ՄՆԱՑՈՐԴԱՑ ԵՐԿՐՈՐԴ 5:2 - Գրաբար Աստվածաշունչ (1895)

² Յայնժամ եկեղեցացոյց Սողոմոն զծերսն Իսրայելի եւ զամենայն իշխանս ցեղիցն, զառաջնորդս տոհմից որդւոցն Իսրայելի յԵրուսաղէմ, հանել զտապանակ ուխտին Տեառն ի քաղաքէն Դաւթի՝ նա է Սիոն։

ՄՆԱՑՈՐԴԱՑ ԵՐԿՐՈՐԴ 5:2 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:7

Եւ ա՛ռ Դաւիթ զՍիոն եւ զամրոց նորա՝՝, այն է քաղաք Դաւթի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:12

Եւ պատմեցին Դաւթի եւ ասեն. Օրհնեաց Տէր զտունն Աբեդդարայ եւ զամենայն ինչ որ նորա վասն տապանակին Աստուծոյ։ Եւ չոգաւ Դաւիթ եւ եհան զտապանակն Տեառն ի տանէ Աբեդդարայ ի քաղաք Դաւթի ուրախութեամբ։

ՄՆԱՑՈՐԴԱՑ ԱՌԱՋԻՆ 15:1

Եւ արար իւր տունս ի քաղաքի Դաւթի, եւ պատրաստեաց զտեղի տապանակին Աստուծոյ, եւ արար նմա խորան։

ՄՆԱՑՈՐԴԱՑ ԱՌԱՋԻՆ 15:12

եւ ասէ ցնոսա. Դուք էք իշխան տոհմից Ղեւտացւոց, դուք սրբեցարուք եւ եղբարք ձեր, եւ հանէք զտապանակն Աստուծոյ Իսրայելի ի տեղին զոր պատրաստեցի նմա։

ՄՆԱՑՈՐԴԱՑ ԱՌԱՋԻՆ 15:25

Եւ Դաւիթ եւ ծերքն Իսրայելի եւ հազարապետք երթային հանել զտապանակ ուխտին Տեառն ի տանէն Աբեդդարայ ուրախութեամբ։

ՄՆԱՑՈՐԴԱՑ ԱՌԱՋԻՆ 15:3

Եւ ժողովեաց Դաւիթ զամենայն Իսրայէլ յԵրուսաղէմ հանել զտապանակն Տեառն ի տեղին զոր պատրաստեաց նմա։

ՄՆԱՑՈՐԴԱՑ ԱՌԱՋԻՆ 16:1

Եւ տարաւ ի ներքս զտապանակն Աստուծոյ, եւ հաստատեաց զնա ի մէջ խորանին՝ զոր պատրաստեաց նմա Դաւիթ. եւ մատուցին ողջակէզս եւ զփրկութեանցն առաջի Աստուծոյ։

ՄՆԱՑՈՐԴԱՑ ԱՌԱՋԻՆ 24:31

Առին եւ նոքա վիճակս, որպէս եւ եղբարքն իւրեանց որդիքն Ահարոնի, առաջի թագաւորին. եւ Սադովկ եւ Աքիմելէք՝ յիշխանաց տոհմից քահանայիցն, եւ ի Ղեւտացւոցն ցեղքն՝ որք կացին իբրեւ զեղբարսն իւրեանց զկրտսերագոյնսն՝՝։

ՄՆԱՑՈՐԴԱՑ ԱՌԱՋԻՆ 24:6

Եւ գրեաց զնոսա Սամէաս որդի Նաթանայելի, դպիր Ղեւտացւոցն յանդիման արքայի եւ իշխանացն, եւ Սադովկայ քահանայի եւ Աքիմելեքայ որդւոյ Աբիաթարայ եւ իշխանք տոհմից քահանայիցն եւ Ղեւտացւոցն ի տանէ ազգին իւրեանց, մի մի առ որդիսն Եղիազարու, եւ մի մի առ որդիսն Իթամարայ՝՝։

ՄՆԱՑՈՐԴԱՑ ԱՌԱՋԻՆ 26:26

Եւ ինքն Սաղոմովթ եւ եղբարք իւր ի վերայ ամենայն գանձուն սրբոյն սրբոց, զոր նուիրեաց Դաւիթ եւ իշխանք տոհմիցն՝ հարիւրապետք եւ հազարապետք եւ իշխանք զօրութեանցն,

ՄՆԱՑՈՐԴԱՑ ԱՌԱՋԻՆ 28:1

Եւ ժողովեաց Դաւիթ զամենայն իշանսն Իսրայելի, զիշխանս դատաւորացն եւ զամենայն իշխանս օրամտիցն՝ ի սպաս անձնապահաց՝՝ թագաւորին, եւ զիշխանս հազարաւորացն եւ հարիւրաւորացն եւ գանձապահացն, որք էին ի վերայ ստացուածոցն նորա, եւ՝՝ զզօրաւորսն եւ զպատերազմօղս զօրավարացն յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 1:4

բայց զտապանակն Աստուծոյ եհան Դաւիթ ի քաղաքէն Կարիաթարիմայ, վասն զի պատրաստեաց նմա խորան Դաւիթ յԵրուսաղէմ.

ՄՆԱՑՈՐԴԱՑ ԵՐԿՐՈՐԴ 5:1

Եւ կատարեցաւ ամենայն գործն զոր արար Սողոմոն ի տանն Տեառն, եւ տարաւ ի ներքս Սողոմոն զսրբութիւնսն Դաւթի հօր իւրոյ. եւ զարծաթն եւ զոսկին եւ զսպասն ետ ի գանձս տանն Տեառն։

ՄՆԱՑՈՐԴԱՑ ԵՐԿՐՈՐԴ 5:12

եւ Ղեւտացիքն սաղմոսանուագք, ամենեքեան յորդւոցն Ասափայ եւ Եմանայ եւ Իդիթունայ, եւ յորդւոցն նոցա եւ յեղբարցն նոցա, որք զգեցեալ էին զպատմուճանս բեհեզեղէնս, եւ տաւղօք եւ քնարօք եւ սրընգօք կային յարեւելից կողմանէ սեղանոյն, եւ ընդ նոսա քահանայք հարեւր եւ քսան՝ հարկանէին փողս.)

ԳԻՐՔ ՍԱՂՄՈՍԱՑ 2:6

Ես կացի թագաւոր ի նմանէ, ի վերայ Սիոնի լերին սրբոյ նորա՝ ի պատմել զհրամանս Տեառն։

ԳԻՐՔ ՍԱՂՄՈՍԱՑ 87:2

Տէր Աստուած փրկութեան իմոյ, ի տուէ կարդացի եւ գիշերի առաջի քո։

ՂԵՒՏԱԿԱՆ 9:5

Եւ առին որպէս եւ հրամայեաց Մովսէս առաջի խորանին վկայութեան. եւ մատեան ամենայն ժողովուրդն եւ կացին առաջի Տեառն։

ԹԻՒՔ 10:33

Եւ չուեցին ի լեռնէ անտի Տեառն երեքօրեայ ճանապարհ. եւ տապանակ ուխտին Տեառն յառաջագոյն քան զնոսա երթայր երեքօրեայ ճանապարհաւ, դիտել նոցա հանգիստ։

ԹԻՒՔ 10:36

Եւ ի դադարելն ասէ. Դարձիր, Տէր, ի հազարաւորս եւ ի բիւրաւորս Իսրայելի։