ՄՆԱՑՈՐԴԱՑ ԵՐԿՐՈՐԴ 24:18 - Գրաբար Աստվածաշունչ (1895)

¹⁸ Թողին զՏէր Աստուած՝՝ հարցն իւրեանց, եւ ծառայեցին կռոց եւ Աստարտայցն. եւ եղեւ բարկութիւն Տեառն ի վերայ Յուդայ եւ Երուսաղեմի յաւուրսն յայնոսիկ՝՝։

ՄՆԱՑՈՐԴԱՑ ԵՐԿՐՈՐԴ 24:18 ပူးပေါင်းရင်းမြစ်များ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:20

Ո՞չ ապաքէն Աքար Զարայեան յանցեաւ յանցանս ի նզովից անտի, եւ ի վերայ ամենայն ժողովրդեանն Իսրայելի եղեւ բարկութիւն. եւ նա միայն էր,՝՝ միթէ ի՞նքն միայն մեռաւ յիւրում ի մեղսն։

ԱՌ ԵՓԵՍԱՑԻՍ ԹՈՒՂԹ 5:6

Մի՛ ոք զձեզ խաբեսցէ բանիւք սնոտւովք, զի վասն այսորիկ իսկ գայ բարկութիւն Աստուծոյ ի վերայ որդւոցն անհաւանութեան։

ՄՆԱՑՈՐԴԱՑ ԵՐԿՐՈՐԴ 24:4

Եւ յետ այսորիկ եղեւ ի սրտին Յովասու կազմել զտունն Տեառն։

ՄՆԱՑՈՐԴԱՑ ԵՐԿՐՈՐԴ 19:2

Եւ ել ընդ առաջ նորա Յէու որդի Անանեայ մարգարէ, եւ ասէ նա ցարքայ Յովսափատ. Եթէ մեղաւորին դու օգնե՞ս, եւ կամ ատելւոյն ի Տեառնէ բարեկա՞մ լինիս. վասն այդորիկ եղեւ ի վերայ քո բարկութիւն ի Տեառնէ։

ՄՆԱՑՈՐԴԱՑ ԵՐԿՐՈՐԴ 32:25

Եւ ոչ ըստ հատուցմանն զոր ետ նմա Աստուած՝ հատոյց անդրէն Եզեկիաս, այլ բարձրացաւ սիրտ նորա. եւ եղեւ ի վերայ նորա բարկութիւն, եւ ի վերայ Յուդայ եւ Երուսաղեմի։

ՄՆԱՑՈՐԴԱՑ ԵՐԿՐՈՐԴ 28:13

եւ ասեն ցնոսա. Մի՛ ածէք զգերութիւնդ զայդ այսր առ մեզ. վասն զի մեղանչել մեզ առ Տէր դուք առնէք, եւ յաւելուլ ի մեղսն մեր եւ ի տգիտութիւնս. քանզի բազում են մեղք մեր այդոքիկ, եւ բարկութիւն սրտմտութեան Տեառն լինի ի վերայ Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 14:23

Եւ շինեցին նոքա իւրեանց բարձունս եւ անտառս ի վերայ ամենայն բլրոյ բարձու, եւ ի ներքոյ ամենայն վարսաւոր ծառոց։

ՄԱՐԳԱՐԷՈՒԹԻՒՆ ՈՎՍԵԱՅ 5:14

Զի ես եմ իբրեւ յովազ ի վերայ Եփրեմի, եւ իբրեւ զառեւծ ի վերայ տանն Յուդայ. եւ յարձակեցայց եւ յափշտակեցից զնոսա. առից՝՝, եւ ոչ ոք իցէ որ փրկիցէ։

ՄՆԱՑՈՐԴԱՑ ԵՐԿՐՈՐԴ 29:8

Եւ բարկացաւ սրտմտութեամբ Տէր ի վերայ Յուդայ եւ Երուսաղեմի, եւ ետ զնոսա ի յիմարութիւն եւ յապականութիւն եւ ի շըչիւն, որպէս դուք տեսանէք աչօք ձերովք։

ՄՆԱՑՈՐԴԱՑ ԵՐԿՐՈՐԴ 21:13

այլ գնացեր ի ճանապարհս թագաւորին Իսրայելի, եւ պոռնկեցուցեր զՅուդա եւ զբնակիչսն Երուսաղեմի, որպէս պոռնկեցաւ տունն Աքաաբու, եւ զեղբարս քո զորդիս հօր քո, զլաւագոյնսն քան զքեզ, սպաներ,

