ՄՆԱՑՈՐԴԱՑ ԵՐԿՐՈՐԴ 7:3 - Գրաբար Աստվածաշունչ (1895)

³ Եւ ամենայն որդիքն Իսրայելի տեսանէին զիջանել հրոյն եւ զփառսն Տեառն ի վերայ տանն. եւ անկան ի վերայ երեսաց յերկիր ի քարայատակ տեղւոջն, եւ երկիր պագին եւ օրհնեցին զՏէր, զի բարի է, զի յաւիտեան է ողորմութիւն նորա։

ՄՆԱՑՈՐԴԱՑ ԵՐԿՐՈՐԴ 7:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 18:39

Իբրեւ ետես ամենայն ժողովուրդն, անկան ի վերայ երեսաց իւրեանց եւ ասեն. Արդարեւ Տէր, նա է Աստուած, Տէր, նա է Աստուած։

ՄՆԱՑՈՐԴԱՑ ԱՌԱՋԻՆ 16:34

Խոստովան եղերուք Տեառն, զի բարի է, զի յաւիտեան է ողորմութիւն նորա։

ՄՆԱՑՈՐԴԱՑ ԱՌԱՋԻՆ 16:41

Եւ ընդ նմա Եման եւ Իդիթուն, եւ այլք ընտրեալք յանուանէ, օրհնել զՏէր, զի յաւիտեան է ողորմութիւն նորա.

ՄՆԱՑՈՐԴԱՑ ԱՌԱՋԻՆ 29:20

Եւ ասէ Դաւիթ ցամենայն եկեղեցին. Օրհնեցէք զՏէր Աստուած ձեր։ Եւ օրհնեաց ամենայն եկեղեցին զՏէր Աստուած հարցն իւրեանց, եւ խոնարհեցուցեալ զծունկս՝ երկիր պագին Տեառն եւ արքայի։

ՄՆԱՑՈՐԴԱՑ ԵՐԿՐՈՐԴ 20:18

Եւ խոնարհեալ Յովսափատ ի վերայ երեսաց իւրոց, եւ ամենայն Յուդաս եւ բնակիչք Երուսաղեմի, անկան առաջի Տեառն եւ երկիր պագին Տեառն։

ՄՆԱՑՈՐԴԱՑ ԵՐԿՐՈՐԴ 20:21

Եւ խորհեցաւ ընդ ժողովրդեանն. եւ կացոյց սաղմոսանուագս եւ օրհնիչս՝ խոստովան լինել եւ օրհնել զսրբութիւնսն՝՝ յելանելն առաջի զօրուն. եւ ասէին. Խոստովան եղերուք Տեառն, զի յաւիտեան է ողորմութիւն նորա։

ՄՆԱՑՈՐԴԱՑ ԵՐԿՐՈՐԴ 29:28

Եւ ամենայն եկեղեցին երկիր պագանէր, եւ սաղմոսանուագքն երգէին, եւ հարկանէին զփողսն մինչեւ կատարեցան ողջակէզքն։

ՄՆԱՑՈՐԴԱՑ ԵՐԿՐՈՐԴ 29:29

Եւ իբրեւ կատարեցին մատուցանել, խոնարհեցաւ թագաւորն եւ ամենայն քահանայքն եւ երկիր պագին։

ՄՆԱՑՈՐԴԱՑ ԵՐԿՐՈՐԴ 29:30

Եւ ասաց արքայ Եզեկիաս եւ իշխանքն ցՂեւտացիսն օրհնել զՏէր բանիւքն Դաւթի եւ Ասափայ մարգարէի. եւ օրհնէին ուրախութեամբ, եւ անկան ի վերայ երեսաց եւ երկիր պագին։

ՄՆԱՑՈՐԴԱՑ ԵՐԿՐՈՐԴ 5:13

եւ եղեւ միանգամայն ձայն ի հարկանել զփողսն եւ յերգել զսաղմոսն եւ ամբառնալ զձայնսն միաբան ասելով. Խոստովան եղերուք եւ օրհնեցէք զՏէր։ Եւ բարձրացուցին զձայնսն փողովքն եւ ծնծղայիւք եւ գործեօք երգոյն, եւ ասացին. Խոստովան եղերուք Տեառն. զի բարի է, զի յաւիտեան է ողորմ նորա։ Եւ տունն լցաւ ամպով փառացն Տեառն.

