ՄՆԱՑՈՐԴԱՑ ԵՐԿՐՈՐԴ 2:6 - Գրաբար Աստվածաշունչ (1895)

⁶ եւ ո՛ կարասցէ շինել նմա տուն. զի եթէ երկինք եւ երկնից երկինք ոչ տանին զփառս նորա, եւ զի՞նչ ես՝՝ շինեցից նմա տուն, այլ զի ծխեսցեն խունկս առաջի նորա։

ՄՆԱՑՈՐԴԱՑ ԵՐԿՐՈՐԴ 2:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 7:18

Եւ եմուտ արքայ Դաւիթ եւ նստաւ առաջի Տեառն, եւ ասէ. Ո՞վ եմ ես, Տէր իմ Տէր, եւ ո՞ տուն իմ, զի սիրեցեր զիս մինչեւ ցայդ վայր.

ԹԱԳԱՒՈՐՈՒԹԵԱՆՑ ԵՐՐՈՐԴ 7:13

Եւ առաքեաց արքայ Սողոմոն, եւ առ զՔիրամ ի Տիւրոսէ,

ԹԱԳԱՒՈՐՈՒԹԵԱՆՑ ԵՐՐՈՐԴ 7:14

որդի կնոջ այրւոյ, եւ նա էր ի ցեղէն Նեփթաղիմայ, եւ հայր նորա այր Տիւրացի. ճարտարապետ պղնձոյ եւ լի արուեստիւ եւ իմաստութեամբ եւ գիտութեամբ՝ գործել զամենայն գործ պղնձոյ. եւ եմուտ առ արքայ Սողոմոն, եւ արար զամենայն զգործն։

ԹԱԳԱՒՈՐՈՒԹԵԱՆՑ ԵՐՐՈՐԴ 8:27

Թէ բնակիցէ՞ Աստուած ընդ մարդկան որ ի վերայ երկրի. եթէ՝՝ երկինք եւ երկնից երկինք չեն քեզ բաւական, արդ զիա՞րդ տունս զոր շինեցի։

ՄՆԱՑՈՐԴԱՑ ԱՌԱՋԻՆ 22:15

առնել գործ արուեստից՝՝, շինօղս քարանց եւ հիւսունս փայտից, եւ ամենայն իմաստուն՝ յամենայն գործս

ՄՆԱՑՈՐԴԱՑ ԱՌԱՋԻՆ 29:14

Ո՞ եմ ես, եւ ո՞ է ժողովուրդ քո, զի կարացաք յօժարամիտ լինել քեզ յայսմ ամենայնի. վասն զի քո է ամենայն ինչ, եւ ի քոյոցդ տուաք քեզ։

ՄՆԱՑՈՐԴԱՑ ԵՐԿՐՈՐԴ 1:10

Եւ արդ զիմաստութիւն եւ զհանճար տացես ինձ, զի ելանիցեմ առաջի ժողովրդեանս քո այսորիկ եւ մտանիցեմ. վասն զի ո՞ դատիցի զժողովուրդս քո զմեծ զայս։

ՄՆԱՑՈՐԴԱՑ ԵՐԿՐՈՐԴ 6:18

Եթէ ստուգութեամբ բնակեսցէ՞ Աստուած ընդ մարդկան ի վերայ երկրի. զի եթէ երկինք եւ երկնից երկինք ոչ են բաւական քեզ, եւ զի՞նչ է տունս այս զոր շինեցի։

ԵԼՔ 3:11

Եւ ասէ Մովսէս ցԱստուած. Ո՞վ եմ ես զի երթայցեմ առ փարաւոն արքայ Եգիպտացւոց՝՝, եւ հանիցեմ զորդիսն Իսրայելի յերկրէն Եգիպտացւոց։

ԵԼՔ 31:5

զկապուտակն եւ զծիրանին եւ զկարմիրն մանեալ. եւ զականակապն ի լրութիւն գործոյն՝՝, եւ զհիւսնութիւն փայտից, գործել ըստ ամենայն գործոյ։

ՄԱՐԳԱՐԷՈՒԹԻՒՆ ԵՍԱՅԵԱՅ 66:1

Այսպէս ասէ Տէր. Երկինք աթոռ իմ են, եւ երկիր պատուանդան ոտից իմոց. որպիսի՞ տուն շինիցէք ինձ, ասէ Տէր, կամ որպիսի՞ ինչ իցէ այն տեղի հանգստեան իմոյ.

ՄԱՐԳԱՐԷՈՒԹԻՒՆ ԵՐԵՄԵԱՅ 23:24

Եթէ թաքիցէ՞ մարդ ի թաքստեան, եւ ես ոչ տեսից զնա, ասէ Տէր. միթէ զերկինս եւ զերկիր ես ո՞չ լնուցում, ասէ Տէր։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 2:16

ոմանց հոտ՝ մահուանէ ի մահ, եւ ոմանց հոտ՝ կենդանութենէ ի կեանս. եւ առ այս ո՞ բաւական իցէ։

ԱՌ ԵՓԵՍԱՑԻՍ ԹՈՒՂԹ 3:8

(ինձ՝ որ տրուպս եմ ամենայն սրբոց, տուան շնորհքս այս,) ի հեթանոսս աւետարանել զանքնին մեծութիւնն Քրիստոսի,

ԵՐԿՐՈՐԴՈՒՄՆ ՕՐԻՆԱՑ 12:11

եւ եղիցի տեղին զոր ընտրեսցէ Տէր Աստուած մեր կոչել զանուն իւր ի վերայ նորա, անդ մատուսջիք՝՝ զամենայն զոր ես պատուիրեմ ձեզ այսօր, զողջակէզս ձեր եւ զզոհս ձեր եւ զտասանորդս ձեր եւ զպտուղս ձեռաց ձերոց եւ զդահամունս ձեր՝՝, եւ զամենայն ընտիրս պատարագաց ձերոց զոր ուխտիցէք Աստուծոյ ձերում՝՝.

ԵՐԿՐՈՐԴՈՒՄՆ ՕՐԻՆԱՑ 12:14

այլ ի տեղւոջն զոր ընտրեսցէ Տէր Աստուած քո իւր ի միում ի քաղաքաց՝՝ քոց, անդ մատուցանիցես զողջակէզս քո, եւ անդ արասցես զամենայն զոր ես պատուիրեմ քեզ այսօր։

ԵՐԿՐՈՐԴՈՒՄՆ ՕՐԻՆԱՑ 12:26

Բայց զսրբութիւնսն քո որ լինիցին քեզ, եւ զուխտսն քո զոր ուխտիցես, առեալ եկեսցես ի տեղին զոր ընտրեսցէ Տէր Աստուած քո իւր՝ կոչել զանուն իւր ի վերայ նորա՝՝։