ՄՆԱՑՈՐԴԱՑ ԵՐԿՐՈՐԴ 20:6 - Գրաբար Աստվածաշունչ (1895)

⁶ եւ ասէ. Տէր Աստուած հարցն մերոց, ո՞չ ապաքէն դու ես Աստուած յերկինս, եւ դու տիրես ամենայն թագաւորութեանց հեթանոսաց, եւ ի ձեռս քո զօրութիւն ուժոյ, եւ ոչ ոք կարէ կալ ընդդէմ քո.

ՄՆԱՑՈՐԴԱՑ ԵՐԿՐՈՐԴ 20:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:23

եւ ասէ. Տէր Աստուած Իսրայելի, չիք իբրեւ զքեզ Աստուած յերկինս ի վեր եւ յերկիր ի խոնարհ, որ պահեցեր զուխտ եւ զողորմութիւն ծառայի քում գնացելոյ առաջի քո ամենայն սրտիւ իւրով՝՝,

ԹԱԳԱՒՈՐՈՒԹԵԱՆՑ ԵՐՐՈՐԴ 8:30

Եւ լուիցես ձայնի ծառայի քո եւ ժողովրդեան քո Իսրայելի, զոր կայցեն յաղօթս ի տեղւոջս յայսմիկ. եւ դու լուիցես ի տեղւոջ բնակութեան քո յերկինս,

ՄՆԱՑՈՐԴԱՑ ԱՌԱՋԻՆ 29:18

Տէր Աստուած Աբրահամու եւ Իսահակայ եւ Իսրայելի հարցն մերոց, պահեա զայս ի միտս եւ ի սիրտ ժողովրդեան քո յաւիտեան, եւ ուղղեա զսիրտս նոցա առ քեզ։

ՄՆԱՑՈՐԴԱՑ ԵՐԿՐՈՐԴ 20:5

Եւ յարեաւ Յովսափատ ի մէջ եկեղեցւոյն Յուդայ յԵրուսաղէմ ի տանն Տեառն՝ յանդիման սրահին նորոյ,

ՄՆԱՑՈՐԴԱՑ ԵՐԿՐՈՐԴ 25:8

եթէ կարծեսցես զօրանալ դոքօք,՝՝ ի պարտութիւն մատնեսցէ զքեզ Տէր առաջի թշնամեաց քոց. քանզի ի Տեառնէ լինի զօրանալ եւ ի պարտութիւն մատնել։

ՄՆԱՑՈՐԴԱՑ ԵՐԿՐՈՐԴ 5:14

եւ ոչ կարէին քահանայքն կալ ի պաշտամանն յերեսաց ամպոյն, վասն զի լցին փառքն Տեառն զտունն Աստուծոյ։

ՄՆԱՑՈՐԴԱՑ ԵՐԿՐՈՐԴ 6:14

Եւ ասէ. Տէր Աստուած Իսրայելի, ոչ ոք է նման քեզ Աստուած յերկինս եւ ոչ ի վերայ երկրի, որ պահես զուխտ եւ զողորմութիւն ամենեցուն որ գնան առաջի քո ամենայն սրտիւք իւրեանց։

ԳԻՐՔ ՅՈԲԱՅ 9:4

Զի իմաստուն է մտօք՝ զօրաւոր եւ մեծ՝ ո՞ խստացաւ ընդդէմ նորա, եւ հանդարտեաց։

ԳԻՐՔ ՍԱՂՄՈՍԱՑ 115:3

Զի՞նչ տաց տրիտուր Տեառն, ընդ ամենայնի զոր եւ ետ ինձ։

ԳԻՐՔ ՍԱՂՄՈՍԱՑ 47:2

Մեծ է Տէր եւ օրհնեալ է յոյժ՝ ի քաղաք Աստուծոյ մերոյ, ի լեառն սուրբ նորա։

ԳԻՐՔ ՍԱՂՄՈՍԱՑ 47:8

Ի հողմ սաստիկ փշրեսցես զնաւս ի Թարսիս՝՝։

ԳԻՐՔ ՍԱՂՄՈՍԱՑ 54:1

Ի կատարած. ընդ օրհնութիւնս իմաստութիւն՝՝. Սաղմոս Դաւթի։

ԳԻՐՔ ՍԱՂՄՈՍԱՑ 62:11

մատնեսցին ի ձեռս սրոյ, եւ բաժինք աղուեսուց եղիցին։

ԵԼՔ 3:6

Եւ ասէ ցնա. Ես եմ Աստուած հօր քո, Աստուած Աբրահամու եւ Աստուած Իսահակայ եւ Աստուած Յակոբայ։ Եւ դարձոյց Մովսէս զերեսս իւր, քանզի երկնչէր հայել առաջի Աստուծոյ՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 14:27

Զի զոր սուրբն Աստուած՝՝ խորհեցաւ, ո՞վ իցէ որ զայն ցրիցէ. եւ զբարձրացեալ ձեռն նորա՝ ո՞վ իցէ որ դարձուցանիցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 66:1

Այսպէս ասէ Տէր. Երկինք աթոռ իմ են, եւ երկիր պատուանդան ոտից իմոց. որպիսի՞ տուն շինիցէք ինձ, ասէ Տէր, կամ որպիսի՞ ինչ իցէ այն տեղի հանգստեան իմոյ.

ՄԱՐԳԱՐԷՈՒԹԻՒՆ ԵՐԵՄԵԱՅ 49:19

Ահաւասիկ իբրեւ զառեւծ ելցէ ի միջոյ Յորդանանու ի տեղին Եթեմմա՝՝. զի վաղվաղակի հալածական արարից զնոսա ի նմանէ. եւ ո՞վ է ընտրեալ ի նմա, եւ այց արարից նմա՝՝, կամ ո՞վ ընդդէմ դառնայցէ ինձ, կամ ո՞վ իցէ այն հովիւ որ ընդդէմ կայցէ երեսաց իմոց։

Մատթեոսի Աւետարան 6:13

եւ մի՛ տանիր զմեզ ի փորձութիւն, այլ փրկեա զմեզ ի չարէն. զի քո է արքայութիւն եւ զօրութիւն եւ փառք յաւիտեանս. ամէն։

Մատթեոսի Աւետարան 6:9

Եւ արդ այսպէս կացէք դուք յաղօթս. Հայր մեր որ յերկինս, սուրբ եղիցի անուն քո.

ԳՈՐԾՔ ԱՌԱՔԵԼՈՑ 11:17

Իսկ արդ եթէ զհասարակաց պարգեւն ետ Աստուած եւ նոցա որպէս եւ մեզ՝ ի հաւատալն ի Տէր Յիսուս Քրիստոս, ես զի՞նչ կարող էի արգելուլ զԱստուած։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:19

Իսկ արդ ասիցես թէ՝ Մեզ եւս զի՞ դնէ, զի կամաց նորա ոչ ոք կայ՝՝ հակառակ։

ԵՐԿՐՈՐԴՈՒՄՆ ՕՐԻՆԱՑ 4:39

Եւ ծանիցես այսօր եւ դարձցիս մտօք, զի Տէր Աստուած քո՝՝, նա է Աստուած յերկինս ի վեր եւ յերկիր ի խոնարհ եւ չիք այլ ոք բաց ի նմանէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:11

Եւ իբրեւ լուաք մեք, զարհուրեցաք սրտիւք մերովք, եւ ոչ եւս գոյ շունչ յումեք ի մէնջ յերեսաց ձերոց. զի Տէր Աստուած ձեր, նա է Աստուած յերկինս ի վեր եւ յերկիր ի խոնարհ։