ՄՆԱՑՈՐԴԱՑ ԵՐԿՐՈՐԴ 26:7 - Գրաբար Աստվածաշունչ (1895)

⁷ Եւ զօրացոյց զնա Տէր ի վերայ այլազգեացն եւ ի վերայ Արաբացւոցն որք բնակէին ի վիմին եւ ի վերայ Մինեցւոցն։

ՄՆԱՑՈՐԴԱՑ ԵՐԿՐՈՐԴ 26:7 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 12:18

Եւ զօրացոյց Հոգին զԱմեսսա՝ զիշխան երեսնիցն, եւ ասէ. Երթ, Դաւիթ, որդի Յեսսեայ եւ զօրդ քո՝՝, խաղաղութիւն քեզ, եւ խաղաղութիւն օգնականաց քոց. վասն զի օգնեաց քեզ Աստուած քո։ Եւ ընկալաւ զնոսա Դաւիթ, եւ կացոյց զնոսա իշխանս զօրացն։

ՄՆԱՑՈՐԴԱՑ ԱՌԱՋԻՆ 4:41

Եւ եկին նոքա գրեալք յանուանէ յաւուրս Եզեկեայ արքայի Յուդայ, եւ հարին զբնակիչս նորա, եւ զՄինեցիսն զորս գտին անդ, եւ նզովեցին զնոսա մինչեւ յօրս յայս, եւ բնակեցին փոխանակ նոցա. վասն զի արօտս անասնոց իւրեանց գտին անդ։

ՄՆԱՑՈՐԴԱՑ ԱՌԱՋԻՆ 5:20

եւ զօրացան ի վերայ նոցա, եւ տուան ի ձեռս նոցա Հագարացիքն եւ ամենայն խորանք նոցա՝՝. վասն զի առ Աստուած գոչեցին ի պատերազմին՝ եւ լուաւ նոցա, զի յուսացան ի նա։

ՄՆԱՑՈՐԴԱՑ ԱՌԱՋԻՆ 5:22

վասն զի վիրաւորք բազումք անկան, զի ի Տեառնէ եղեւ պատերազմն. եւ բնակեցին փոխանակ նոցա մինչեւ ի գերութիւնն իւրեանց։

ՄՆԱՑՈՐԴԱՑ ԵՐԿՐՈՐԴ 14:10

Եւ գնաց Ասա ընդդէմ նորա, եւ ճակատեցաւ պատերազմն ի ձորն՝ ի հիւսիսոյ Մարիսայ՝՝։

ՄՆԱՑՈՐԴԱՑ ԵՐԿՐՈՐԴ 14:11

Եւ գոչեաց Ասա առ Տէր Աստուած իւր, եւ ասէ. Տէր, ոչ տկարանայ քեզ ապրեցուցանել բազմօք եւ սակաւուք. զօրացո զմեզ, Տէր Աստուած մեր, վասն զի ի քեզ յուսացաք, եւ անուամբ քով եկաք ի վերայ բազմութեանս այսորիկ. Տէր Աստուած մեր, մի՛ յաղթահարեսցէ զքեզ մարդ։

ՄՆԱՑՈՐԴԱՑ ԵՐԿՐՈՐԴ 17:11

Եւ յայլազգեացն բերէին Յովսափատայ ընծայս ոսկի եւ արծաթ եւ պատարագս՝՝, եւ Արաբացիքն ածէին նմա խոյս յոչխարաց՝ եւթն հազար եւ եւթն հարեւր, եւ նոխազս եւթն հազար եւ եւթն հարեւր։

ՄՆԱՑՈՐԴԱՑ ԵՐԿՐՈՐԴ 20:1

Եւ յետ այսորիկ եկին որդիքն Ամոնայ եւ որդիքն Մովաբայ, եւ ընդ նոսա ի Մինեցւոց անտի առ Յովսափատ ի պատերազմ։

ՄՆԱՑՈՐԴԱՑ ԵՐԿՐՈՐԴ 21:16

Եւ յարոյց Տէր ի վերայ Յովրամայ այլազգիս, եւ զԱրաբացիս եւ զմերձաւորսն Եթէովպացւոց.

ՄՆԱՑՈՐԴԱՑ ԵՐԿՐՈՐԴ 25:8

եթէ կարծեսցես զօրանալ դոքօք,՝՝ ի պարտութիւն մատնեսցէ զքեզ Տէր առաջի թշնամեաց քոց. քանզի ի Տեառնէ լինի զօրանալ եւ ի պարտութիւն մատնել։

ՄԱՐԳԱՐԷՈՒԹԻՒՆ ԵՍԱՅԵԱՅ 14:29

Մի՛ ուրախ լինիք, ամենայն այլազգիք, թէ խորտակեցաւ լուծ հարկանողացն ձերոց. զի ի զաւակէ օձին ելցեն ծնունդք իժից, եւ ի նոցա ծննդոց ելցեն օձք թեւաւորք։

ԳՈՐԾՔ ԱՌԱՔԵԼՈՑ 26:22

Օգնութիւն հասեալ առ յԱստուծոյ՝ մինչեւ ցայսօր կացի վկայեալ փոքու եւ մեծի, ոչ ինչ արտաքոյ ասել քան զոր մարգարէքն եւ Մովսէս խօսեցան զհանդերձելոցն լինելոյ.