ՄՆԱՑՈՐԴԱՑ ԵՐԿՐՈՐԴ 2:3 - Գրաբար Աստվածաշունչ (1895)

³ Եւ առաքեաց Սողոմոն առ Քիրամ արքայ Տիւրոսի եւ ասէ. Որպէս արարեր ընդ հօրն իմոյ Դաւթի, եւ ետուր նմա մայր փայտս՝ շինել իւր տուն բնակելոյ ի նմա,

ՄՆԱՑՈՐԴԱՑ ԵՐԿՐՈՐԴ 2:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:11

Եւ առաքեաց Քիրամ արքայ Տիւրոսի հրեշտակս առ Դաւիթ, եւ փայտս եղեւնեայս եւ հիւսունս փայտից եւ ճարտարապետս քարանց, եւ շինեցին տուն Դաւթի։

ՄՆԱՑՈՐԴԱՑ ԱՌԱՋԻՆ 14:1

Եւ առաքեաց Քիրամ արքայ Տիւրոսի հրեշտակս առ Դաւիթ, եւ փայտս մայրս, եւ շինօղս որմոց եւ հիւսունս փայտից՝ շինել նմա տուն։

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ՄՆԱՑՈՐԴԱՑ ԵՐԿՐՈՐԴ 24:14

Եւ իբրեւ կատարեցին, բերին առ արքայ եւ ա՛ռ Յովիդայէ զմնացեալ արծաթն. եւ արարին սպաս ի տանն Տեառն, կահ պաշտաման ողջակիզացն, եւ խնկարանս ոսկեղէնս եւ արծաթեղէնս. եւ մատուցանէին ողջակէզս ի տան Տեառն հանապազ զամենայն աւուրս Յովիդայեայ։

ՄՆԱՑՈՐԴԱՑ ԵՐԿՐՈՐԴ 4:19

Եւ արար Սողոմոն զամենայն սպաս տանն Տեառն. եւ զսեղանն ոսկի եւ զայլ սեղանսն, եւ ի վերայ նոցա զհացն զառաջաւորութեան,

ՄՆԱՑՈՐԴԱՑ ԵՐԿՐՈՐԴ 8:13

եւ ըստ բանին աւուրց յաւուրս մատուցանել ըստ պատուիրանացն Մովսիսի ի շաբաթսն եւ յամսամուտսն եւ ի տօնսն. երիս ժամանակս ի տարւոջ, ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն։

ԵԶՐ 6:3

Յամին առաջնում Կիւրոսի, Կիւրոս թագաւոր հրաման ետ վասն տանն Տեառն որ յԵրուսաղէմ. ասէ. Շինեսցի տաճարն Տեառն, տեղին ուր զոհեն զզոհսն Տեառն։ Եւ ետ զչափ՝՝ բարձրութեանն կանգունս վաթսուն, եւ լայնութեանն կանգունս վաթսուն.

ԳԻՐՔ ՆԷԵՄԵԱՅ 10:34

Եւ վիճակս արկցուք վասն ժառանգութեան փայտիցն, որ երթայ քահանայիցն եւ Ղեւտացւոցն, եւ ժողովուրդն բերցէ ի տուն Աստուծոյ մերոյ, ի տունս՝՝ հարցն մերոց ըստ ժամանակս ժամանակս ամ ըստ ամէ, զորս արժան է այրել ի վերայ սեղանոյ զոհից Տեառն Աստուծոյ մերոյ, որպէս եւ գրեալ է յօրէնսն Մովսիսի։

ԵԼՔ 25:30

Եւ դիցես ի վերայ սեղանոյ հացին երեսաց հաց՝՝ յանդիման իմ հանապազորդ։

ԵԼՔ 29:38

Եւ այս ինչ իցէ զոր առնիցես ի վերայ սեղանոյն. երկուս գառինս տարեւորս անարատս՝ առ օր ի վերայ սեղանոյն յաճախութեամբ. զի պտուղ յաճախութեան է։՝՝

ԵԼՔ 29:39

Զմի գառնն առնիցես ընդ առաւօտս, եւ զերկրորդ գառնն առնիցես ընդ երեկոյս։

ԵԼՔ 29:41

Եւ զգառնն երկրորդ արասցես ընդ երեկոյս՝ ըստ առաւօտին զոհին, եւ ըստ նորին նուիրին առնիցես նմա ի հոտ անուշից պտուղ Տեառն։

ԵԼՔ 30:7

Եւ արկցէ ի վերայ նորա Ահարոն խունկ հանդերձեալ՝ աղացեալ մանր՝՝ ընդ առաւօտս առաւօտս, յորժամ զճրագսն հանդերձիցէ, ծխեսցէ խունկ ի վերայ նորա՝՝։

ՂԵՒՏԱԿԱՆ 23:2

Խօսեաց ընդ որդիսն Իսրայելի եւ ասասցես ցնոսա. Տօնս Տեառն զոր առնիցէք, կոչեցեալք եւ սուրբք՝՝ այնք իցեն իմ տօնք.

ՂԵՒՏԱԿԱՆ 9:17

Եւ մատոյց զզոհն, եւ ելից զձեռս ի նմանէ, եւ եդ ի վերայ սեղանոյն ուրոյն յառաւօտին ողջակիզէն։

ԹԻՒՔ 28:11

Եւ յամսամուտս մատուսջիք ողջակէզս Տեառն՝ զուարակս երկուս յանդւոյ եւ խոյ մի, գառինս տարեւորս անարատս եւթն.

ԹԻՒՔ 28:9

Եւ յաւուրն շաբաթուց մատուսջիք երկուս գառինս տարեւորս անարատս, եւ երկուս տասանորդս նաշհոյ զանգելոյ իւղով ի զոհ։