ՄՆԱՑՈՐԴԱՑ ԵՐԿՐՈՐԴ 7:9 - Գրաբար Աստվածաշունչ (1895)

⁹ Եւ արար յաւուրն ութերորդի ելս. վասն զի զնաւակատիսն արար սեղանոյն զեւթն օր տօնին՝՝։

ՄՆԱՑՈՐԴԱՑ ԵՐԿՐՈՐԴ 7:9 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:2

Եւ եկեղեցացան առ արքայ Սողոմոն ամենայն այր Իսրայելի, յամսեանն Աթանիմ ի տօնին, այն է ամիսն եւթներորդ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:65

Եւ արար Սողոմոն յաւուր յայնմիկ տօն, եւ ամենայն Իսրայէլ ընդ նմա եկեղեցի մեծ, ի մտիցն Եմաթայ մինչեւ ցգետն Եգիպտացւոց. առաջի Տեառն Աստուծոյ մերոյ ի տանն զոր շինեաց, ուտելով եւ ըմպելով եւ ուրախ լինելով առաջի Տեառն Աստուծոյ մերոյ՝՝ զեւթն օր եւ զեւթն օր, աւուրս չորեքտասան։

ՄՆԱՑՈՐԴԱՑ ԵՐԿՐՈՐԴ 30:23

Եւ խորհեցաւ եկեղեցին միանգամայն առնել այլ եւս աւուրս եւթն, եւ արարին զուրախութիւնն զեւթն եւս օր։

ՄՆԱՑՈՐԴԱՑ ԵՐԿՐՈՐԴ 7:10

Եւ ի քսան եւ երիս ամսոյն եւթներորդի արձակեաց զժողովուրդն ի խորանս իւրեանց ուրախութեամբ եւ բարի սրտիւ, յամենայն բարութիւնսն զոր արար Տէր Դաւթի եւ Սողոմոնի եւ ժողովրդեան իւրում Իսրայելի։

ԳԻՐՔ ՆԷԵՄԵԱՅ 8:18

Եւ կարդայր զգիրս օրինացն օր ըստ օրէ, յօրէն յառաջնմէ մինչեւ յօրն եւթներորդ. եւ արարին զտօնն զեւթն օր, եւ յաւուրն ութերորդի եղեւ կատարումն ըստ օրինացն։

ԵԼՔ 29:37

Զեւթն օր մաքրեսցես զսեղանն եւ սրբեսցես զնա. եւ եղիցի սեղանն սուրբ սրբոյն. ամենայն որ մերձեսցի ի սեղանն՝ սրբեսցի։

ՄԱՐԳԱՐԷՈՒԹԻՒՆ ՅՈՎԵԼԱՅ 1:14

Սրբեցէք պահս, քարոզեցէք պաղատանս. ժողովեցէք զծերս, ամենայն բնակիչք երկրիդ, ի տուն Աստուծոյ ձերոյ, եւ աղաղակեցէք առ Տէր սրտի մտօք։

ՂԵՒՏԱԿԱՆ 23:36

Զեւթն օր մատուցանիջիք ողջակէզս Տեառն, եւ օրն եւթներորդ կոչեցեալ,՝՝ սուրբ եղիցի ձեզ, եւ մատուցանիցէք ողջակէզ Տեառն. քանզի ելք են՝՝. զամենայն գործ սպասաւորութեան մի՛ գործիցէք։

ԹԻՒՔ 7:10

Եւ մատուցին իշխանքն ի նաւակատիս սեղանոյն, յաւուր յորում օծ զնա, եւ բերին իշխանքն զընծայս իւրեանց առաջի սեղանոյն։

ԵՐԿՐՈՐԴՈՒՄՆ ՕՐԻՆԱՑ 16:8

Զվեց օր կերիցես բաղարջ, եւ յաւուրն եւթներորդի ելք տօն Տեառն Աստուծոյ քո. մի՛ գործեսցես ի նմա զամենայն գործ բայց որ ինչ գործիցի անձին՝՝։