ԹԱԳԱՒՈՐՈՒԹԵԱՆՑ ՉՈՐՐՈՐԴ 11:19 - Գրաբար Աստվածաշունչ (1895)

¹⁹ Եւ առ զհարիւրապետսն եւ զքոռին եւ զռասիմ՝՝ եւ զամենայն ժողովուրդ երկրին, եւ իջուցին զարքայ ի տանէ Տեառն. եւ եմուտ ընդ ճանապարհն սուրհանդակաց դրան տանն արքունի, եւ նստոյց զնա՝՝ յաթոռ թագաւորացն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 11:19 ပူးပေါင်းရင်းမြစ်များ

ԾՆՈՒՆԴՔ 37:36

Իսկ Միադիանացիքն վաճառեցին զՅովսէփ յԵգիպտոս Պետափրեայ ներքինւոյ դահճապետի փարաւոնի։

ԹԱԳԱՒՈՐՈՒԹԵԱՆՑ ԵՐՐՈՐԴ 1:13

Երթ մուտ առ արքայ Դաւիթ, եւ խօսեսցիս ընդ նմա եւ ասասցես. Ո՞չ դու, տէր իմ արքայ, երդուար աղախնոյ քում եւ ասացեր թէ Սողոմոն որդի քո թագաւորեսցէ յետ իմ, եւ նա նստցի յաթոռ իմ. եւ այն զի՞նչ է զի թագաւորեաց Ադոնիա։

ԹԱԳԱՒՈՐՈՒԹԵԱՆՑ ԵՐՐՈՐԴ 14:27

Եւ արար արքայ Ռոբովամ փոխանակ նոցա զէնս պղնձիս. եւ դիմեցին ի վերայ նոցա զօրագլուխք՝՝ սուրհանդակացն որ պահէին զդրունս տանն արքայի։

ՄՆԱՑՈՐԴԱՑ ԱՌԱՋԻՆ 29:23

Եւ նստաւ Սողոմոն յաթոռ Դաւթի հօր իւրոյ, եւ յաջողեցաւ. եւ հնազանդեցաւ նմա ամենայն Իսրայէլ։

ՄՆԱՑՈՐԴԱՑ ԵՐԿՐՈՐԴ 23:19

Եւ կացին դռնապանքն՝՝ ի դրունս տան Տեառն, եւ ոչ մտանէր անմաքուր ոք անդր յամենայն իրս։

ՄՆԱՑՈՐԴԱՑ ԵՐԿՐՈՐԴ 23:20

Եւ առ զպետս տոհմիցն եւ զզօրաւորսն եւ զիշխանս ժողովրդեանն, եւ զամենայն ժողովուրդ երկրին, եւ հանին զարքայ ի տանէ Տեառն, եւ մտին ընդ դուռն ներքին ի տուն թագաւորին, եւ նստուցին զարքայ յաթոռ թագաւորութեանն.

ՄՆԱՑՈՐԴԱՑ ԵՐԿՐՈՐԴ 23:5

Եւ երրորդ մասն ի տան արքային, եւ երրորդն ի դրանն միջնում, եւ ամենայն ժողովուրդն ի սրահի տանն Տեառն լիցի.

ՄԱՐԳԱՐԷՈՒԹԻՒՆ ԵՐԵՄԵԱՅ 17:25

եւ մտցեն ընդ դրունս քաղաքիդ այդորիկ թագաւորք եւ իշխանք, որ նստիցին յաթոռն Դաւթի. եւ ելանիցեն ի կառս եւ յերիվարս իւրեանց, եւ իշխանք նոցա՝ արք Յուդայ եւ բնակիչք Երուսաղեմի. եւ բնակեսցի քաղաքդ այդ յաւիտեան։

ՄԱՐԳԱՐԷՈՒԹԻՒՆ ԵՐԵՄԵԱՅ 22:30

Այսպէս ասէ Տէր. Գրեա զայրդ զայդ այր տարագիր. զի մի՛ աճեսցէ յաւուրս իւր, եւ մի՛ աճեսցէ՝՝ ի զաւակէ դորա այր, որ նստիցի յաթոռն Դաւթի իշխան տանն Յուդայ՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 22:4

Զի թէ առնելով առնիցէք զբանդ զայդ, մտցեն ընդ դրունս տանդ այդորիկ թագաւորք որ նստիցին յաթոռ Դաւթի, եւ ելանիցեն ի կառս եւ յերիվարս, ինքն եւ ծառայք իւր եւ ժողովուրդ իւր։

Մատթեոսի Աւետարան 19:28

Ասէ ցնոսա Յիսուս. Ամէն ասեմ ձեզ զի դուք որ եկիք զկնի իմ, ի միւսանգամ գալստեան՝՝, յորժամ նստցի Որդի մարդոյ յաթոռ փառաց իւրոց, նստջիք եւ դուք յերկոտասան աթոռ՝ դատել զերկոտասան ազգն Իսրայելի։

Մատթեոսի Աւետարան 25:31

Եւ յորժամ եկեսցէ Որդի մարդոյ փառօք իւրովք եւ ամենայն հրեշտակք ընդ նմա, յայնժամ նստցի յաթոռ փառաց իւրոց։