ՄՆԱՑՈՐԴԱՑ ԵՐԿՐՈՐԴ 22:7 - Գրաբար Աստվածաշունչ (1895)

⁷ Եւ ի Տեառնէ եղեւ կործանումն Ոքոզեայ յերթալն առ Յովրամ. եւ յերթալն նորա ել նա առ Յէու՝ որդին Ամեսսեայ օծեալն Տեառն։

ՄՆԱՑՈՐԴԱՑ ԵՐԿՐՈՐԴ 22:7 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 12:15

Եւ ոչ լուաւ արքայ ժողովրդեանն, զի էր խոտորումն ի Տեառնէ. զի հաստատեսցէ Տէր զբան իւր զոր խօսեցաւ ի ձեռն Աքիայ Սիլովնացւոյ, վասն Յերոբովամայ որդւոյ Նաբատայ։

ԹԱԳԱՒՈՐՈՒԹԵԱՆՑ ԵՐՐՈՐԴ 12:24

Այսպէս ասէ Տէր. Մի՛ ելանէք եւ մի՛ տայցէք պատերազմ ընդ եղբարս ձեր ընդ որդիսն Իսրայելի, դարձցի իւրաքանչիւր ոք ի տուն իւր, զի յինէն եղեւ բանն այն։ Եւ լուան բանի Տեառն, եւ դադարեցին յերթալոյ ըստ բանին Տեառն։

ԹԱԳԱՒՈՐՈՒԹԵԱՆՑ ԵՐՐՈՐԴ 19:16

եւ զՅէու որդի Նամեսսեայ ի թագաւոր ի վերայ Իսրայելի. եւ զԵղիսէ որդի Սափատայ յԱբելմաուլայ՝ օծցես ի մարգարէ փոխանակ քո։

ԹԱԳԱՒՈՐՈՒԹԵԱՆՑ ԵՐՐՈՐԴ 22:20

եւ ասէ Տէր. Ո՞ պատրեսցէ զԱքաաբ արքայ Իսրայելի՝՝, եւ ելցէ անկցի յՌամովթ Գաղաադ. եւ ասէ ոմն այսպէս, եւ ոմն այնպէս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:11

Եւ եհար Յէու զամենայն մնացեալս ի տանէ Աքաաբու ի Յեզրայէլ, եւ զամենայն մեծամեծս նորա եւ զծանօթս նորա եւ զքուրմս նորա, առ ի չթողլոյ նմա մնացորդ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:21

Եւ ասէ Յովրամ. Լծեա։ Եւ լծեցին կառս. եւ ամբարձաւ Յովրամ արքայ Իսրայելի, եւ Ոքոզիա արքայ Յուդայ՝ այր յիւրաքանչիւր ի կառս իւր, եւ ելին ընդ առաջ Յէուայ. եւ գտին զնա ի վիճակին Նաբովթայ Յեզրայելացւոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:27

Եւ Ոքոզիա արքայ Յուդայ ետես եւ փախեաւ ընդ ճանապարհ Բեթանգանայ. եւ պնդեցաւ զհետ նորա Յէու եւ ասէ. Հապա, եւ զդա եւս։ Եւ եհար զնա ի կառսն մինչդեռ ելանէր ընդ զառ ի վերն Բերայի, որ է Յեբղաամ. եւ փախեաւ ի Մակեդդով, եւ անդ մեռաւ։

ՄՆԱՑՈՐԴԱՑ ԵՐԿՐՈՐԴ 10:15

Եւ ոչ լուաւ արքայ ժողովրդեանն. վասն զի էր կործանումն յԱստուծոյ. եւ հաստատեաց՝՝ Տէր զբան իւր զոր խօսեցաւ ի ձեռն Աքիայ Սիլովնացւոյ յաղագս Յերոբովամու որդւոյ Նաբատայ եւ ամենայն Իսրայելի. եւ՝՝ ոչ լուաւ արքայ նոցա.

ՄՆԱՑՈՐԴԱՑ ԵՐԿՐՈՐԴ 22:6

Եւ դարձաւ Յովրամ բժշկել յԵզրայէլ ի վիրացն զոր խոցեցին զնա Ասորիքն յՌամաթ՝ ի պատերազմել նորա ընդ Ազայելի արքայի Ասորեաց. եւ Ոքոզիաս որդի Յովրամայ արքայի Յուդայ՝ էջ տեսանել զՅովրամ որդին Աքաաբու յԵզրայէլ, վասն զի հիւանդ էր։

ԳԻՐՔ ՍԱՂՄՈՍԱՑ 9:16

Ընկլան հեթանոսք յապականութեան իւրեանց՝՝ զոր արարին. որոգայթ զոր թաքուցին՝ առցէ զոտս նոցա։

ԱՌԱԿՔ ՍՈՂՈՄՈՆԻ 16:9

Սիրտ առն խորհեսցի զիրաւունս, զի յԱստուծոյ՝՝ ուղղեսցին գնացք նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 46:10

որ պատմիցէ յառաջագոյն զվերջինսն մինչչեւ եղեալ իցեն, եւ միանգամայն կատարեսցին՝՝. եւ ասացի թէ՝ Ամենայն խորհուրդք իմ հաստատեսցին, եւ զամենայն զոր կամիմ արարից,

ՄԱՐԳԱՐԷՈՒԹԻՒՆ ՈՎՍԵԱՅ 14:9

զի՞ եւս կայ նորա եւ կռոց, ես խոնարհեցուցի զնա, եւ ես զօրացուցից զնա. ես իբրեւ զայգի պտղախայծ՝՝, յինէն գտաւ պտուղ ի քեզ։

ՄԱՐԳԱՐԷՈՒԹԻՒՆ ՄԱՂԱՔԻԱՅ 4:3

Եւ կոխեսջիք զանօրէնս, եւ եղիցին մոխիր ի ներքոյ ոտից ձերոց յաւուրն զոր ես արարից, ասէ Տէր ամենակալ՝՝։

ԵՐԿՐՈՐԴՈՒՄՆ ՕՐԻՆԱՑ 32:35

Յաւուր վրէժխնդրութեան հատուցից՝՝, ի ժամանակի յորում սխալեսցէոտն նոցա. զի մերձ է օր կորստեան նոցա, եւ հասեալ պատրաստեալ կայ ձեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:20

Զի ի Տեառնէ կարծրանային սիրտք նոցա պատահել պատերազմաւ Իսրայելի զի սատակեսցին, եւ մի՛ տացի նոցա ողորմութիւն, այլ զի սատակեսցին որպէս խօսեցաւ Տէր ընդ Մովսիսի։

ԴԱՏԱՒՈՐՔ 14:4

Եւ հայր նորա եւ մայր նորա ոչ գիտացին թէ ի Տեառնէ է, զի հատուցումն խնդրիցէ՝՝ նա յայլազգեացն. եւ ի ժամանակին յայնմիկ այլազգիքն տիրէին Իսրայելի։