ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:14 - Գրաբար Աստվածաշունչ (1895)

¹⁴ որպէս եւ խելամուտ եղէք մեզ փոքր ի շատէ, զի պարծանք ձեր եմք, որպէս եւ դուք մեր՝ յաւուրն Տեառն մերոյ Յիսուսի Քրիստոսի։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:14 ပူးပေါင်းရင်းမြစ်များ

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 11:25

Ոչ կամիմ, եղբարք, եթէ տգէտք իցէք խորհրդոյս այսմիկ, զի մի՛ յանձինս ձեր իցէք իմաստունք. զի կուրութիւն փոքր ի շատէ եղեւ Իսրայելի, մինչեւ լրումն հեթանոսաց մտցէ,

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:8

որ եւ հաստատեսցէ զձեզ մինչեւ ի կատարած անարատս յօրն Տեառն մերոյ Յիսուսի Քրիստոսի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 11:18

Նախ՝ յորժամ ի մի վայր ժողովիցիք յեկեղեցին, լսեմ եթէ հերձուածք գոն ի ձեզ, եւ սակաւ ինչ հաւատացի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:31

եւ հանապազ մեռանիմք՝՝, ի պարծանս ձեր երդնում, եղբարք, զոր ունիմ ի Քրիստոս Յիսուս ի Տէր մեր։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 2:5

Ապա թէ ոք տրտմեցոյց, ոչ եթէ զիս տրտմեցոյց, այլ փոքր ի շատէ, զի մի՛ ծանրացայց ամենեցուն ձեզ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:12

Իբր ոչ եթէ միւսանգամ զանձինս ինչ ընծայեցուցանեմք ձեզ, այլ պատճառս տամք ձեզ պարծանաց վասն մեր. զի ունիցիք առ այնոսիկ որ առ աչսն պարծիցին եւ ոչ սրտիւք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 9:2

Զի գիտեմ զյօժարութիւն ձեր, զոր վասն ձեր պարծեցեալ եմ ի մէջ Մակեդոնացւոցն, թէ Աքայեցիքն ի հերուն հետէ պատրաստ են, եւ ձեր նախանձն զբազումս յորդորեաց։

ԱՌ ՓԻԼԻՊԵՑԻՍ ԹՈՒՂԹ 1:10

ընտրել ձեզ զլաւն, զի իցէք հաստատունք եւ առանց գայթակղութեան յօրն Քրիստոսի.

ԱՌ ՓԻԼԻՊԵՑԻՍ ԹՈՒՂԹ 1:26

զի պարծանք ձեր առաւել լիցին ի Քրիստոս Յիսուս ինեւ ի միւսանգամ գալստեան իմում առ ձեզ։ ՎՋ

ԱՌ ՓԻԼԻՊԵՑԻՍ ԹՈՒՂԹ 1:6

վստահ եմ յայդ թէ որ սկսաւն ի ձեզ զգործս բարեաց՝ կատարեսցէ մինչեւ յօրն Յիսուսի Քրիստոսի.

ԱՌ ՓԻԼԻՊԵՑԻՍ ԹՈՒՂԹ 2:16

զբանն կենաց ունել յանձինս ի պարծանս ինձ յաւուրն Քրիստոսի, զի ոչ ընդունայն ինչ ընթացայ եւ ոչ ընդունայն վաստակեցի։

ԱՌ ՓԻԼԻՊԵՑԻՍ ԹՈՒՂԹ 4:1

Այսուհետեւ, եղբարք իմ սիրելիք եւ անձկալիք, ուրախութիւն իմ եւ պսակ, այսպէս հաստատուն կացէք ի Տէր, սիրելիք։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 3:13

հաստատել զսիրտս ձեր անարատս ի սրբութիւն առաջի Աստուծոյ եւ Հօր մերոյ ի գալստեանն Տեառն մերոյ Յիսուսի Քրիստոսի հանդերձ ամենայն սրբովք իւրովք։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 5:23

Եւ ինքն Աստուած խաղաղութեան սուրբս արասցէ զձեզ համօրէնս. եւ բովանդակ ձեր ոգի եւ շունչ եւ մարմին անարատ ի գալուստ Տեառն մերոյ Յիսուսի Քրիստոսի պահեսցի։