՑ 5:31

Եւ դու աստ կաց առ իս, եւ խօսեցայց ընդ քեզ զպատուիրանս եւ զիրաւունս եւ զդատաստանս զոր ուսուցանիցես նոցա, եւ արասցեն յերկրին զոր ես տաց նոցա ի ժառանգութիւն։

ԵՐԿՐՈՐԴՈՒՄՆ ՕՐԻՆԱՑ 5:32

Զգոյշ լերուք առնելոյ որպէս պատուիրեաց քեզ Տէր Աստուած քո, եւ մի՛ խոտորիցիս՝՝ յաջ եւ մի՛ յահեակ։

ԵՐԿՐՈՐԴՈՒՄՆ ՕՐԻՆԱՑ 5:33

Ըստ ամենայն ճանապարհին զոր պատուիրեաց քեզ Տէր Աստուած մեր գնալ, զի հանգուսցէ զքեզ եւ բարի արասցէ քեզ՝՝, եւ երկայնօրեայք լինիցիք յերկրին զոր ժառանգիցէք։

ԴԱՏԱՒՈՐՔ 6:10

եւ ասացի ցձեզ. Ես եմ Տէր Աստուած ձեր, մի՛ երկնչիք յաստուածոց Ամովրհացւոցն, յորոց միջի դուք բնակեալ էք յերկրի նոցա. եւ ոչ լուարուք ձայնի իմում։