ՄՆԱՑՈՐԴԱՑ ԵՐԿՐՈՐԴ 32:23 - Գրաբար Աստվածաշունչ (1895)

²³ Եւ բազումք բերէին պատարագս Տեառն յԵրուսաղէմ, եւ ընծայս Եզեկեայ արքայի Յուդայ. եւ ամբարձաւ առաջի աչաց ամենայն ազգաց յետ այսորիկ։

ՄՆԱՑՈՐԴԱՑ ԵՐԿՐՈՐԴ 32:23 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 10:10

Եւ ետ Սողոմոնի հարեւր եւ քսան տաղանդ ոսկւոյ եւ խունկս բազումս յոյժ եւ ականս պատուականս. եւ ոչ էին եկեալ այնպիսի խունկք բազումք եւ անուշունք՝՝, զորս ետ տիկինն Սաբայ արքայի Սողոմոնի։

ԹԱԳԱՒՈՐՈՒԹԵԱՆՑ ԵՐՐՈՐԴ 10:25

Եւ նոքա բերէին իւրաքանչիւր զպատարագս իւրեանց, անօթս արծաթեղէնս եւ անօթս ոսկեղէնս եւ հանդերձս, ստաշխն եւ խունկս եւ ձիս եւ ջորիս, ամի ամի։

ԹԱԳԱՒՈՐՈՒԹԵԱՆՑ ԵՐՐՈՐԴ 4:21

Եւ Սողոմոն իշխան էր թագաւորութեանց՝ ի գետոյ երկրին այլազգեաց՝՝ մինչեւ ի սահմանս Եգիպտոսի. բերէին պատարագս եւ ծառայէին Սողոմոնի զամենայն աւուրս կենաց նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:30

Եւ յաւելցի ապրեալ տանդ Յուդայ. մնացեալն արձակեսցէ արմատս ի խոնարհ եւ պտուղս ի վեր։

ՄՆԱՑՈՐԴԱՑ ԱՌԱՋԻՆ 29:25

Եւ մեծացոյց Տէր զՍողոմոն ի վերուստ առաջի ամենայն Իսրայելի, եւ ետ նմա փառս թագաւորութեան, որ ոչ ումեք եղեւ ամենեցուն թագաւորացն որք յառաջ քան զնա։

ՄՆԱՑՈՐԴԱՑ ԵՐԿՐՈՐԴ 1:1

Եւ զօրացաւ Սողոմոն որդի Դաւթի ի թագաւորութեանն իւրում, եւ Տէր Աստուած իւր ընդ նմա էր, եւ մեծացոյց զնա ի բարձրութիւն։

ՄՆԱՑՈՐԴԱՑ ԵՐԿՐՈՐԴ 17:11

Եւ յայլազգեացն բերէին Յովսափատայ ընծայս ոսկի եւ արծաթ եւ պատարագս՝՝, եւ Արաբացիքն ածէին նմա խոյս յոչխարաց՝ եւթն հազար եւ եւթն հարեւր, եւ նոխազս եւթն հազար եւ եւթն հարեւր։

ՄՆԱՑՈՐԴԱՑ ԵՐԿՐՈՐԴ 17:5

Եւ յաջողեցաւ թագաւորութիւնն՝՝ ի ձեռս նորա. եւ ետ ամենայն Յուդայ ընծայ Յովսափատայ, եւ եղեն նորա մեծութիւն եւ փառք բազումք.

ՄՆԱՑՈՐԴԱՑ ԵՐԿՐՈՐԴ 9:24

Եւ նոքա բերէին իւրաքանչիւր ոք ընծայ նմա՝ անօթս արծաթեղէնս եւ անօթս ոսկեղէնս եւ պատմուճանս, եւ ստաշխն եւ խունկս եւ ձիս եւ ջորիս ամի ամի։

ԵԶՐ 7:27

Օրհնեալ է Տէր Աստուած հարցն մերոց, որ արկ զայս ի սիրտ թագաւորին, եւ փառաւորեաց զտունն Տեառն Աստուծոյ մերոյ՝՝ որ է յԵրուսաղէմ,

ԳԻՐՔ ՍԱՂՄՈՍԱՑ 68:29

Ջնջեսցին նոքա ի դպրութենէ քումմէ կենաց, եւ ընդ արդարս քո մի՛ գրեսցին։

ԳԻՐՔ ՍԱՂՄՈՍԱՑ 72:10

Վասն այսորիկ ժողովուրդ իմ դարձցին այսրէն, եւ աւուրք իմ լի կատարեալ գտցին՝՝ ի նոսա։

ԳԻՐՔ ՍԱՂՄՈՍԱՑ 76:11

Ասացի թէ՝ Այժմ սկսայ՝՝. այս է նորոգումն աջոյ Բարձրելոյն։

Մատթեոսի Աւետարան 2:11

Եւ իբրեւ մտին ի տունն, տեսին զմանուկն հանդերձ Մարեմաւ մարբն իւրով, եւ անկեալ երկիր պագանէին նմա. եւ բացեալ զգանձս իւրեանց մատուցին նմա պատարագս՝ ոսկի եւ կնդրուկ եւ զմուռս։