ՄՆԱՑՈՐԴԱՑ ԵՐԿՐՈՐԴ 7:5 - Գրաբար Աստվածաշունչ (1895)

⁵ Եւ եզեն Սողոմոն զզոհսն, զուարակս քսան եւ երկու հազարս, եւ ոչխարս արօտականս հարեւր քսան հազարս. եւ արար զնաւակատիս տաճարին Աստուծոյ արքայ եւ ամենայն ժողովուրդն։

ՄՆԱՑՈՐԴԱՑ ԵՐԿՐՈՐԴ 7:5 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 29:21

Եւ եզեն Դաւիթ՝՝ Տեառն զոհս, եւ մատոյց ողջակէզս Աստուծոյ՝՝ ի վաղիւն առաջնոյ աւուրն, զուարակս հազար, խոյս հազար, գառինս հազար, եւ զնուէրս նոցա եւ զզոհսն յաճախութեամբ ամենայն Իսրայելի։

ՄՆԱՑՈՐԴԱՑ ԵՐԿՐՈՐԴ 1:6

Եւ եհան անդ Սողոմոն ի վերայ պղնձի սեղանոյն առաջի Տեառն ի խորանին, եւ մատոյց ի վերայ նորա ողջակէզս հազար։

ՄՆԱՑՈՐԴԱՑ ԵՐԿՐՈՐԴ 15:11

եւ եզեն Տեառն յաւուրն յայնմ յաւարացն զոր ածին՝ զուարակս եւթն հարեւր եւ ոչխարս եւթն հազար։

ՄՆԱՑՈՐԴԱՑ ԵՐԿՐՈՐԴ 2:4

եւ արդ ահա ես որդի նորա՝՝ շինեմ տուն անուան Տեառն Աստուծոյ իմոյ, սրբել զնա նմա, ծխել առաջի նորա խունկս եւ առաջադրութիւնս յամենայն ժամ, եւ մատուցանել ողջակէզս հանապազ առաւօտուց եւ երեկորին, եւ ի շաբաթս եւ յամսամուտս եւ ի տօնս Աստուծոյ մերոյ, յաւիտեան զայն յԻսրայելի։

ՄՆԱՑՈՐԴԱՑ ԵՐԿՐՈՐԴ 30:24

Վասն զի Եզեկիաս սկսաւ տալ ի Յուդայ եկեղեցւոյն՝՝ զուարակս հազար եւ ոչխարս եւթն հազար. եւ իշխանքն սկսան տալ՝՝ ժողովրդեանն զուարակս հազար եւ ոչխարս տասն հազար. եւ սրբեցան ի քահանայիցն բազումք յոյժ։

ՄՆԱՑՈՐԴԱՑ ԵՐԿՐՈՐԴ 5:6

Եւ արքայ Սողոմոն եւ ամենայն ժողովուրդն Իսրայելի եւ երկիւղածքն եւ ժողովեալքն նոցա՝՝ առաջի տապանակին զենուին զուարակս եւ ոչխարս որոց ոչ գոյր թիւ եւ ոչ համար ի բազմութենէն։

ՄՆԱՑՈՐԴԱՑ ԵՐԿՐՈՐԴ 7:4

Եւ արքայ եւ ամենայն ժողովուրդն զենուին զոհս առաջի Տեառն։

ՄՆԱՑՈՐԴԱՑ ԵՐԿՐՈՐԴ 7:6

Եւ քահանայքն ըստ պահպանութեանն իւրեանց կացին, եւ Ղեւտացիքն նուագարանօք երգոցն Տեառն եւ Դաւթայ արքայի, խոստովան լինել առաջի Տեառն՝ զի յաւիտեան է ողորմութիւն նորա. օրհնութեամբքն Դաւթայ ի ձեռն նոցա. եւ քահանայքն հարկանէին փողս առաջի նոցա. եւ ամենայն Իսրայէլ յոտն կայր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:17

Եւ ի ձեռն առաջնորդին՝՝ եղիցին ողջակէզքն եւ զոհքն եւ սպանդքն՝ ի տօնս եւ յամսագլուխս եւ ի շաբաթս յամենայն տօնս տանդ Իսրայելի նա մատուսցէ զվասն մեղացն եւ զզոհսն եւ զողջակէզսն եւ զվասն փրկութեանն՝ քաւել զտունդ՝՝ Իսրայելի։

ՄԱՐԳԱՐԷՈՒԹԻՒՆ ՄԻՔԻԱՅ 6:7

եթէ իցէ՝ ընկալցի՞ Տէր ընդ հազարաւորս խոյոց, կամ ընդ բիւրաւորս նոխազաց պարարտաց՝՝. եթէ տա՞ց զանդրանիկս իմ վասն ամպարշտութեանց, եւ զպտուղ միջոյ իմոյ վասն մեղաց անձին իմոյ։

ԹԻՒՔ 7:10

Եւ մատուցին իշխանքն ի նաւակատիս սեղանոյն, յաւուր յորում օծ զնա, եւ բերին իշխանքն զընծայս իւրեանց առաջի սեղանոյն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 10:22

Եղեն յայնժամ նաւակատիքն յԵրուսաղէմ, եւ ձմեռն էր։