ՄՆԱՑՈՐԴԱՑ ԵՐԿՐՈՐԴ 18:12 - Գրաբար Աստվածաշունչ (1895)

¹² Եւ հրեշտակն որ չոգաւ կոչել զՄիքիաս, խօսեցաւ ընդ նմա եւ ասէ. Ահա խօսեցան մարգարէքն իբրեւ ընդ մի բերան յաղագս արքայի բարիս. եղիցին եւ քո բանք իբրեւ զմիոյ նոցա, եւ խօսեսցիս բարիս։

ՄՆԱՑՈՐԴԱՑ ԵՐԿՐՈՐԴ 18:12 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ՄԻՔԻԱՅ 2:11

Այս սուտ յարեաւ, կաթեաց ի քեզ գինի եւ արբեցութիւն, եւ եղիցի ի կաթուածոյ անտի՝՝ ժողովրդեանս այսմիկ։

ՄԱՐԳԱՐԷՈՒԹԻՒՆ ՄԻՔԻԱՅ 2:6

Մի՛ լայք արտասուօք, եւ մի՛ արտասուեսցեն ի վերայ այդորիկ. զի ոչ մերժեսցէ զնախատինս։

ՄԱՐԳԱՐԷՈՒԹԻՒՆ ԱՄՈՎՍԱՅ 7:13

ի Բեթէլ մի՛ եւս յաւելուցուս մարգարէանալ, զի սրբութիւն թագաւորի է եւ տուն թագաւորութեան։

ՄԱՐԳԱՐԷՈՒԹԻՒՆ ՈՎՍԵԱՅ 7:3

Չարեօք իւրեանց ուրախ արարին զթագաւորն, եւ ստութեամբ իւրեանց զիշխանս։

ՄԱՐԳԱՐԷՈՒԹԻՒՆ ԵՍԱՅԵԱՅ 30:10

Որք ասէին ցմարգարէսն, թէ՝ Մի՛ պատմէք մեզ. այլ խօսեցարուք ընդ մեզ եւ պատմեցէք մեզ այլ մոլորութիւն.

ԳԻՐՔ ՅՈԲԱՅ 22:13

Եւ ասացեր թէ զի՞ ծանեաւ Հզօրն, կամ թէ ի միգի՞ դատիցի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:2

եկին ի միասին տալ պատերազմ ընդ Յեսուայ եւ ընդ Իսրայելի՝ ամենեքին առ հասարակ։

ՄՆԱՑՈՐԴԱՑ ԵՐԿՐՈՐԴ 18:11

Եւ ամենեքեան մարգարէքն նոյնպէս մարգարէանային եւ ասէին. Ել յՌամովթ Գաղաադ, եւ յաջողեսցիս. եւ տացէ Տէր ի ձեռս արքայի։

ՄՆԱՑՈՐԴԱՑ ԵՐԿՐՈՐԴ 18:13

Եւ ասէ Միքիաս. Կենդանի է Տէր զի զոր ինչ ասասցէ Աստուած ցիս՝ զայն խօսեցայց։