ՄՆԱՑՈՐԴԱՑ ԵՐԿՐՈՐԴ 3:1 - Գրաբար Աստվածաշունչ (1895)

¹ Եւ սկսաւ Սողոմոն շինել զտունն Տեառն յԵրուսաղէմ, ի լերինս Ամովրհացւոցն՝՝, ուր երեւեցաւ Տէր Դաւթի հօր նորա, ի տեղւոջն յորում պատրաստեաց Դաւիթ, ի կալն Ոռնայ Յեբուսացւոյ։

ՄՆԱՑՈՐԴԱՑ ԵՐԿՐՈՐԴ 3:1 ပူးပေါင်းရင်းမြစ်များ

ԾՆՈՒՆԴՔ 22:14

Եւ կոչեաց Աբրահամ զանուն տեղւոյն այնորիկ Տէր ետես. զի ասիցեն ցայսօր. Ի լերինն յայնմիկ Տէր երեւեցաւ։

ԾՆՈՒՆԴՔ 22:2

Եւ ասէ ցնա. Առ դու զորդիդ քո սիրելի զոր սիրեցեր՝ զԻսահակ, եւ գնա դու յերկիր բարձր՝՝, եւ հանցես զդա անդ յողջակէզ ի վերայ միոյ լերանց յորոց ասացից քեզ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:16

Եւ ձգեաց հրեշտակն Աստուծոյ զձեռն իւր յԵրուսաղէմ ապականել զնա. եւ մխիթարեցաւ Տէր ի վերայ չարեացն, եւ ասէ ցհրեշտակն որ ապականէր զժողովուրդն. Շատ է, արդ ամփոփեա զձեռն քո։ Եւ հրեշտակն Տեառն կայր առ կալոյն Ոռնեայ Յեբուսացւոյ։

ՄՆԱՑՈՐԴԱՑ ԱՌԱՋԻՆ 21:18

Եւ ասէ հրեշտակն Տեառն ցԳադ. Ասա ցԴաւիթ զի ելցէ կանգնեսցէ սեղան Տեառն ի կալն Ոռնեայ Յեբուսացւոյ։

ՄՆԱՑՈՐԴԱՑ ԱՌԱՋԻՆ 22:1

Եւ ասէ Դաւիթ. Այս է տուն Տեառն Աստուծոյ, եւ այս սեղան ողջակիզաց Իսրայելի։

ՄՆԱՑՈՐԴԱՑ ԱՌԱՋԻՆ 6:10

Ազարիաս ծնաւ զՅովնաս, Յովնաս ծնաւ զԱզարիաս. սա էր քահանայ ի տանն Աստուծոյ, զոր շինեաց Սողոմոն յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 3:2

Եւ սկսաւ շինել յամսեանն երկրորդի, յամին չորրորդի թագաւորութեանն իւրոյ.

ԳՈՐԾՔ ԱՌԱՔԵԼՈՑ 7:47

Նա եւ Սողոմովն շինեաց նմա տուն։