ԹԱԳԱՒՈՐՈՒԹԵԱՆՑ ՉՈՐՐՈՐԴ 14:19 - Գրաբար Աստվածաշունչ (1895)

¹⁹ Եւ գումարեցան ի վերայ նորա գունդք յԵրուսաղէմ, եւ փախեաւ ի Լաքիս. եւ առաքեցին զկնի նորա ի Լաքիս եւ սպանին զնա անդ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:18

Եւ մնացորդք բանից Ամասեայ եւ ամենայն ինչ զոր արար՝՝, ո՞չ աւանիկ գրեալ են ի գիրս բանից աւուրց թագաւորացն Յուդայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:20

Եւ բարձին զնա ձիովք, եւ թաղեցաւ յԵրուսաղէմ ընդ հարս իւր ի քաղաքի Դաւթի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:10

Եւ գումարեցան ի վերայ նորա Սեղղում որդի Յաբիսայ եւ Կեբդաամ, եւ հարին զնա յանդիման ժողովրդեանն եւ սպանին՝՝ զնա, եւ թագաւորեաց Սեղղում ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:14

Եւ ել Մանայեմ որդի Գադդեայ ի Թերսայ, եւ եմուտ ի Սամարիա եւ եհար զՍեղղում զորդի Յաբիսայ ի Սամարիա, եւ սպան զնա եւ թագաւորեաց ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:25

Եւ գումարեցաւ ի վերայ նորա Փակէէ որդի Ռովմելայ սպառազէն իւր, եւ եհար զնա ի Սամարիա առաջի տանն՝՝ արքայի. եւ ընդ նմա Արգոբ, եւ ընդ նմա Արիէ, եւ ընդ նմա յիսուն այր ի չորեքհարիւրոցն. եւ սպան զնա եւ թագաւորեաց ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:30

Եւ գումարեաց գունդ Ովսէէ որդի Եղայ ի վերայ Փակէի որդւոյ Ռովմելայ, եւ եհար զնա եւ սպան զնա, եւ թագաւորեաց ընդ նորա յամի քսաներորդի Յովաթամայ որդւոյ Ոզիայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:14

Եւ առաքեաց Եզեկիա արքայ Յուդայ հրեշտակս առ արքայ Ասորեստանեայց ի Լաքիս եւ ասէ. Մեղայ, դարձիր յինէն, եւ զոր ինչ դիցես ի վերայ իմ՝ բարձից։ Եւ եդ արքայն Ասորեստանեայց ի վերայ Եզեկեայ արքայի Յուդայ երեքհարեւր տաղանդ արծաթոյ եւ երեսուն տաղանդ ոսկւոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:17

Եւ առաքեաց արքայ Ասորեստանեայց զԹարաթա եւ զՌաբսարիս եւ զՌափսակ ի Լաքիսայ առ արքայ Եզեկիա զօրու ծանու ի վերայ Երուսաղեմի. եւ ելին եւ եկին յԵրուսաղէմ, եւ կացին ի վերայ ջրմղին վերնոյ աւազանին, որ է ի ճանապարհի ագարակին թափչի.

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:23

Եւ գումարեցան ծառայք Ամոնայ ի վերայ նորա, եւ սպանին զարքայ ի տան իւրում։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:27

Եւ Ոքոզիա արքայ Յուդայ ետես եւ փախեաւ ընդ ճանապարհ Բեթանգանայ. եւ պնդեցաւ զհետ նորա Յէու եւ ասէ. Հապա, եւ զդա եւս։ Եւ եհար զնա ի կառսն մինչդեռ ելանէր ընդ զառ ի վերն Բերայի, որ է Յեբղաամ. եւ փախեաւ ի Մակեդդով, եւ անդ մեռաւ։

ՄԱՐԳԱՐԷՈՒԹԻՒՆ ԵՐԵՄԵԱՅ 34:7

Եւ զօր թագաւորին Բաբելացւոց մարտնչէր ընդ Երուսաղեմի եւ ընդ ամենայն քաղաքսն Յուդայ ընդ մնացեալսն, ընդ Ղաքիսայ եւ ընդ Ազեկայ, զի նոքա մնացեալ էին ի քաղաքացն Յուդայ քաղաքք ամուրք։

ՄԱՐԳԱՐԷՈՒԹԻՒՆ ՄԻՔԻԱՅ 1:13

Շաչիւն կառաց եւ դրնդիւն երիվարաց՝՝, բնակիչդ Լաքիսայ, նա է առաջնորդ մեղաց դստեր Սիոնի. զի ի քեզ գտան ամպարշտութիւնք Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:3

Եւ առաքեաց Ադոնիբեզեկ արքայ Երուսաղեմի առ Ելամ արքայ Քեբրոնի, եւ առ Բիրիմ արքայ Յերիմութայ, եւ առ Յեփիէ արքայ Լաքիսայ, եւ առ Դաբիր արքայ Եգղոնայ, եւ ասէ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:31

Եւ գնաց Յեսու եւ ամենայն Իսրայէլ ընդ նմա ի Լեբնայէ ի Լաքիս, եւ նստաւ զնովաւ եւ պաշարեաց զնա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:39

եւ Ղաքիս եւ Բազկաթ եւ Ագղոմ