ԹԱԳԱՒՈՐՈՒԹԵԱՆՑ ՉՈՐՐՈՐԴ 11:18 - Գրաբար Աստվածաշունչ (1895)

¹⁸ Եւ եմուտ ամենայն ժողովուրդ երկրին ի տուն Բահաղու, եւ կործանեցին զնա եւ զսեղանս նորա, եւ զպատկերս նորա խորտակեցին մանր. եւ զՄաթան զքուրմն Բահաղու սպանին յանդիման սեղանոյն. եւ եդ քահանայն ոստիկանս ի տան Տեառն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 11:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 18:40

Եւ ասէ Եղիա ցժողովուրդն. Կալարուք զմարգարէսն Բահաղու, եւ մի՛ ոք ապրեսցի ի նոցանէ։ Եւ կալան զնոսա. եւ իջոյց զնոսա Եղիա ի հեղեղատն Կիսոնի եւ կոտորեաց զնոսա անդ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:21

Եւ առաքեաց Յէու ընդ ամենայն Իսրայէլ, եւ եկին ամենայն ծառայք Բահաղու, եւ ոչ մնաց որ ոչ եկն. եւ մտին ի տունն Բահաղու, եւ լցաւ տունն Բահաղու ծայր ի ծայր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:25

Եւ եղեւ իբրեւ կատարեաց առնել զողջակէզսն, եւ ասէ Յէու ցսուրհանդակսն եւ ցսպառազէնս. Մտէք հարէք զնոսա, եւ այր մի՛ ելցէ ի նոցանէն։ Եւ հարին զնոսա սրով սուսերի, եւ ընկեցին սուրհանդակքն եւ սպառազէնք. եւ գնացին մինչեւ ցքաղաք տանն Բահաղու.

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:26

եւ հանին զարձան տանն Բահաղու, եւ այրեցին զնա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:27

Եւ կործանեցին զարձանսն Բահաղու, եւ քակեցին զտունն Բահաղու, եւ կարգեցին զնա ի լուալիս մինչեւ ցայսօր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:4

Նա եբարձ զբարձունսն եւ խորտակեաց զամենայն արձանսն՝՝ եւ կոտորեաց զանտառսն, եւ զօձն պղնձի զոր արար Մովսէս, զի մինչեւ ցայն աւուրս զոհէին նմա որդիքն Իսրայելի, եւ կոչեցին զնա Նէեսթան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:10

եւ պղծեաց զՏափեթ, որ ի ձոր որդւոցն Ենովմայ, առ ի չածելոյ առն զուստր իւր կամ զդուստր զբոցով Մեղքովմայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:14

եւ խորտակեաց զարձանսն, եւ կոտորեաց զանտառսն, եւ ելից զտեղիս նոցա ոսկերօք մարդկան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:20

Եւ ճենճերեաց զամենայն քուրմս բարձանց, որ էին անդ, ի վերայ սեղանոցն, եւ այրեաց զոսկերս մարդկան ի վերայ նոցա. եւ դարձաւ յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 21:17

եւ ելին ի վերայ Յուդայ եւ հարստահարէին զնա. եւ դարձուցին զամենայն պատրաստութիւնն զոր գտին ի տան արքային, եւ զուստերս նորա եւ զդստերս նորա. եւ ոչ մնաց նմա որդի, բայց Ոքոզիաս միայն՝ կրտսերագոյն յորդիս նորա։

ՄՆԱՑՈՐԴԱՑ ԵՐԿՐՈՐԴ 34:4

Եւ կործանեաց դէմ յանդիման իւր զսեղանս Բահաղիմայցն եւ զբարձաւանդակսն յորոց վերայ էին. եւ կոտորեաց զանտառսն՝՝, եւ զդրօշեալսն եւ զձուլածոյսն փշրեաց եւ մանրեաց եւ ընկէց յանդիման շիրմացն այնոցիկ որք զոհէին նոցա։

ՄՆԱՑՈՐԴԱՑ ԵՐԿՐՈՐԴ 34:7

Եւ ի բաց եբարձ զանտառսն եւ զբագինսն, եւ զկուռսն փշրեաց մանր, եւ զամենայն բարձունսն ի բաց եբարձ յերկրէն Իսրայելի, եւ դարձաւ յԵրուսաղէմ։

ԵԼՔ 32:20

Եւ առեալ զորթն զոր արարին՝ այրեաց հրով, եւ խարտեաց զնա մանր, եւ ցանեաց ի վերայ ջրոցն եւ արբոյց որդւոցն Իսրայելի։

ՄԱՐԳԱՐԷՈՒԹԻՒՆ ԵՍԱՅԵԱՅ 2:18

Եւ զձեռագործս իւրեանց զամենայն տարցին

ԵՐԿՐՈՐԴՈՒՄՆ ՕՐԻՆԱՑ 12:2

Կորուսանելով կորուսջիք զամենայն տեղիսն յորս պաշտեցին ի նոսա ազգքն, զորս դուք ժառանգիցէք զնոսա, զդիս իւրեանց ի վերայ լերանց բարձանց եւ ի վերայ բլրոց, եւ ի ներքոյ ամենայն վարսաւոր ծառոց.

ԵՐԿՐՈՐԴՈՒՄՆ ՕՐԻՆԱՑ 12:3

եւ կործանեսջիք զբագինս նոցա, եւ փշրեսջիք զարձանս նոցա, եւ այրեսջիք հրով, զանտառս նոցա, եւ զդրօշեալս դից նոցա կոտորեսջիք, եւ կորուսջիք զանուանս նոցա ի տեղւոջէն յայնմանէ։

ԵՐԿՐՈՐԴՈՒՄՆ ՕՐԻՆԱՑ 13:10

եւ քարկոծեսցես զնա քարամբք եւ մեռցի. զի խնդրեաց ապստամբեցուցանել զքեզ ի Տեառնէ Աստուծոյ քումմէ, որ եհան զքեզ յերկրէն Եգիպտացւոց ի տանէ ծառայութեան։

ԵՐԿՐՈՐԴՈՒՄՆ ՕՐԻՆԱՑ 13:5

Եւ մարգարէն այն կամ երազահանն երազոց մեռցի, զի խօսեցաւ ապստամբեցուցանել զքեզ ի Տեառնէ Աստուծոյ քումմէ որ եհան զքեզ յերկրէն Եգիպտացւոց, որ փրկեացն զքեզ յերկրէն ծառայութեան, մերժել զքեզ ի ճանապարհէն զոր պատուիրեաց քեզ Տէր Աստուած քո գնալ ընդ նա. եւ բարձցես զչարն ի միջոյ ձերմէ։

ԵՐԿՐՈՐԴՈՒՄՆ ՕՐԻՆԱՑ 13:6

Եւ եթէ աղաչեսցէ զքեզ եղբայր քո առ ի հօրէ կամ՝՝ առ ի մօրէ քումմէ, կամ ուստր քո, կամ դուստր քո, կամ կին ծոցոյ քո, կամ բարեկամ հանգոյն անձին քո, գաղտ եւ ասիցէ. Երթիցուք պաշտեսցուք զաստուածս օտարս զորս ոչ ճանաչիցես դու եւ հարք քո,

ԵՐԿՐՈՐԴՈՒՄՆ ՕՐԻՆԱՑ 13:9

պատմելով պատմեսցես զնմանէ՝՝. ձեռք քո նախ լինիցի ի նա սպանանել զնա, եւ ապա ձեռն ամենայն ժողովրդեանն.