ՄՆԱՑՈՐԴԱՑ ԵՐԿՐՈՐԴ 9:8 - Գրաբար Աստվածաշունչ (1895)

⁸ Եղիցի Տէր Աստուած քո օրհնեալ որ հաճեցաւ ընդ քեզ, տալ զքեզ յաթոռ թագաւորութեան իւրոյ՝ ժողովրդեան քում՝՝. զի յաղագս սիրելոյ Տեառն Աստուծոյ քո զԻսրայէլ եւ կացուցանելոյ զնա յաւիտեան՝ եդ զքեզ ի վերայ դոցա թագաւոր, առնել իրաւունս եւ արդարութիւն։

ՄՆԱՑՈՐԴԱՑ ԵՐԿՐՈՐԴ 9:8 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:3

Ասէ Աստուած Իսրայելի, ընդ իս իսկ խօսեցաւ Պահապանն Իսրայելի. առակումն ասացի ի մարդ. ո՞վ է որ կալցի զերկիւղէ Տեառն եւ զԱստուծոյ, ի լոյս առաւօտու։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:15

Եւ թագաւորեցոյց զԴաւիթ՝՝ ի վերայ ամենայն Իսրայելի. եւ առնէր Դաւիթ իրաւունս եւ արդարութիւն ի վերայ ամենայն ժողովրդեան իւրոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 10:9

Եւ եղիցի Տէր Աստուած քո օրհնեալ որ հաճեցաւ ընդ քեզ տալ զքեզ յաթոռդ Իսրայելի. վասն սիրելոյ Տեառն զԻսրայէլ հաստատել յաւիտեան. եւ կացոյց զքեզ արքայ ի վերայ նոցա, առնել իրաւունս եւ արդարութիւն յատեանս նոցա՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 3:28

Եւ լուաւ ամենայն Իսրայէլ զդատաստանն զոր դատեցաւ արքայ, եւ զահի հարան յերեսաց արքայի. զի տեսին թէ իմաստութիւն Աստուծոյ է ի նմա առնել իրաւունս։

ՄՆԱՑՈՐԴԱՑ ԱՌԱՋԻՆ 17:22

Եւ եդիր զժողովուրդ քո զԻսրայէլ ի ժողովուրդ քեզ յաւիտեան, եւ դու եղեր նոցա յԱստուած։

ՄՆԱՑՈՐԴԱՑ ԱՌԱՋԻՆ 28:5

Եւ յամենայն որդւոց իմոց, վասն զի որդիս բազումս ետ ինձ Տէր, ընտրեաց զՍողոմոն որդի իմ, նստուցանել յաթոռ թագաւորութեանն Տեառն ի վերայ Իսրայելի։

ՄՆԱՑՈՐԴԱՑ ԱՌԱՋԻՆ 29:10

Եւ օրհնեաց արքայ Դաւիթ զՏէր առաջի եկեղեցւոյն՝ եւ ասէ. Օրհնեալ է Տէր Աստուած Իսրայելի հարցն մերոց յաւիտենից մինչեւ յաւիտեանս.

ՄՆԱՑՈՐԴԱՑ ԱՌԱՋԻՆ 29:20

Եւ ասէ Դաւիթ ցամենայն եկեղեցին. Օրհնեցէք զՏէր Աստուած ձեր։ Եւ օրհնեաց ամենայն եկեղեցին զՏէր Աստուած հարցն իւրեանց, եւ խոնարհեցուցեալ զծունկս՝ երկիր պագին Տեառն եւ արքայի։

ՄՆԱՑՈՐԴԱՑ ԱՌԱՋԻՆ 29:23

Եւ նստաւ Սողոմոն յաթոռ Դաւթի հօր իւրոյ, եւ յաջողեցաւ. եւ հնազանդեցաւ նմա ամենայն Իսրայէլ։

ՄՆԱՑՈՐԴԱՑ ԵՐԿՐՈՐԴ 13:8

Եւ արդ դուք ասէք կալ հակառակ երեսաց թագաւորութեան Տեառն, որ է ի ձեռս որդւոց Դաւթի. եւ դուք բազում էք յոյժ, եւ ընդ ձեզ երինջքդ ոսկեղէնք զորս արար ձեզ Յերոբովամ յաստուածս։

