Արդար ես դու, Տէր, եւ մատուցից առաջի քո աղերս՝՝. բայց խօսեցայց զիրաւունս. զի՞ է զի ճանապարհք ամպարշտաց յաջողեալ են, եւ երջանկացան ամենեքեան որ արհամարհեն զարհամարհանս։
Եւ ա՛ռ Յովսաբեթ դուստր արքայի զՅովաս որդի Ոքոզեայ, եւ գողացաւ զնա ի միջոյ որդւոցն արքայի կոտորելոցն. եւ ետ զնա եւ զդայեակ նորա ի սենեակս անկողնացն. եւ թաքոյց զնա Յովսաբեթ դուստր արքային Յովրամայ՝ քոյրն Ոքոզեայ, կին Յովիդայեայ քահանայի, եւ ծածկեաց զնա յերեսաց Գոթողեայ, եւ ոչ սպան զնա։
Եւ յամին եւթներորդի զօրացաւ Յովիդայէ, առ զհարիւրապետսն՝ զԱզարիաս որդի Յովրամայ, եւ զԻսմայէլ որդի Յովնանայ, եւ զԱզարիաս որդի Յովբադայ, եւ զՄասիաս որդի Ադայեայ, եւ զԵղիսափատ որդի Զաքարեայ ի տունն Տեառն։