ՄՆԱՑՈՐԴԱՑ ԵՐԿՐՈՐԴ 24:16 - Գրաբար Աստվածաշունչ (1895)

¹⁶ Եւ ի վախճանելն նորա թաղեցին զնա ի քաղաքի Դաւթի ընդ թագաւորս. վասն զի արար բարութիւնս ընդ Իսրայելի, եւ ընդ Աստուծոյ եւ ընդ տան նորա։

ՄՆԱՑՈՐԴԱՑ ԵՐԿՐՈՐԴ 24:16 ပူးပေါင်းရင်းမြစ်များ

ԱՌ ԵԲՐԱՅԵՑԻՍ ԹՈՒՂԹ 6:10

Ոչ եթէ անիրաւ ինչ է Աստուած մոռանալ զգործս ձեր եւ զսէրն զոր ցուցէք յանուն նորա, զի պաշտէիք զսուրբսն եւ պաշտէք։

ՄՆԱՑՈՐԴԱՑ ԵՐԿՐՈՐԴ 31:20

Եւ արար այնպէս Եզեկիաս յամենայն Յուդա. եւ արար բարի եւ ուղղութիւն առաջի Տեառն Աստուծոյ իւրոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:10

Եւ ննջեաց Դաւիթ ընդ հարս իւր, եւ թաղեցաւ ի քաղաքի Դաւթի։

ԳՈՐԾՔ ԱՌԱՔԵԼՈՑ 2:29

Արք եղբարք, պարտ է համարձակութեամբ ասել վասն նահապետին Դաւթի, զի ե՛ւ մեռաւ ե՛ւ թաղեցաւ, եւ գերեզման նորա կայ ի միջի մերում մինչեւ ցայսօր։

ԳԻՐՔ ՆԷԵՄԵԱՅ 13:14

Յիշեսցէ զիս Աստուած յայնմ ամենայնի, եւ մի՛ ի բացէ արասցէ զողորմութիւն իւր յինէն. վասն զի արարի զայս ամենայն ի տան Տեառն Աստուծոյ Իսրայելի։՝՝

ԹԱԳԱՒՈՐՈՒԹԵԱՆՑ ԱՌԱՋԻՆ 2:30

Վասն այդորիկ այսպէս ասէ Տէր Աստուած Իսրայելի. Ասացի թէ տուն քո եւ տուն հօր քո շրջեսցին առաջի իմ մինչեւ ցյաւիտեան. եւ արդ ասէ Տէր. Քաւ լիցի ինձ. այլ զփառաւորիչս իմ փառաւորեցից, եւ որ արհամարհէն զիս՝ անարգեսցի։

ՄՆԱՑՈՐԴԱՑ ԵՐԿՐՈՐԴ 21:2

Եւ նորա էին եղբարք՝ որդիք Յովսափատու վեց, Ազրիա եւ Յեքիէլ եւ Զաքարիաս եւ Միսայէլ եւ Սափատիաս եւ Ազարիու, ամենեքեան սոքա որդիք Յովսափատու արքայի Յուդայ։

ՄՆԱՑՈՐԴԱՑ ԵՐԿՐՈՐԴ 21:20

Էր ամաց երեսուն եւ երկուց յորժամ թագաւորեաց, եւ զութ ամ թագաւորեաց յԵրուսաղէմ. եւ մեռաւ ոչ գովութեամբ, եւ թաղեցաւ ի քաղաքին Դաւթի, եւ ոչ ի գերեզմանս թագաւորացն։

ՄՆԱՑՈՐԴԱՑ ԵՐԿՐՈՐԴ 24:15

Եւ ծերացաւ Յովիդայէ լի աւուրբք, եւ վախճանեցաւ ամաց հարեւր եւ երեսնից։

ՄՆԱՑՈՐԴԱՑ ԵՐԿՐՈՐԴ 24:17

Եւ եղեւ յետ վախճանելոյն Յովիդայեայ, մտին իշխանքն Յուդայ եւ երկիր պագին արքայի, եւ շրջեցին զմիտսն Յովասու՝՝. յայնժամ լուաւ նոցա արքայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:7

Եւ կոչեաց արքայ Յովաս զՅովիդայէ քահանայ եւ զքահանայսն եւ ասէ ցնոսա. Ընդէ՞ր ոչ կազմեցէք զբեդեկ տանն Տեառն. եւ արդ մի՛ եւս առնուցուք արծաթ յամենայն վաճառացն՝՝ ձերոց, այլ ի բեդեկ տանն Տեառն տաջիք զայն։

ԱՒԵՏԱՐԱՆ ԸՍՏ ՄԱՐԿՈՍԻ 6:29

Իբրեւ լուան աշակերտքն նորա, եկին, բարձին զմարմին նորա եւ եդին ի գերեզմանի։