ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 2:15 - Գրաբար Աստվածաշունչ (1895)

¹⁵ զի հոտ անոյշ եմք Քրիստոսի առ Աստուած ի մէջ փրկելոցն եւ ի մէջ կորուսելոցն.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 2:15 ပူးပေါင်းရင်းမြစ်များ

ԾՆՈՒՆԴՔ 8:21

Եւ հոտոտեցաւ Տէր Աստուած ի հոտ անուշից։ Եւ ասէ Տէր Աստուած՝ ածեալ զմտաւ. Ոչ եւս յաւելից անիծանել զերկիր վասն գործոց մարդկան, զի միտք մարդոյ հաստատեալ են ի խնամս չարի ի մանկութենէ իւրմէ. արդ ոչ եւս յաւելից հարկանել զամենայն մարմին կենդանի որպէս արարի։

ԵԼՔ 29:18

Եւ հանցես բովանդակ զխոյն ի վերայ սեղանոյն յողջակէզ Տեառն ի հոտ անուշից. զոհ Տեառն է։

ԵԼՔ 29:25

Եւ առցես ի ձեռաց նոցա եւ հանցես ի սեղանն՝՝ ողջակիզաց ի հոտ անուշից առաջի Տեառն. զի պտուղ Տեառն է։

Երգ Երգոց 1:3

եւ ձգեցին զքեզ. զհետ հոտոյ իւղոց քոց ընթասցուք մեք՝՝։ Օրիորդացն պատմէ հարսն վասն փեսային՝ զոր ինչ շնորհեաց նմա.՝՝ Տարաւ զիս արքայ ի սենեակ իւր։ Հարսինն պատմեալ օրիորդացն, եւ նոքա ասեն.՝՝ Ցնծասցուք եւ ուրախ լիցուք ի քեզ, եւ սիրեսցուք զստինս՝՝ քո քան զգինի։ Օրիորդքն հարսինն բարբառին զանուն փեսային.՝՝ Ուղղութիւն սիրեաց զքեզ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:41

Ի հոտ անուշից ընկալայց, հանել զձեզ ի ժողովրդոց, եւ ընդունել զձեզ յաշխարհաց ուր ցրուեալն էիք ի նոսա. եւ սուրբ եղէց ի ձեզ յանդիման ժողովրդոց։

ԹԻՒՔ 15:3

եւ առնիցէք ողջակէզ Տեառն՝ եւ ողջընծայ ի զոհ, մեծացուցանել՝՝ զուխտն կամ զկամաւն, կամ ի տօնս ձեր առնել հոտ անուշից Տեառն, եթէ յարջառոյ եւ եթէ ի հօտից,

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:18

Զի ճառ խաչին կորուսելոցն յիմարութիւն է, այլ փրկելոցս մեզ՝ զօրութիւն Աստուծոյ։

ԱՌ ԵՓԵՍԱՑԻՍ ԹՈՒՂԹ 5:2

եւ գնացէք սիրով, որպէս եւ Քրիստոս սիրեաց զմեզ, եւ մատնեաց զանձն իւր վասն մեր պատարագ եւ զենումն Աստուծոյ ի հոտ անուշից։

ԱՌ ՓԻԼԻՊԵՑԻՍ ԹՈՒՂԹ 4:18

Այլ իմ առեալ զամենայն եւ առաւելեալ եմ. ընկալայ, եւ լի եմ ի ձեռն Եպափրոդիտեայ, որ է ի ձէնջ հոտ անուշից, պատարագ ընդունելի՝ հաճոյ Աստուծոյ։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 2:10

եւ ամենայն պատրանօք անիրաւութեան ի վերայ կորուսելոցն. փոխանակ զի զսէրն ճշմարտութեան ոչ ընկալան, զի ապրեսցին. եւ վասն այնորիկ առաքեսցէ նոցա Աստուած ազդեցութիւն մոլորութեան հաւատալ նոցա ստութեանն.