ՄՆԱՑՈՐԴԱՑ ԵՐԿՐՈՐԴ 5:13 - Գրաբար Աստվածաշունչ (1895)

¹³ եւ եղեւ միանգամայն ձայն ի հարկանել զփողսն եւ յերգել զսաղմոսն եւ ամբառնալ զձայնսն միաբան ասելով. Խոստովան եղերուք եւ օրհնեցէք զՏէր։ Եւ բարձրացուցին զձայնսն փողովքն եւ ծնծղայիւք եւ գործեօք երգոյն, եւ ասացին. Խոստովան եղերուք Տեառն. զի բարի է, զի յաւիտեան է ողորմ նորա։ Եւ տունն լցաւ ամպով փառացն Տեառն.

ՄՆԱՑՈՐԴԱՑ ԵՐԿՐՈՐԴ 5:13 ပူးပေါင်းရင်းမြစ်များ

ԵԶՐ 3:11

եւ ասեն այր ցընկեր իւր. Խոստովան եղերուք եւ գոհացարուք զՏեառնէ, զի քաղցր է, զի յաւիտեան է ողորմութիւն նորա ի վերայ Իսրայելի։ Եւ ամենայն ժողովուրդն մեծաձայն օրհնէին զՏէր Աստուած Իսրայելի՝՝. վասն զի անկան հիմունք տանն Տեառն։

ՄԱՐԳԱՐԷՈՒԹԻՒՆ ԵՐԵՄԵԱՅ 33:11

ձայն ուրախութեան եւ ձայն ցնծութեան, ձայն փեսայի եւ ձայն հարսին, որք ասիցեն՝՝. Գոհացարուք զՏեառնէ ամենակալէ զի քաղցր է, զի յաւիտեան է ողորմ նորա. բերցեն պատարագս օրհնութեան ի տուն Տեառն. զի դարձուցից զգերութիւն երկրիդ այդորիկ՝ ըստ առաջնոյն, ասէ Տէր։

ՄՆԱՑՈՐԴԱՑ ԵՐԿՐՈՐԴ 7:3

Եւ ամենայն որդիքն Իսրայելի տեսանէին զիջանել հրոյն եւ զփառսն Տեառն ի վերայ տանն. եւ անկան ի վերայ երեսաց յերկիր ի քարայատակ տեղւոջն, եւ երկիր պագին եւ օրհնեցին զՏէր, զի բարի է, զի յաւիտեան է ողորմութիւն նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 52:8

Զի ձայն պահապանաց քոց բարձրացաւ, եւ ի նոյն բարբառ առ հասարակ ցնծասցեն. զի դէմ յանդիման տեսցեն զժամանակ յորում ողորմեսցի Տէր Սիոնի։

ԳԻՐՔ ՍԱՂՄՈՍԱՑ 100:5

Որ խօսէր գաղտ զընկերէ իւրմէ, զնա բացէ ի բաց հալածէի. որ ամբարտաւան էր աչօք եւ ագահ սրտիւ, ընդ նմա եւ հաց ոչ ուտէի՝՝։

ՄՆԱՑՈՐԴԱՑ ԵՐԿՐՈՐԴ 20:21

Եւ խորհեցաւ ընդ ժողովրդեանն. եւ կացոյց սաղմոսանուագս եւ օրհնիչս՝ խոստովան լինել եւ օրհնել զսրբութիւնսն՝՝ յելանելն առաջի զօրուն. եւ ասէին. Խոստովան եղերուք Տեառն, զի յաւիտեան է ողորմութիւն նորա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:6

զի միաբանութեամբ ի մի բերան փառաւոր առնիցէք զԱստուած եւ զՀայր Տեառն մերոյ Յիսուսի Քրիստոսի։

ԳՈՐԾՔ ԱՌԱՔԵԼՈՑ 4:32

Եւ բազմութեան հաւատացելոցն էր սիրտ եւ անձն մի. եւ ոչ ոք ի նոցանէ ասէր զընչից իւրոց թէ իւր իցէ, այլ էր նոցա ամենայն ինչ հասարակաց։

ՄԱՐԳԱՐԷՈՒԹԻՒՆ ԵՐԵՄԵԱՅ 32:39

եւ տաց նոցա սիրտ այլ եւ ճանապարհ մի՝ երկնչել յինէն զամենայն աւուրս ի բարութիւն իւրեանց եւ որդւոց իւրեանց յետ նոցա։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 15:8