ԹԱԳԱՒՈՐՈՒԹԵԱՆՑ ԵՐՐՈՐԴ 14:9

եւ չարացար առնել քան զամենեսին որ եղեն յառաջ քան զքեզ, եւ գնացեր եւ արարեր քեզ աստուածս օտարոտիս եւ ձուլածոյս բարկացուցանել զիս, եւ զիս ընկեցեր յետս ի մարմնոյ քումմէ,

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:1

Եւ յաւել սրտմտութիւն Տեառն բորբոքել ի վերայ Իսրայելի, եւ գրգռեաց զԴաւիթ ի նոսա եւ ասէ. Երթ թուեա զԻսրայէլ եւ զՅուդա։

ԴԱՏԱՒՈՐՔ 5:8

Ցանկացան իբրեւ գարեղէն նկանակի աստուածոց օտարաց սնոտւոց. յայնժամ պատերազմեցան քաղաքք իշխանաց, ծածկութեամբ նորոց գեղարդանց, քառասուն հազար այր՝՝ ի մէջ Իսրայելի։

ԵԼՔ 34:13

Զբագինս նոցա կործանեսջիք, եւ զարձանս նոցա փշրեսջիք, եւ զանտառս նոցա կոտորեսջիք, եւ զդրօշեալս դից նոցա հրով այրեսջիք։՝՝

ԵԼՔ 34:12

Զգոյշ լեր անձին քում, գուցէ դնիցես ուխտ ընդ բնակիչս երկրին, յոր դու մտանիցես ի նոսա, գուցէ լինիցի ձեզ գայթակղութիւն։

ՄՆԱՑՈՐԴԱՑ ԵՐԿՐՈՐԴ 24:17

Եւ եղեւ յետ վախճանելոյն Յովիդայեայ, մտին իշխանքն Յուդայ եւ երկիր պագին արքայի, եւ շրջեցին զմիտսն Յովասու՝՝. յայնժամ լուաւ նոցա արքայ։

ՄԱՐԳԱՐԷՈՒԹԻՒՆ ԵՐԵՄԵԱՅ 17:2

ի ժամանակի յորում՝՝ յիշեսցեն որդիք նոցա զսեղանս իւրեանց, եւ զանտառս իւրեանց ի վերայ ծառոց վարսաւորաց եւ ի վերայ բլրոց բարձանց,

ԴԱՏԱՒՈՐՔ 8:33

Եւ եղեւ իբրեւ մեռաւ Գեդէոն, դարձան որդիքն Իսրայելի եւ պոռնկեցան զհետ Բահաղիմայցն. եւ եդին զուխտ իւրեանց ընդ Բահաղուն Բերիթայ, լինել նոցա յաստուած։

ՄՆԱՑՈՐԴԱՑ ԵՐԿՐՈՐԴ 12:1

Եւ եղեւ իբրեւ պատրաստեցաւ թագաւորութիւնն Ռոբովամայ, եւ յորժամ զօրացաւ, եթող զպատուիրանս Տեառն, եւ ամենայն Իսրայէլ ընդ նմա։

ՄՆԱՑՈՐԴԱՑ ԵՐԿՐՈՐԴ 12:2

Եւ եղեւ ի հինգերորդի ամի թագաւորութեանն Ռոբովամայ ել Սաւսակիմ արքայ Եգիպտոսի ի վերայ Երուսաղեմի, վասն զի մեղան առաջի Տեառն,

ՄՆԱՑՈՐԴԱՑ ԵՐԿՐՈՐԴ 22:4

Եւ արար չար առաջի Տեառն որպէս արար տունն Աքաաբու. քանզի նոքա էին խորհրդակիցք նմա յետ մեռանելոյ հօրն նորա սատակել զնա։

ՄՆԱՑՈՐԴԱՑ ԵՐԿՐՈՐԴ 25:15

Եւ եղեւ բարկութիւն Տեառն ի վրայ Ամասեայ. առաքեաց առ նա մարգարէ եւ ասէ ցնա. Ընդէ՞ր խնդրեցեր դու զաստուածս ժողովրդեանն այնորիկ, որք ոչ փրկեցին զժողովուրդն իւրեանց ի ձեռաց քոց։

ՄՆԱՑՈՐԴԱՑ ԵՐԿՐՈՐԴ 34:25

փոխանակ զի թողին զիս եւ զոհեցին աստուածոց օտարաց, զի բարկացուցանիցեն զիս գործովք ձեռաց իւրեանց, եւ բորբոքեցաւ սրտմտութիւն իմ ի տեղւոջդ յայդմիկ. եւ ոչ եւս շիջցի։