ՄՆԱՑՈՐԴԱՑ ԵՐԿՐՈՐԴ 20:1 - Գրաբար Աստվածաշունչ (1895)

¹ Եւ յետ այսորիկ եկին որդիքն Ամոնայ եւ որդիքն Մովաբայ, եւ ընդ նոսա ի Մինեցւոց անտի առ Յովսափատ ի պատերազմ։

ՄՆԱՑՈՐԴԱՑ ԵՐԿՐՈՐԴ 20:1 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 4:41

Եւ եկին նոքա գրեալք յանուանէ յաւուրս Եզեկեայ արքայի Յուդայ, եւ հարին զբնակիչս նորա, եւ զՄինեցիսն զորս գտին անդ, եւ նզովեցին զնոսա մինչեւ յօրս յայս, եւ բնակեցին փոխանակ նոցա. վասն զի արօտս անասնոց իւրեանց գտին անդ։

ՄՆԱՑՈՐԴԱՑ ԵՐԿՐՈՐԴ 14:8

Եւ եղեւ Ասայի զօր զինակրաց որք բառնային վահանս եւ նիզակս յերկրին Յուդայ՝ երեք հարեւր հազար. եւ յերկրին Բենիամինի ասպարաւորք եւ աղեղնաւորք՝ երկերիւր եւ վաթսուն հազար. ամենեքեան նոքա պատերազմողք զօրութեամբ։

ՄՆԱՑՈՐԴԱՑ ԵՐԿՐՈՐԴ 19:11

Եւ ահա Ամարիաս քահանայ՝ առաջնորդ ի վերայ ձեր յամենայն բանի Տեառն. եւ Զաբդիաս որդի Իսմայելի առաջնորդ ի տանն Յուդայ յամենայն բանի արքայի. եւ դպիրքն եւ Ղեւտացիք՝՝ առաջի ձեր. զօրացարուք եւ արարէք, եւ եղիցի Տէր ընդ բարւոյն։

ՄՆԱՑՈՐԴԱՑ ԵՐԿՐՈՐԴ 19:2

Եւ ել ընդ առաջ նորա Յէու որդի Անանեայ մարգարէ, եւ ասէ նա ցարքայ Յովսափատ. Եթէ մեղաւորին դու օգնե՞ս, եւ կամ ատելւոյն ի Տեառնէ բարեկա՞մ լինիս. վասն այդորիկ եղեւ ի վերայ քո բարկութիւն ի Տեառնէ։

ՄՆԱՑՈՐԴԱՑ ԵՐԿՐՈՐԴ 19:5

Եւ կացոյց դատաւորս յամենայն քաղաքսն Յուդայ եւ յամուրս յիւրաքանչիւր քաղաքի։

ՄՆԱՑՈՐԴԱՑ ԵՐԿՐՈՐԴ 20:10

Եւ արդ ահա որդիքն Ամոնայ եւ Մովաբու եւ լեառն Սէիրայ, ընդ որս ոչ ետուր անցանել ընդ նոսա Իսրայելի յելանելն նոցա յերկրէն Եգիպտոսի, վասն զի խոտորեցան ի նոցանէ, եւ ոչ սատակեցին զնոսա,

ՄՆԱՑՈՐԴԱՑ ԵՐԿՐՈՐԴ 26:7

Եւ զօրացոյց զնա Տէր ի վերայ այլազգեացն եւ ի վերայ Արաբացւոցն որք բնակէին ի վիմին եւ ի վերայ Մինեցւոցն։

ՄՆԱՑՈՐԴԱՑ ԵՐԿՐՈՐԴ 32:1

Եւ յետ բանիցս այսոցիկ՝ եւ ճշմարտութեանս այսորիկ եկն Սենեքերիմ արքայ Ասորեստանեայց ի վերայ Յուդայ, եւ բանակեցաւ զպարսպաւոր քաղաքօքն, եւ ասէր առնուլ զնոսա։

ՄԱՐԳԱՐԷՈՒԹԻՒՆ ԵՍԱՅԵԱՅ 16:6

Լուաք զամբարտաւանութիւնն Մովաբու, զի հպարտացեալ էր յոյժ. հպարտութիւն նորա եւ ոխակալութիւն, եւ ամբարտաւանութիւնն քո բարձցի ի քէն։

ՄԱՐԳԱՐԷՈՒԹԻՒՆ ԵՍԱՅԵԱՅ 7:1

Եւ եղեւ յաւուրս Աքազու Յովաթամայ, որդւոյ Ոզիայ, թագաւորին Հրէաստանի, ել Ռասիմ արքայ Արամայ, եւ Փակէէ որդի Ռովմեղայ արքայի Իսրայելի ի վերայ Երուսաղեմի, տալ ընդ նմա պատերազմ. եւ ոչ կարացին պաշարել զնա՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 10:24

Խրատեա զմեզ, Տէր, բայց իրաւամբք, եւ մի՛ ցասմամբ. զի մի՛ սակաւաւորս արասցես զմեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 49:1

Ի վերայ որդւոցն Ամոնայ, այսպէս ասէ Տէր. Միթէ որդիք ո՞չ իցեն Իսրայելի, կամ յանձանձիչ ո՞չ իցէ նորա. ընդէ՞ր ամփոփեաց Մեղքոմ՝՝ զԳադ. եւ ժողովուրդ սոցա ի քաղաքս նոցա բնակէ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 3:19

Ես զոր սիրեմ յանդիմանեմ եւ խրատեմ. նախանձեա այժմ եւ ապաշխարեա։