ԹԱԳԱՒՈՐՈՒԹԵԱՆՑ ՉՈՐՐՈՐԴ 1:3 - Գրաբար Աստվածաշունչ (1895)

³ Եւ հրեշտակ Տեառն կոչեաց զԵղիա Թեզբացի եւ ասէ. Արի երթ ընդ առաջ հրեշտակացն Ոքոզեայ արքայի Սամարիայ, եւ ասասցես ցնոսա. Առ ի չգոյէ՞ Աստուծոյ ի մէջ Իսրայելի երթայք դուք հարցանել ի Բահաղ զՃանճիկ՝՝ աստուածն Ակկարոնի.

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 11:33

փոխանակ զի եթող զիս, եւ երկիր եպագ Աստարտայ գարշելւոյ՝՝ Սիդոնացւոց, եւ Քամովսայ կռոց Մովաբայ, եւ Մողքովմայ զազրոտւոյ որդւոցն Ամոնայ. եւ ոչ գնաց ի ճանապարհս իմ առնել ուղղութիւն առաջի իմ, եւ զճշմարտութիւնս եւ զդատաստանս իմ իբրեւ զԴաւիթ զհայր իւր։

ԹԱԳԱՒՈՐՈՒԹԵԱՆՑ ԵՐՐՈՐԴ 17:1

Եւ ասէ Եղիա մարգարէ ի Թեզբեայ Գաղաադու ցԱքաաբ. Կենդանի է Տէր Աստուած զօրութեանց՝՝, Աստուած Իսրայելի, որոյ կացի առաջի նորա, եթէ եղիցի յամսս յայսոսիկ ցօղ կամ անձրեւ, բայց եթէ բանիւ բերանոյ իմոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 18:1

Եւ եղեւ յետ աւուրց բազմաց եւ բան Տեառն եղեւ առ Եղիա յամին երրորդի, եւ ասէ. Երթ եւ երեւեաց Աքաաբու, եւ տաց անձրեւ ի վերայ երեսաց երկրի։

ԹԱԳԱՒՈՐՈՒԹԵԱՆՑ ԵՐՐՈՐԴ 18:36

Եւ եղեւ ի ժամու մատուցանելոյ պատարագին աղաղակեաց Եղիա յերկինս, եւ ասէ. Տէր Աստուած Աբրահամու եւ Իսահակայ եւ Իսրայելի, այսօր ծանիցեն եթէ դու ես Տէր Աստուած Իսրայելի, եւ ես ծառայ քո. եւ ես արարի՝՝ զգործս զայսոսիկ.

ԹԱԳԱՒՈՐՈՒԹԵԱՆՑ ԵՐՐՈՐԴ 19:5

Եւ ի քուն եմուտ եւ ննջեաց ընդ տնկովն. եւ ահա ոմն մերձեցաւ ի նա եւ ասէ. Արի եւ կեր։

ԹԱԳԱՒՈՐՈՒԹԵԱՆՑ ԵՐՐՈՐԴ 19:7

Եւ դարձեալ հրեշտակն Տեառն երկրորդ անգամ մերձեցաւ առ նա եւ ասէ ցնա. Արի կեր, զի բազում է ի քէն եւ անդր ճանապարհդ։

ԹԱԳԱՒՈՐՈՒԹԵԱՆՑ ԵՐՐՈՐԴ 21:17

Եւ խօսեցաւ Տէր ընդ Եղիայի Թեզբացւոյ եւ ասէ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:2

Եւ անկաւ Ոքոզիա ի վանդակապատէ վերնատանն իւրոյ որ ի Սամարիա եւ խօթացաւ. եւ առաքեաց հրեշտակս, եւ ասէ ցնոսա. Երթայք հարցէք ի Բահաղ զՃանճիկ՝՝ աստուածն Ակկարոնի, եթէ ապրիցե՞մ ես յախտէ աստի յայսմանէ։ Եւ գնացին հարցանել ի նմանէ։՝՝

