ՄՆԱՑՈՐԴԱՑ ԵՐԿՐՈՐԴ 32:30 - Գրաբար Աստվածաշունչ (1895)

³⁰ Ինքն Եզեկիաս եխից զելս ջրոցն Գեհոնի զվերին, եւ ուղղեաց զնա խոնարհագոյն յարեւմուտս կողմն քաղաքին Դաւթի. եւ յաջողեցաւ Եզեկիա յամենայն ի գործսն իւր։

ՄՆԱՑՈՐԴԱՑ ԵՐԿՐՈՐԴ 32:30 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 1:33

Եւ ասէ ցնոսա արքայ. Առէք ընդ ձեզ զծառայս տեառն ձերոյ, եւ հեծուցէք զՍողոմոն զորդի իմ ի ջորւոջն իմում, եւ իջուցէք զնա ի Գեհոն.

ԹԱԳԱՒՈՐՈՒԹԵԱՆՑ ԵՐՐՈՐԴ 1:38

Եւ էջ Սադովկ քահանայ եւ Նաթան մարգարէ եւ Բանեա որդի Յովիդայեայ, եւ Քերեթին եւ Ոփելեթին. եւ հեծուցին զՍողոմոն ի ջորւոջն արքայի Դաւթի, եւ տարան զնա ի Գեհոն։

ԹԱԳԱՒՈՐՈՒԹԵԱՆՑ ԵՐՐՈՐԴ 1:45

եւ օծին զնա Սադովկ քահանայ եւ Նաթան մարգարէ ի թագաւոր ի Գեհոն. եւ ելին անտի ուրախութեամբ, եւ հնչեաց քաղաքն. եւ այն է բարբառն զոր լուարուք։

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:20

Եւ մնացորդք բանից Եզեկեայ եւ ամենայն զօրութիւնք նորա, եւ ո՛րպէս արար զջրաբուղխսն եւ զջրմուղն. եւ ած ջուր ի քաղաքն, ո՞չ աւանիկ գրեալ են ի գիրս բանից աւուրց թագաւորացն Յուդայ։

ՄՆԱՑՈՐԴԱՑ ԵՐԿՐՈՐԴ 26:5

Եւ խնդրեաց զՏէր յաւուրս Զաքարեայ իմաստնոյ երկիւղիւ Տեառն. յաւուրս նորա՝՝ խնդրեաց նա զՏէր, յաջողեաց նմա Տէր։

ՄՆԱՑՈՐԴԱՑ ԵՐԿՐՈՐԴ 32:3

խորհեցաւ ընդ ծերսն եւ ընդ զօրաւորսն խնուլ զջուրս աղբերացն որք էին արտաքոյ քաղաքին, եւ խցին զնոսա։

ՄՆԱՑՈՐԴԱՑ ԵՐԿՐՈՐԴ 32:4

Եւ գումարեաց ժողովուրդ բազում, եւ խցին զջուրս աղբերցն, եւ զգետն որ բաժանէր անցանելով ընդ մէջ քաղաքին, եւ ասեն. Մի՛ գուցէ եկեալ արքայն Ասորեստանի գտցէ ջուր բազում եւ զօրասցի՝՝։

ՄՆԱՑՈՐԴԱՑ ԵՐԿՐՈՐԴ 33:14

Եւ յետ այսորիկ շինեաց պարիսպ արտաքոյ քաղաքին Դաւթի յարեւմտից ընդ հարաւակողմն՝՝ ի հեղեղատին, եւ յելս դրանցն շուրջանակի յՈփղայ՝՝, եւ բարձրացոյց յոյժ. եւ կացոյց իշխանս զօրուց յամենայն քաղաքս պարսպաւորս Յուդայ։