Եւ լցաւ տաճարն ծխով փառացն Աստուծոյ եւ զօրութեան նորա. եւ ոչ ոք կարէր մտանել ի տաճարն՝ մինչեւ կատարեսցին եւթն հարուածքն եւթն հրեշտակացն։

ԳԻՐՔ ՍԱՂՄՈՍԱՑ 106:1

Խոստովան եղերուք Տեառն, զի քաղցր է, զի յաւիտեան է ողորմութիւն նորա։

ԳԻՐՔ ՍԱՂՄՈՍԱՑ 107:1

Օրհնութիւն Սաղմոսաց Դաւթի։

ԳԻՐՔ ՍԱՂՄՈՍԱՑ 118:1

Երանեալ են ամբիծք ի ճանապարհի, եւ ոյք գնան յօրէնս Տեառն։

ԵԼՔ 29:43

Եւ ժամանակեցից անդ որդւոցն Իսրայելի, եւ սրբեցայց փառօք իմովք։

ՄՆԱՑՈՐԴԱՑ ԱՌԱՋԻՆ 16:4

Եւ կարգեաց առաջի երեսաց տապանակին կտակարանացն Տեառն, ի Ղեւտացւոցն, պաշտօնեայս երգել ձայնիւ՝՝ եւ խոստովան լինել եւ օրհնել զՏէր Աստուած Իսրայելի.

ՄՆԱՑՈՐԴԱՑ ԵՐԿՐՈՐԴ 7:1

Եւ իբրեւ կատարեաց Սողոմոն զաղօթսն, հուր էջ յերկնից եւ եկեր զողջակէզսն եւ զզոհսն. եւ փառքն Տեառն լցին զտունն։

ՄՆԱՑՈՐԴԱՑ ԵՐԿՐՈՐԴ 7:2

Եւ ոչ եւս կարէին քահանայքն մտանել ի տուն Տեառն ի ժամանակին յայնմիկ՝՝, վասն զի լցին փառքն Տեառն զտունն։

ՄՆԱՑՈՐԴԱՑ ԵՐԿՐՈՐԴ 7:6

Եւ քահանայքն ըստ պահպանութեանն իւրեանց կացին, եւ Ղեւտացիքն նուագարանօք երգոցն Տեառն եւ Դաւթայ արքայի, խոստովան լինել առաջի Տեառն՝ զի յաւիտեան է ողորմութիւն նորա. օրհնութեամբքն Դաւթայ ի ձեռն նոցա. եւ քահանայքն հարկանէին փողս առաջի նոցա. եւ ամենայն Իսրայէլ յոտն կայր։

ՄՆԱՑՈՐԴԱՑ ԵՐԿՐՈՐԴ 20:22

Եւ եղեւ ի սկսանելն զօրհնութիւնս Տեառն եւ զխոստովանութիւնսն նորա, ետ Տէր պատերազմել որդւոցն Ամոնայ, ի վերայ Մովաբու ի լերինն Սէիրայ, որք ելեալ էին ի վերայ Յուդայ. եւ պարտեցան։

ԳԻՐՔ ՆԷԵՄԵԱՅ 12:27

Եւ ի նաւակատիս պարսպին Երուսաղեմի, խնդրեցին զՂեւտացիսն ի տեղիս իւրեանց՝ ածել զնոսա յԵրուսաղէմ, եւ առնել զնաւակատիս ուրախութեամբ հանդերձ եւ գոհութեամբ եւ երգովք նուագարանօք, ծնծղայիւք եւ թմբկօք եւ սաղմոսարանօք եւ ի ձայն եղջեր փողոյ՝՝։

ԳԻՐՔ ՍԱՂՄՈՍԱՑ 22:4

Թէպէտեւ գնացից ես ի մէջ ստուերաց մահու, ոչ երկեայց ի չարէ. զի դու, Տէր, ընդ իս ես. ցուպ քո եւ գաւազան, նոքա մխիթարեսցեն զիս։

ԳԻՐՔ ՍԱՂՄՈՍԱՑ 81:2

Մինչեւ յե՞րբ դատիք անիրաւութեամբ, եւ ակն առնուք մեղաւորաց։

ԳԻՐՔ ՍԱՂՄՈՍԱՑ 150:3

Օրհնեցէք զնա ի ձայն օրհնութեան, օրհնեցէք զնա սաղմոսիւք եւ օրհնութեամբ՝՝։

ԳԻՐՔ ՍԱՂՄՈՍԱՑ 150:5

Օրհնեցէք զնա ի բանս քաղցունս, օրհնեցէք զնա ի բարբառ լսելի. օրհնեցէք զնա ի ձայն գոհութեան։