ԹԱԳԱՒՈՐՈՒԹԵԱՆՑ ՉՈՐՐՈՐԴ 1:14 - Գրաբար Աստվածաշունչ (1895)

¹⁴ զի ահա անկաւ հուր յերկնից եւ եկեր զերկուս յիսնապետսն զառաջինսն եւ զյիսունս նոցա. եւ արդ պատուեսցին անձինք ծառայից քոց՝՝ յաչս քո։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:13

Եւ յաւել եւս արքայ առաքել յիսնապետ երրորդ եւ զյիսունս նորա. եւ ել եկն առ նա յիսնապետն երրորդ, եւ անկաւ ի վերայ ծնգաց իւրոց առաջի Եղիայի եւ աղաչեաց զնա, եւ խօսեցաւ ընդ նմա եւ ասէ. Այրդ Աստուծոյ, պատուեսցի անձն իմ եւ անձինք ծառայից քոց այսոցիկ յիսնիցս առաջի աչաց քոց.

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:15

Եւ խօսեցաւ հրեշտակ Տեառն ընդ Եղիայ եւ ասէ. Էջ ընդ դմա, եւ մի՛ երկնչիցիս յերեսաց նոցա։ Եւ յարեաւ Եղիա եւ էջ ընդ նմա առ արքայ։

ԳԻՐՔ ՍԱՂՄՈՍԱՑ 49:8

Ոչ թէ վասն պատարագաց քոց կշտամբեմ զքեզ. զի ողջակէզք քո առաջի իմ են յամենայն ժամ։

ԳԻՐՔ ՍԱՂՄՈՍԱՑ 72:14

եւ եղէ ես խոշտանգեալ զօրհանապազ. եւ կշտամբանք իմ ընդ առաւօտս։

ԱՌԱԿՔ ՍՈՂՈՄՈՆԻ 6:26

Զի գինք կնոջ պոռնկի՝ որչափ՝՝ նկանակի միոջ հացի. քանզի կին չար՝ զարանց պատուականաց զհոգիս որսայ։

ԳՈՐԾՔ ԱՌԱՔԵԼՈՑ 20:24

Այլ եւ ոչ՝՝ իւիք համարիմ զանձն իմ պատուական՝ որպէս զկատարել զընթացս իմ ուրախութեամբ, եւ զպաշտօնն զոր առի ի Տեառնէ Յիսուսէ՝ վկայ լինել աւետարանի շնորհացն Աստուծոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 26:21

Եւ ասէ Սաւուղ. Մեղայ, դարձիր, որդեակ իմ Դաւիթ, զի ոչ ինչ արարից քեզ չար, փոխանակ զի պատուական է անձն իմ առաջի աչաց քոց. եւ ես յայսմ աւուր ժամանակի զրախնդիր եւ յանցաւոր եմ յոյժ։

ԹԱԳԱՒՈՐՈՒԹԵԱՆՑ ԱՌԱՋԻՆ 26:24

Եւ որպէս մեծացաւ անձն քո աստ այսօր առաջի աչաց իմոց, այնպէս մեծասցի անձն իմ առաջի Տեառն, եւ ամրացուսցէ զիս՝՝ եւ ապրեցուսցէ զիս յամենայն նեղութենէ։