ՄՆԱՑՈՐԴԱՑ ԵՐԿՐՈՐԴ 7:1 - Գրաբար Աստվածաշունչ (1895)

¹ Եւ իբրեւ կատարեաց Սողոմոն զաղօթսն, հուր էջ յերկնից եւ եկեր զողջակէզսն եւ զզոհսն. եւ փառքն Տեառն լցին զտունն։

ՄՆԱՑՈՐԴԱՑ ԵՐԿՐՈՐԴ 7:1 ပူးပေါင်းရင်းမြစ်များ

ԾՆՈՒՆԴՔ 15:17

Եւ իբրեւ արեւն ի մուտս լինէր, բոցք հատանէին, եւ ահա հնոց ծխեալ. եւ ճառագայթք հրոյ անցանէին ընդ մէջ անդամոցն յօշելոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 18:24

Եւ կարդասջիք զանուն աստուածոցն ձերոց, եւ ես կոչեցից զանուն Տեառն Աստուծոյ իմոյ՝՝. եւ եղիցի աստուած որ լուիցէ հրով՝ նա է Աստուած։ Պատասխանի ետուն ամենայն ժողովուրդն եւ ասեն. Բարի է բանդ զոր խօսեցար՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 18:38

Եւ անկաւ հուր ի Տեառնէ յերկնից, եւ եկեր զողջակէզսն եւ զշերտսն, եւ զհողն եւ զջուրն որ ի ծովուն լափեաց հուրն։

ԹԱԳԱՒՈՐՈՒԹԵԱՆՑ ԵՐՐՈՐԴ 9:1

Եւ եղեւ իբրեւ կատարեաց Սողոմոն շինել զտունն Տեառն եւ զտունն արքայի, եւ զամենայն հանդերձանս Սողոմոնի զոր կամեցաւ առնել,

ՄՆԱՑՈՐԴԱՑ ԱՌԱՋԻՆ 21:26

Եւ շինեաց Դաւիթ անդ սեղան Տեառն, եւ եհան ողջակէզս եւ վասն փրկութեան՝՝. եւ գոչեաց առ Տէր, եւ լուաւ նմա հրով յերկնից ի վերայ սեղանոյ ողջակիզին, եւ ծախեաց զողջակէզսն։՝՝

ԳԻՐՔ ՍԱՂՄՈՍԱՑ 26:8

Զի քեզ ասաց սիրտ իմ, եւ խնդրեցին երեսք իմ,՝՝ զերեսս քո, Տէր, խնդրեցից։

ԵԼՔ 19:18

Եւ լեառն Սինա ծխէր առ հասարակ, քանզի իջեալ կայր Աստուած ի վերայ նորա հրով, եւ ելանէր ծուխ նորա իբրեւ զծուխ հնոցի, եւ զարհուրեցաւ ամենայն ժողովուրդն յոյժ։

ԵԼՔ 29:43

Եւ ժամանակեցից անդ որդւոցն Իսրայելի, եւ սրբեցայց փառօք իմովք։

ՄԱՐԳԱՐԷՈՒԹԻՒՆ ԵՍԱՅԵԱՅ 65:24

Եւ եղիցի՝ մինչչեւ կարդացեալ իցէ նոցա՝ ես լուայց նոցա, եւ մինչդեռ խօսիցին, ասացից թէ՝ Զի՞նչ խնդրէք՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:5

Եւ համբարձ զիս Հոգին, եւ տարաւ զիս ի սրահն ներքին. եւ ահա լի էր փառօք Տեառն տաճարն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:4

Եւ տարաւ զիս ընդ ճանապարհ դրանն որ ընդ հիւսիսի յանդիման տաճարին. եւ տեսանէի եւ ահա փառօք Տեառն լի էր տունն Տեառն, եւ անկայ ի վերայ երեսաց իմոց։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:4

Եւ հաճոյ եղիցի Տեառն պատարագն Յուդայ եւ Երուսաղեմի, որպէս յաւուրսն յաւիտենից եւ որպէս յամսն առաջինս։

ԳՈՐԾՔ ԱՌԱՔԵԼՈՑ 4:31

Եւ մինչ կային նոքա յաղօթս, շարժեցաւ տեղին յորում էին ժողովեալ, եւ լցան ամենեքին Հոգւով Սրբով, եւ խօսէին զբանն Աստուծոյ համարձակութեամբ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:23

Եւ քաղաքին չէին պէտք արեգական եւ լուսնի, զի լուսաւորեսցեն զնա. քանզի փառքն Աստուծոյ լուսաւորէին զնա յամենայն ժամ, եւ ճրագ ի նմա՝ Գառնն։

ԴԱՏԱՒՈՐՔ 6:21

Եւ ձգեաց հրեշտակն Տեառն զծայր գաւազանին որ ի ձեռին իւրում, եւ հասոյց ի միսն եւ ի բաղարջսն. եւ բորբոքեցաւ հուր ի վիմէ անտի, եւ եկեր զմիսն եւ զբաղարջսն. եւ հրեշտակն Տեառն գնաց յաչաց նորա։