ՄՆԱՑՈՐԴԱՑ ԵՐԿՐՈՐԴ 21:4 - Գրաբար Աստվածաշունչ (1895)

⁴ Եւ յարեաւ Յովրամ ի թագաւորութեանն իւրում եւ զօրացաւ, եւ սպան զամենեսեան զեղբարսն իւր սրով, եւ յիշխանացն Իսրայելի։

ՄՆԱՑՈՐԴԱՑ ԵՐԿՐՈՐԴ 21:4 ပူးပေါင်းရင်းမြစ်များ

ԾՆՈՒՆԴՔ 4:8

Եւ ասէ Կային ցՀաբէլ եղբայր իւր. Եկ երթիցուք ի դաշտ՝՝. եւ եղեւ իբրեւ չոգան ի դաշտ անդր, յարեաւ Կային ի վերայ Հաբելի եղբօր իւրոյ եւ սպան զնա։

ԹԱԳԱՒՈՐՈՒԹԵԱՆՑ ԵՐՐՈՐԴ 1:12

Եւ արդ եկ տաց քեզ խրատ, եւ ապրեցուսցես զանձն քո եւ զանձն որդւոյ քո Սողոմոնի։

ՄՆԱՑՈՐԴԱՑ ԵՐԿՐՈՐԴ 21:13

այլ գնացեր ի ճանապարհս թագաւորին Իսրայելի, եւ պոռնկեցուցեր զՅուդա եւ զբնակիչսն Երուսաղեմի, որպէս պոռնկեցաւ տունն Աքաաբու, եւ զեղբարս քո զորդիս հօր քո, զլաւագոյնսն քան զքեզ, սպաներ,

ՄՆԱՑՈՐԴԱՑ ԵՐԿՐՈՐԴ 21:17

եւ ելին ի վերայ Յուդայ եւ հարստահարէին զնա. եւ դարձուցին զամենայն պատրաստութիւնն զոր գտին ի տան արքային, եւ զուստերս նորա եւ զդստերս նորա. եւ ոչ մնաց նմա որդի, բայց Ոքոզիաս միայն՝ կրտսերագոյն յորդիս նորա։

ՄՆԱՑՈՐԴԱՑ ԵՐԿՐՈՐԴ 22:10

Եւ Գոթողիա մայրն Ոքոզեայ ետես թէ մեռաւ որդին նորա, յարեաւ եւ կորոյս զամենայն զաւակ թագաւորութեանն ի տանն Յուդայ։

ՄՆԱՑՈՐԴԱՑ ԵՐԿՐՈՐԴ 22:8

Եւ եղեւ իբրեւ ա՛ռ Յէու զվրէժ տանն Աքաաբու, եգիտ եւ զիշխանսն Յուդայ եւ զեղբարսն Ոքոզեայ որք պաշտէին զՈքոզիաս, եւ կոտորեաց զնոսա.

ՄՆԱՑՈՐԴԱՑ ԵՐԿՐՈՐԴ 25:3

Եւ եղեւ իբրեւ հաստատեցաւ թագաւորութիւնն ի ձեռին նորա, սպան զծառայսն իւր որք սպանին զարքայ զհայրն նորա.

ՅՈՎՀԱՆՆՈՒ ԱՌԱՋԻՆ՝՝ 3:12

Ոչ որպէս Կայէնն ի չարէ անտի էր եւ սպան զեղբայրն իւր. եւ յո՞ր սակս սպան զնա. զի իւր գործքն չար էին, եւ եղբօրն՝ բարի։

ԴԱՏԱՒՈՐՔ 9:5

Եւ եմուտ ի տուն հօր իւրոյ յԵփրա, եւ կոտորեաց զեղբարս իւր զորդիսն Յերոբաաղայ արս եւթանասուն, ի վերայ վիմի միոյ. եւ մնաց Յովաթամ որդի Յերոբաաղայ կրտսեր, քանզի թաքեաւ։