ԹԱԳԱՒՈՐՈՒԹԵԱՆՑ ՉՈՐՐՈՐԴ 1:16 - Գրաբար Աստվածաշունչ (1895)

¹⁶ Եւ խօսեցաւ ընդ նմա եւ ասէ՝՝. Փոխանակ զի առաքեցեր հրեշտակս հարցանել ի Բահաղ զՃանճիկ՝՝ աստուածն Ակկարոնի, որպէս առ ի չգոյէ Աստուծոյ ի մէջ Իսրայելի հարցանել ի նմանէ, ո՞չ այդպէս, այլ՝՝ ի մահիճսդ յոր ելեր՝ մի՛ իջցես այտի, այլ մահու մեռցիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 22:28

Եւ ասէ Միքիա. Եթէ դու դառնալով դարձցիս խաղաղութեամբ, ապա ոչ խօսեցաւ յիս Տէր. եւ ասէ. Լուարուք, զօրքդ ամենեքեան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:6

Եւ ասեն ցնա. Այր մի ել ընդ առաջ մեր, եւ ասէ ցմեզ. Երթայք դարձարուք առ արքայն որ առաքեաց զձեզ, եւ ասասջիք ցնա. այսպէս ասէ Տէր. Առ ի չգոյէ՞ Աստուծոյ ի մէջ Իսրայելի երթաս հարցանել ի Բահաղ զՃանճիկ՝՝ աստուածն Ակկարոնի. ոչ այդպէս. այլ՝՝ ի մահիճսդ յոր ելեր՝ ոչ իջցես այտի, այլ մահու մեռցիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:1

Յաւուրսն յայնոսիկ հիւանդացաւ Եզեկիա ի մահ. եւ եմուտ առ նա Եսայի որդի Ամովսայ մարգարէ, եւ ասէ ցնա. Այսպէս ասէ Տէր. Հրաման տուր վասն տան քում, զի մեռանիս դու եւ ոչ ապրեսցիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:21

Եւ պնդեցաւ Գէեզի զհետ Նէեմանայ. եւ ետես զնա Նէեման ընթացեալ զհետ նորա եւ դարձաւ ի կառացն ընդ առաջ նորա եւ ասէ. Ողջո՞յն է։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:10

Եւ ասէ ցնա Եղիսէ. Երթ եւ ասա ցնա. Կելով կեցցես։ Եւ եցոյց ինձ Տէր զի մահու մեռանիցի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:8

Եւ ասէ արքայ ցԱզայէլ. Ա՛ռ ի ձեռին քում մաննա, եւ ել ընդ առաջ առնն Աստուծոյ, եւ հարց զՏէր նովաւ եւ ասասցես. Եթէ կեցցե՞մ ի հիւանդութենէ աստի իմմէ յայսմանէ։

ԳԻՐՔ ՍԱՂՄՈՍԱՑ 132:3

Որպէս ցօղ զի ցօղէ ի Հերմոնէ ի վերայ լերին Սիոնի. անդ պատրաստեաց Տէր զօրհնութիւն, եւ զկեանսն յաւիտենից։

ԱՌԱԿՔ ՍՈՂՈՄՈՆԻ 11:19

Որդի արդար ծնանի ի կեանս. հալածանք ամպարշտաց ի մահ։՝՝

ՄԱՐԳԱՐԷՈՒԹԻՒՆ ԵԶԵԿԻԵԼԻ 14:4

Վասն այնորիկ խօսեաց ընդ դոսա եւ ասասցես. Այսպէս ասէ Ադոնայի Տէր. Այր ոք այր ի տանէդ Իսրայելի, որ դիցէ զխորհուրդս իւր ի սրտի իւրում, եւ զտանջանս անիրաւութեան իւրոյ կարգեսցէ առաջի աչաց իւրոց, եւ եկեսցէ առ մարգարէ՝ հարցանել նովաւ յինէն,՝՝ ես Տէր պատասխանի տաց նմա ըստ այնմ զոր ի մտի ունիցի.