ԹԱԳԱՒՈՐՈՒԹԵԱՆՑ ՉՈՐՐՈՐԴ 12:19 - Գրաբար Աստվածաշունչ (1895)

¹⁹ Եւ մնացորդք բանից Յովասու եւ ամենայն ինչ զոր արար, ո՞չ աւանիկ գրեալ են ի գիրս բանից աւուրց թագաւորացն Յուդայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 11:41

Եւ մնացորդք բանիցն Սողոմոնի եւ ամենայն ինչ զոր արար եւ ամենայն իմաստութիւն նորա ո՞չ աւանիկ գրեալ է ի գիրս բանից Սողոմոնի։

ԹԱԳԱՒՈՐՈՒԹԵԱՆՑ ԵՐՐՈՐԴ 14:19

Եւ մնացորդք բանից Յերոբովամայ, թէ ո՛րչափ պատերազմեցաւ, եւ ո՛րչափ թագաւորեաց, ահա գրեալ են ի գիրս բանից աւուրց թագաւորացն Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 14:29

Եւ մնացորդք բանիցն Ռոբովամայ եւ ամենայն ինչ զոր արար, ո՞չ աւանիկ գրեալ են ի գիրս բանից աւուրց թագաւորացն Յուդայ։

ԹԱԳԱՒՈՐՈՒԹԵԱՆՑ ԵՐՐՈՐԴ 15:18

Եւ ա՛ռ Ասա զամենայն արծաթն եւ զոսկի գտեալ ի գանձս տանն Տեառն եւ ի գանձս տան թագաւորին, եւ ետ զայն ի ձեռս ծառայից իւրոց, եւ առաքեաց զնոսա Ասա արքայ առ որդին Ադերայ՝ որդւոյ Աբենրայիմայ որդւոյ Ազայելի՝՝ արքայի Ասորւոց բնակելոյ ի Դամասկոս՝ եւ ասէ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:18

Եւ ա՛ռ Յովաս արքայ Յուդայ զամենայն զսրբութիւնսն զոր սրբեաց Յովսափատ եւ Յովրամ եւ Ոքոզիա հարք նորա եւ թագաւորք Յուդայ, եւ զիւր սրբութիւնսն եւ զամենայն արծաթ գտեալ ի գանձս տան Տեառն եւ ի տան թագաւորին, եւ առաքեաց Ազայելի արքայի Ասորւոց, եւ գնաց յԵրուսաղեմէ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:20

Եւ յարեան ծառայք նորա եւ եդին նմա դաւաճանութիւն, եւ հարին զՅովաս ի տան Մաաղոնայ բնակեալ ի Գաղաադ՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 16:8

Եւ ա՛ռ Աքազ զարծաթ եւ զոսկի զգտեալս ի տան Տեառն եւ ի գանձս տան թագաւորին, եւ առաքեաց արքային Ասորեստանեայց պատարագս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:15

Եւ ետ Եզեկիա զամենայն արծաթ գտեալ ի տան Տեառն եւ ի գանձս տան թագաւորին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:16

Ի ժամանակի յայնմիկ կոտորեաց Եզեկիա զդրունս տաճարին Տեառն, եւ զսեամսն զոր պատեաց ոսկւով Եզեկիա արքայ Յուդայ, եւ ետ զայն արքային Ասորեստանեայց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:23

Եւ մնացորդք բանից Յովրամայ, եւ ամենայն ինչ զոր արար, ո՞չ աւանիկ գրեալ են ի գիրս բանից աւուրց թագաւորացն Յուդայ։