ՄՆԱՑՈՐԴԱՑ ԵՐԿՐՈՐԴ 8:18 - Գրաբար Աստվածաշունչ (1895)

¹⁸ Եւ առաքեաց Քիրամ ի ձեռն ծառայից իւրոց նաւս, եւ արս որ գիտէին նաւել ընդ ծովն, եւ գնացին ընդ ծառայսն Սողոմոնի ի Սովփերա. եւ առին անտի չորեքհարեւր եւ յիսուն տաղանդ ոսկւոյ, եւ եկին առ արքայ Սողոմոն։

ՄՆԱՑՈՐԴԱՑ ԵՐԿՐՈՐԴ 8:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 10:22

Զի նաւ Թարսսացի էր Սողոմոնի արքայի ի ծովու ընդ նաւս Քիրամայ, եւ յերեամ գայր արքայի նաւ ի Թարսսէ, ոսկւոյ եւ արծաթոյ եւ ժանեաց փղաց եւ կապկաց եւ սիրամարգաց։

ՄՆԱՑՈՐԴԱՑ ԵՐԿՐՈՐԴ 9:10

Եւ ծառայքն Սողոմոնի եւ ծառայքն Քիրամայ բերին ոսկի Սողոմոնի ի Սովփերայ, եւ փայտս նոճս եւ ականս պատուականս։

ՄՆԱՑՈՐԴԱՑ ԵՐԿՐՈՐԴ 9:13

Եւ էր կշիռ ոսկւոյն զոր բերին Սողոմոնի ի միում տարւոջ, վեց հարեւր եւ վաթսուն եւ վեց տաղանդ ոսկւոյ,

ՄՆԱՑՈՐԴԱՑ ԵՐԿՐՈՐԴ 9:21

Վասն զի նաւ արքայի Սողոմոնի երթայր ի Թարսիս ընդ ծառայսն Քիրամայ, եւ միանգամ յերիս ամս գայր նաւն ի Թարսսայ արքայի, լի ոսկւով եւ արծաթով եւ ժանեօք փղաց եւ կապկօք եւ սիրամարգօք։

ԺՈՂՈՎՕՂ 2:8

Ժողովեցի ինձ արծաթ եւ ոսկի, եւ ստացուածս բազումս զթագաւորաց եւ զգաւառաց. արարի ինձ գուսանս եւ երգեցիկս՝ արս եւ կանայս, եւ զփափկութիւնս որդւոց մարդկան. արարի ինձ տակառապետս՝ արս եւ կանայս՝՝։