ՄՆԱՑՈՐԴԱՑ ԵՐԿՐՈՐԴ 9:6 - Գրաբար Աստվածաշունչ (1895)

⁶ եւ ոչ հաւատացի բանիցն մինչեւ եկի եւ տեսին աչք իմ. եւ ահա ոչ է ի կէս զոր պատմեցինն, ի բազմութենէ իմաստութեանս քո զորս յաւելեր ի համբաւն զոր լուայ։

ՄՆԱՑՈՐԴԱՑ ԵՐԿՐՈՐԴ 9:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 10:7

եւ ոչ հաւատացի խօսելեացն առ իս, մինչեւ ինձէն եկի եւ տեսին աչք իմ. եւ ահա ի կէս չէ զոր պատմեցին ինձ իմաստութեանդ զոր յաւելեր եւ բարութեան, եւ ամենայն համբաւոյն զոր լսէին յերկրին իմում։

ԹԱԳԱՒՈՐՈՒԹԵԱՆՑ ԵՐՐՈՐԴ 4:31

Եւ իմաստնացաւ քան զամենայն մարդիկ, եւ իմաստնացաւ քան զԳեթան Զարաացի՝՝, եւ զԵման, եւ զՔաղքաղ եւ զԴարդան որդիս Մաւուղայ. եւ էր անուանի յամենայն ազգս շուրջանակի։

ԹԱԳԱՒՈՐՈՒԹԵԱՆՑ ԵՐՐՈՐԴ 4:34

Եւ գային ամենայն ազգք՝՝ լսել զիմաստութիւնն Սողոմոնի, յամենայն թագաւորաց երկրի՝ որ լսէին զիմաստութիւն նորա։

ՄՆԱՑՈՐԴԱՑ ԵՐԿՐՈՐԴ 9:5

Ճշմարիտ էր բանն զոր լուայ յերկրին իմում յաղագս բանից քոց, եւ վասն իմաստութեան քո.

ՄՆԱՑՈՐԴԱՑ ԵՐԿՐՈՐԴ 9:7

Երանելիք են արքդ եւ երանելի կանայք քո, եւ՝՝ ծառայքդ այդոքիկ որք կան առ քեզ հանապազ եւ լսեն զիմաստութիւնդ քո։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:17

զի որ ինչ բարին իցէ՝ նորա է, եւ որ ինչ լաւն՝ նորին. ցորեան երիտասարդաց, եւ գինի անուշարար կուսից։՝՝

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 2:9

Այլ որպէս եւ գրեալ է. Զոր ակն ոչ ետես եւ ունկն ոչ լուաւ եւ ի սիրտ մարդոյ ոչ անկաւ, պատրաստեաց Աստուած սիրելեաց իւրոց։

ՅՈՎՀԱՆՆՈՒ ԱՌԱՋԻՆ՝՝ 3:2

Սիրելիք, այժմ որդիք Աստուծոյ եմք, եւ չեւ եւս է յայտ եթէ զինչ լինելոց իցեմք. գիտեմք, զի յորժամ նա յայտնեսցի, նման նմա լինելոց եմք, զի տեսանելոց եմք զնա որպէս եւ էն։