ԵԶՐ 3:11

եւ ասեն այր ցընկեր իւր. Խոստովան եղերուք եւ գոհացարուք զՏեառնէ, զի քաղցր է, զի յաւիտեան է ողորմութիւն նորա ի վերայ Իսրայելի։ Եւ ամենայն ժողովուրդն մեծաձայն օրհնէին զՏէր Աստուած Իսրայելի՝՝. վասն զի անկան հիմունք տանն Տեառն։

ԳԻՐՔ ՍԱՂՄՈՍԱՑ 100:5

Որ խօսէր գաղտ զընկերէ իւրմէ, զնա բացէ ի բաց հալածէի. որ ամբարտաւան էր աչօք եւ ագահ սրտիւ, ընդ նմա եւ հաց ոչ ուտէի՝՝։

ԳԻՐՔ ՍԱՂՄՈՍԱՑ 103:17

Անդ թռչունք երկնից ձագս հանցեն, եւ բոյն արագլի ապաւէն է նոցա՝՝։

ԳԻՐՔ ՍԱՂՄՈՍԱՑ 106:1

Խոստովան եղերուք Տեառն, զի քաղցր է, զի յաւիտեան է ողորմութիւն նորա։

ԳԻՐՔ ՍԱՂՄՈՍԱՑ 107:1

Օրհնութիւն Սաղմոսաց Դաւթի։

ԳԻՐՔ ՍԱՂՄՈՍԱՑ 118:1

Երանեալ են ամբիծք ի ճանապարհի, եւ ոյք գնան յօրէնս Տեառն։

ԳԻՐՔ ՍԱՂՄՈՍԱՑ 95:6

Խոստովանութիւն եւ վայելչութիւն է առաջի նորա, սրբութիւն եւ մեծվայելչութիւն ի սրբութեան նորա։

ԵԼՔ 4:31

Եւ հաւատաց ժողովուրդն եւ ուրախ եղեւ, զի արար Աստուած այց որդւոցն Իսրայելի, եւ զի հայեցաւ ի նեղութիւն նոցա. խոնարհեցաւ ժողովուրդն եւ երկիր եպագ։

ՄԱՐԳԱՐԷՈՒԹԻՒՆ ԵՍԱՅԵԱՅ 63:7

Զողորմութիւնս Տեառն յիշեցից, զքաջութիւն Տեառն յուշ արարից, յամենայնի՝՝ զոր հատուցանէ մեզ Տէր Տէր դատաւոր բարերար տանն Իսրայելի, որ ածէ ի վերայ մեր՝՝ ըստ ողորմութեան իւրում եւ ըստ բազում արդարութեան իւրոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 33:11

ձայն ուրախութեան եւ ձայն ցնծութեան, ձայն փեսայի եւ ձայն հարսին, որք ասիցեն՝՝. Գոհացարուք զՏեառնէ ամենակալէ զի քաղցր է, զի յաւիտեան է ողորմ նորա. բերցեն պատարագս օրհնութեան ի տուն Տեառն. զի դարձուցից զգերութիւն երկրիդ այդորիկ՝ ըստ առաջնոյն, ասէ Տէր։

ՂԵՒՏԱԿԱՆ 9:24

Եւ ել հուր ի Տեառնէ, եւ եկեր որ ինչ կայր ի վերայ սեղանոյն, զողջակէզն եւ զճարպն. եւ ետես ամենայն ժողովուրդն եւ զարհուրեցաւ, եւ անկան ի վերայ երեսաց իւրեանց։

ԹԻՒՔ 14:5

Եւ անկան Մովսէս եւ Ահարոն ի վերայ երեսաց իւրեանց առաջի ամենայն ժողովրդեան որդւոցն Իսրայելի։

ԹԻՒՔ 16:22

Անկան ի վերայ երեսաց իւրեանց եւ ասեն. Աստուած, Աստուած հոգւոց ամենայն մարմնոյ. եթէ մի մարդ մեղաւ, ի վերայ ամենայն ժողովրդե՞անդ գայցէ բարկութիւն Տեառն։

ԱՒԵՏԱՐԱՆ ԸՍՏ ՂՈՒԿԱՍՈՒ 1:50

Եւ ողորմութիւն նորա ազգաց յազգս երկիւղածաց իւրոց։