ՄՆԱՑՈՐԴԱՑ ԵՐԿՐՈՐԴ 7:6 - Գրաբար Աստվածաշունչ (1895)

⁶ Եւ քահանայքն ըստ պահպանութեանն իւրեանց կացին, եւ Ղեւտացիքն նուագարանօք երգոցն Տեառն եւ Դաւթայ արքայի, խոստովան լինել առաջի Տեառն՝ զի յաւիտեան է ողորմութիւն նորա. օրհնութեամբքն Դաւթայ ի ձեռն նոցա. եւ քահանայքն հարկանէին փողս առաջի նոցա. եւ ամենայն Իսրայէլ յոտն կայր։

ՄՆԱՑՈՐԴԱՑ ԵՐԿՐՈՐԴ 7:6 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 5:12

եւ Ղեւտացիքն սաղմոսանուագք, ամենեքեան յորդւոցն Ասափայ եւ Եմանայ եւ Իդիթունայ, եւ յորդւոցն նոցա եւ յեղբարցն նոցա, որք զգեցեալ էին զպատմուճանս բեհեզեղէնս, եւ տաւղօք եւ քնարօք եւ սրընգօք կային յարեւելից կողմանէ սեղանոյն, եւ ընդ նոսա քահանայք հարեւր եւ քսան՝ հարկանէին փողս.)

ՄՆԱՑՈՐԴԱՑ ԵՐԿՐՈՐԴ 7:3

Եւ ամենայն որդիքն Իսրայելի տեսանէին զիջանել հրոյն եւ զփառսն Տեառն ի վերայ տանն. եւ անկան ի վերայ երեսաց յերկիր ի քարայատակ տեղւոջն, եւ երկիր պագին եւ օրհնեցին զՏէր, զի բարի է, զի յաւիտեան է ողորմութիւն նորա։

ՄԱՐԳԱՐԷՈՒԹԻՒՆ ԱՄՈՎՍԱՅ 6:5

որ կայթս հարկանէիք ընդդէմ սրնգաց. զորս իբրեւ հաստատունս համարեցայք, եւ ոչ անցաւորս.

ՄԱՐԳԱՐԷՈՒԹԻՒՆ ԵՍԱՅԵԱՅ 52:6

Վասն այնորիկ ծանիցէ ժողովուրդ իմ զանուն իմ յաւուր յայնմիկ, թէ ես նոյն եմ որ խօսէին, եւ արդ եկի հասի՝՝։

ԳԻՐՔ ՍԱՂՄՈՍԱՑ 138:8

Թէ ելանեմ յերկինս՝ դու անդ ես. թէ իջանեմ ի դժոխս՝ եւ անդր մօտ ես.

ԳԻՐՔ ՍԱՂՄՈՍԱՑ 107:1

Օրհնութիւն Սաղմոսաց Դաւթի։

ԳԻՐՔ ՍԱՂՄՈՍԱՑ 106:1

Խոստովան եղերուք Տեառն, զի քաղցր է, զի յաւիտեան է ողորմութիւն նորա։

ԳԻՐՔ ՍԱՂՄՈՍԱՑ 87:7

Եդիր զիս ի գբի ներքնումն, ի խաւարի եւ ի ստուերս մահու։

ՄՆԱՑՈՐԴԱՑ ԵՐԿՐՈՐԴ 29:25

Եւ կացուցին զՂեւտացիսն ի տանն Տեառն՝ ծնծղայիւք եւ տաւղօք եւ քնարօք, ըստ պատուիրանին Դաւթայ արքայի, եւ Գադայ տեսանողի թագաւորին եւ Նաթանայ մարգարէի. վասն զի պատուիրանաւ Տեառն էր հրամանն ի ձեռն մարգարէիցն։

ՄՆԱՑՈՐԴԱՑ ԱՌԱՋԻՆ 16:34

Խոստովան եղերուք Տեառն, զի բարի է, զի յաւիտեան է ողորմութիւն նորա։

ՄՆԱՑՈՐԴԱՑ ԱՌԱՋԻՆ 15:24

Եւ Սովբենիաս եւ Յովսափատ եւ Նաթանիէլ եւ Ամեսայի եւ Զաքարիաս եւ Բանեա եւ Եղիազար, քահանայքն յուսացեալք փողովք՝՝ առաջի տապանակին Աստուծոյ. եւ Աբդեդովմ եւ Յէիաս՝ դռնապանք տապանակին Աստուծոյ։

ՄՆԱՑՈՐԴԱՑ ԱՌԱՋԻՆ 13:8

Եւ Դաւիթ եւ ամենայն Իսրայէլ խաղային առաջի Աստուծոյ ամենայն զօրութեամբ, երգովք սաղմոսաց, տաւղօք եւ քնարօք եւ թմբկօք եւ ծնծղայիւք եւ փողովք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:4

Եւ եւթն քահանայ առցեն զեւթն փողսն եղջերեայս յոբելեան առաջի տապանակին. եւ յաւուրն եւթներորդի պատեսջիք զքաղաքն եւթն անգամ. եւ քահանայքն հարցեն զփողսն եղջերեայս։

ՄՆԱՑՈՐԴԱՑ ԵՐԿՐՈՐԴ 7:5

Եւ եզեն Սողոմոն զզոհսն, զուարակս քսան եւ երկու հազարս, եւ ոչխարս արօտականս հարեւր քսան հազարս. եւ արար զնաւակատիս տաճարին Աստուծոյ արքայ եւ ամենայն ժողովուրդն։

ՄՆԱՑՈՐԴԱՑ ԵՐԿՐՈՐԴ 5:13

եւ եղեւ միանգամայն ձայն ի հարկանել զփողսն եւ յերգել զսաղմոսն եւ ամբառնալ զձայնսն միաբան ասելով. Խոստովան եղերուք եւ օրհնեցէք զՏէր։ Եւ բարձրացուցին զձայնսն փողովքն եւ ծնծղայիւք եւ գործեօք երգոյն, եւ ասացին. Խոստովան եղերուք Տեառն. զի բարի է, զի յաւիտեան է ողորմ նորա։ Եւ տունն լցաւ ամպով փառացն Տեառն.

ՄՆԱՑՈՐԴԱՑ ԵՐԿՐՈՐԴ 23:18

Եւ ա՛ռ Յովիդայէ քահանայ զգործ տանն ի ձեռն քահանայից Ղեւտացւոց. եւ կանգնեաց զհանապազորդեան պաշտօնեայս՝ զքահանայս եւ զՂեւտացիս զորս զատոյց Դաւիթ՝ ի տունն Տեառն, եւ մատոյց՝՝ ողջակէզս Տեառն, որպէս եւ գրեալ է յօրէնսն Մովսիսի, ուրախութեամբ եւ երգովք ի ձեռն Դաւթի։

ՄՆԱՑՈՐԴԱՑ ԵՐԿՐՈՐԴ 29:27

Եւ ասաց Եզեկիա հանել զողջակէզսն ի վերայ սեղանոյն. եւ իբրեւ սկսան հանել զողջակէզսն, սկսան երգել Տեառն փողովքն եւ նուագարանօքն Դաւթայ արքայի Իսրայելի։

ԵԶՐ 6:18

Եւ կացուցին զքահանայսն ըստ տեղեաց իւրեանց, եւ զՂեւտացիսն ըստ վիճակի բաժանմանն իւրեանց ի սպասաւորութիւն Տեառն Աստուծոյ յԵրուսաղէմ, երկու հազար եւ երկերիւր,՝՝ որպէս եւ գրեալ է ի գիրս Մովսիսի։