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:6

Եւ ասեն ցնա. Այր մի ել ընդ առաջ մեր, եւ ասէ ցմեզ. Երթայք դարձարուք առ արքայն որ առաքեաց զձեզ, եւ ասասջիք ցնա. այսպէս ասէ Տէր. Առ ի չգոյէ՞ Աստուծոյ ի մէջ Իսրայելի երթաս հարցանել ի Բահաղ զՃանճիկ՝՝ աստուածն Ակկարոնի. ոչ այդպէս. այլ՝՝ ի մահիճսդ յոր ելեր՝ ոչ իջցես այտի, այլ մահու մեռցիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:8

Եւ ասեն ցնա. Այր թաւարծի, եւ գօտի մաշկեղէն ածեալ ընդ մէջ իւր։ Եւ ասէ. Եղիա Թեզբացի է այն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:15

Եւ դարձաւ առ Եղիսէ ինքն եւ ամենայն բանակն իւր, եւ եկն եկաց առաջի նորա եւ ասէ. Ահա գիտացի թէ ոչ գոյ Աստուած յամենայն երկրի բայց միայն ի մէջ Իսրայելի. եւ արդ ա՛ռ օրհնութիւն ի ծառայէ քումմէ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:8

Եւ եղեւ իբրեւ լուաւ Եղիսէ այրն Աստուծոյ եթէ պատառեաց արքայն Իսրայելի զհանդերձս իւր, առաքեաց առ արքայն Իսրայելի եւ ասէ. Ընդէ՞ր պատառեցեր զհանդերձս քո, եկեսցէ առ իս Նէեման, եւ գիտասցէ թէ գոյ մարգարէ յԻսրայելի։

ԳԻՐՔ ՍԱՂՄՈՍԱՑ 76:1

Ի կատարած. վասն Իդիթունայ. Սաղմոս Ասափայ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 8:19

Եւ եթէ ասիցեն ցձեզ. Խնդրեցէք զվհուկս եւ զգետնակոչս եւ զզրախօսս եւ զորովայնակոչս, ոչ իբրեւ զազգ ոք որ՝՝ յԱստուծոյ իւրմէ խնդրիցէ. զի՞նչ խնդրիցեն վասն կենդանեաց ի մեռելոց անտի.

ՄԱՐԳԱՐԷՈՒԹԻՒՆ ՅՈՎՆԱՆՈՒ 2:8

Առ քեզ, Տէր Աստուած իմ, ի նուաղել հոգւոյ իմոյ կարդացի՝՝, զՏէր յիշեցի, եւ եկեսցեն աղօթք իմ ի տաճար սուրբ քո։

ԱՒԵՏԱՐԱՆ ԸՍՏ ՄԱՐԿՈՍԻ 3:22

Եւ դպիրքն որ յԵրուսաղեմէ իջեալ էին՝ ասէին թէ Բէեղզեբուղ գոյ ի դմա, եւ իշխանաւ դիւացն հանէ դա զդեւս։

ԳՈՐԾՔ ԱՌԱՔԵԼՈՑ 8:26

Հրեշտակ Տեառն խօսեցաւ առ Փիլիպպոս եւ ասէ. Արի եւ գնա դու ի կողմն հարաւոյ ընդ ճանապարհ որ իջանէ յԵրուսաղեմէ ի Գազա, զի այս է անապատ։

ԹԱԳԱՒՈՐՈՒԹԵԱՆՑ ԱՌԱՋԻՆ 17:46

Եւ փակեսցէ զքեզ Տէր այսօր ի ձեռս իմ, եւ սպանից զքեզ, եւ առից զգլուխ քո ի քէն. եւ տաց զգէշ քո եւ՝՝ զդիակունս բանակի այլազգեացդ յաւուր յայսմիկ թռչնոց երկնից եւ գազանաց երկրի. եւ ծանիցէ ամենայն երկիր եթէ գոյ Աստուած ի մէջ Իսրայելի.