ՄՆԱՑՈՐԴԱՑ ԵՐԿՐՈՐԴ 2:10

Եւ գործօնէիցն որք հատանեն զփայտն՝ ի կերակուր ետու հաց ռոճիկ ծեռայից քոց, քսան հազար քոռ ցորենոյ, եւ քսան հազար քոռ գարւոյ, եւ քսան հազար չափ գինւոյ, եւ ձէթ քսան հազար չափ։

ՄՆԱՑՈՐԴԱՑ ԵՐԿՐՈՐԴ 2:11

Եւ ասաց Քիրամ արքայ Տիւրոսի գրով, եւ արձակեաց առ Սողոմոն. Վասն սիրելոյ Տեառն զժողովուրդ իւր՝ ետ զքեզ ի վերայ դոցա թագաւոր։

ՄՆԱՑՈՐԴԱՑ ԵՐԿՐՈՐԴ 9:7

Երանելիք են արքդ եւ երանելի կանայք քո, եւ՝՝ ծառայքդ այդոքիկ որք կան առ քեզ հանապազ եւ լսեն զիմաստութիւնդ քո։

ՄՆԱՑՈՐԴԱՑ ԵՐԿՐՈՐԴ 9:9

Եւ ետ արքայի հարեւր եւ քսան տաղանդ ոսկւոյ, եւ խունկս բազում յոյժ, եւ ականս պատուականս. եւ ոչ գոյր իբրեւ զխունկսն զայնոսիկ զորս ետ տիկինն Սաբայ արքայի Սողոմոնի։

ԳԻՐՔ ՍԱՂՄՈՍԱՑ 72:2

Բայց զի իմ փոքր մի եւս սասանեալ էին ոտք, սակաւիկ մի եւ գայթակղեալ էին գնացք իմ։

ԳԻՐՔ ՍԱՂՄՈՍԱՑ 99:4

Մտէք ընդ դրունս նորա խոստովանութեամբ, եւ օրհնութեամբ ի յարկս նորա. խոստովան եղերուք Տեառն, եւ օրհնեցէք զանուն նորա։

ԱՌԱԿՔ ՍՈՂՈՄՈՆԻ 21:3

Գործել զարդարութիւն եւ խօսել զճշմարտութիւն՝՝ հաճոյ է առաջի Տեառն քան զարիւն զոհից։

ԱՌԱԿՔ ՍՈՂՈՄՈՆԻ 29:4

Թագաւոր արդար՝ կանգնէ զաշխարհ, եւ այր անօրէն կործանէ։

ՄԱՐԳԱՐԷՈՒԹԻՒՆ ԵՍԱՅԵԱՅ 42:1

Յակոբ ծառայ իմ, օգնական եղէց նմա, Իսրայէլ ընտրեալ իմ զոր ընկալաւ անձն իմ. ետու զՈգի իմ ի վերայ նորա, եւ իրաւունս հեթանոսաց հանցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 62:4

եւ ոչ եւս կոչեսցիս Լքեալ, եւ երկիրն քո ոչ եւս կոչեսցի Աւերակ. զի քեզ անուն կոչեսցին կամք իմ, եւ երկրին քում շինութիւն բնակութեան՝՝. զի հաճեսցի Տէր ընդ քեզ, եւ երկիրն քո խռնեսցի ի բնակութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 9:7

Եւ ես ածից զխաղաղութիւն ի վերայ իշխանաց նորա, եւ առողջութիւն նմա. մեծ է իշխանութիւն՝՝ նորա, եւ խաղաղութեան նորա չիք սահման յաթոռն Դաւթի նստցի, եւ զարքայութիւն նորա յաջողեսցէ, եւ զօրացուսցէ՝՝ զնա իրաւամբք եւ արդարութեամբ, յայսմ հետէ եւ յաւիտեանս ժամանակաց։ Նախանձ Տեառն զօրութեանց արասցէ զայս։

ԵՐԿՐՈՐԴՈՒՄՆ ՕՐԻՆԱՑ 7:8

այլ վասն սիրելոյ զձեզ Տեառն եւ պահելոյ զերդումնն զոր երդուաւ հարցն ձերոց՝ եհան զձեզ Տէր հզօր ձեռամբ եւ բարձր բազկաւ՝՝, եւ փրկեաց զձեզ ի տանէ ծառայութեան, ի ձեռաց փարաւոնի արքային Եգիպտացւոց։