ԹԱԳԱՒՈՐՈՒԹԵԱՆՑ ՉՈՐՐՈՐԴ 12:21 - Գրաբար Աստվածաշունչ (1895)

²¹ Եւ Յովազաքար որդի Յեմաւութայ եւ Յեզեբութ որդի նորա, պանտանդք՝՝ ծառայք նորա, հարին զնա եւ սպանին. եւ թաղեցին զնա ընդ հարս իւր ի քաղաքի Դաւթի. եւ թագաւորեաց Ամասիա որդի նորա ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:21 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:9

Եւ նստաւ Դաւիթ յամրոցին, եւ կոչեցաւ այն քաղաք Դաւթի. եւ շինեաց զնա քաղաք՝՝ Դաւիթ շուրջանակի ծագէ ի ծագ, եւ զտունն իւր՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 15:27

Եւ նստաւ զնովաւ Բաասա որդի Աքիայ ի վերայ տանն՝՝ Իսաքարու, եւ եհար զնա Բաասա ի Գաբաթոնն այլազգեաց. եւ Նաբատ եւ ամենայն Իսրայէլ նստէին զԳաբաթոնաւ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:9

Եւ եղեւ ընդ առաւօտն ել եւ եկաց, եւ ասէ ցամենայն ժողովուրդն. Արդար էք դուք. ահաւասիկ ես յարեայ ի վերայ տեառն իմոյ եւ սպանի զնա, տեսէք զսոսա ափփով՝ ո՞ կոտորեաց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:1

Ի քսաներորդի եւ երրորդի ամի Յովասու որդւոյ Ոքոզեայ արքայի Յուդայ, թագաւորեաց Յովաքազ որդի Յէուայ ի վերայ Իսրայելի ի Սամարիա ամս եւթն եւ տասն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:1

Յամին երկրորդի Յովասայ որդւոյ Յովաքազու արքայի Իսրայելի, թագաւորեաց Ամասիա որդի Յովասու թագաւոր Յուդայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:19

Եւ գումարեցան ի վերայ նորա գունդք յԵրուսաղէմ, եւ փախեաւ ի Լաքիս. եւ առաքեցին զկնի նորա ի Լաքիս եւ սպանին զնա անդ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:5

Եւ եղեւ իբրեւ հաստատեցաւ թագաւորութիւնն ի ձեռս նորա, եւ եհար զծառայսն իւր որ հարին զարքայ զհայր նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:10

Եւ գումարեցան ի վերայ նորա Սեղղում որդի Յաբիսայ եւ Կեբդաամ, եւ հարին զնա յանդիման ժողովրդեանն եւ սպանին՝՝ զնա, եւ թագաւորեաց Սեղղում ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:14

Եւ զօրաժողով եղեւ Յէու որդի Յովսափատայ որդւոյն Նամեսսեայ ի վերայ Յովրամայ. եւ Յովրամ զգուշացեալ էր յՌամովթ Գաղաադ, ինքն եւ ամենայն Իսրայէլ, յերեսաց Ազայելի արքայի Ասորւոց.

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:27

Եւ Ոքոզիա արքայ Յուդայ ետես եւ փախեաւ ընդ ճանապարհ Բեթանգանայ. եւ պնդեցաւ զհետ նորա Յէու եւ ասէ. Հապա, եւ զդա եւս։ Եւ եհար զնա ի կառսն մինչդեռ ելանէր ընդ զառ ի վերն Բերայի, որ է Յեբղաամ. եւ փախեաւ ի Մակեդդով, եւ անդ մեռաւ։

ՄՆԱՑՈՐԴԱՑ ԵՐԿՐՈՐԴ 24:25

Եւ յետ գնալոյն նոցա ի նմանէ, թողին զնա ի հիւանդութեան մեծի. եւ յարեան ի վերայ նորա ծառայքն իւր, վասն արեան որդւոյն Յովիդայեայ քահանայի, եւ սպանին զնա ի գահոյսն իւրում եւ մեռաւ. եւ թաղեցին զնա ի քաղաքին Դաւթի, եւ ոչ թաղեցին զնա ի գերեզմանի թագաւորացն։