ՄՆԱՑՈՐԴԱՑ ԵՐԿՐՈՐԴ 17:9 - Գրաբար Աստվածաշունչ (1895)

⁹ եւ ուսուցանէին զՅուդա, եւ ընդ նոսա գիրք օրինացն Տեառն, եւ անցանէին ընդ քաղաքսն Յուդայ, եւ ուսուցանէին զժողովուրդն։

ՄՆԱՑՈՐԴԱՑ ԵՐԿՐՈՐԴ 17:9 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 15:3

Եւ աւուրք բազումք յԻսրայելի եղեն՝ ոչ Աստուած ճշմարիտ, եւ ոչ քահանայ որ ցուցանէր, եւ ոչ օրէնք։

ՄՆԱՑՈՐԴԱՑ ԵՐԿՐՈՐԴ 19:8

Այլ եւ յԵրուսաղէմ կացոյց Յովսափատ ի քահանայից եւ ի Ղեւտացւոց եւ ի հայրապետաց Իսրայելի՝ յիրաւունս Տեառն դատել զբնակիչսն Երուսաղեմի՝՝։

ՄՆԱՑՈՐԴԱՑ ԵՐԿՐՈՐԴ 35:3

Եւ ասէ ցՂեւտացիսն եւ ցզօրաւորսն յամենայն Իսրայելի, սրբել զնոսա Տեառն. եւ եդին՝՝ զտապանակն սրբութեան ի տանն զոր շինեաց Սողոմոն որդի Դաւթի արքայի Իսրայելի. եւ ասէ արքայ.՝՝ Ոչ է ձեզ բառնալ ի վերայ ուսոց եւ ոչ ինչ. արդ պաշտեցէք զՏէր Աստուած ձեր եւ զժողովուրդ նորա զԻսրայէլ.

ԳԻՐՔ ՆԷԵՄԵԱՅ 8:7

Եւ Յեսու եւ Բանեա եւ Սարաբիա էին որ իմացուցանէին զօրէնսն ժողովրդեանն. եւ ժողովուրդքն կային ըստ կարգի իւրեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 8:20

զի զօրէնս յօգնականութիւն ետ. զի ասիցեն թէ ոչ իբրեւ զբանս զայս, վասն որոյ չիք կաշառս տալ վասն նորա։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:7

Զի շրթունք քահանային զգուշասցին գիտութեան, եւ օրէնս խնդրեսցեն ի բերանոյ նորա. զի հրեշտակ Տեառն ամենակալի է։

Մատթեոսի Աւետարան 10:23

Եւ յորժամ հալածիցեն զձեզ ի քաղաքիս յայսմիկ, փախիջիք յայլ. եւ եթէ յայնմանէ հալածիցեն զձեզ, փախիջիք ի մեւսն.՝՝ ամէն ասեմ ձեզ, ոչ ապառեսջիք զքաղաքս Իսրայելի մինչեւ եկեսցէ Որդի մարդոյ։

Մատթեոսի Աւետարան 11:1

Եւ եղեւ իբրեւ կատարեաց Յիսուս զպատուէր երկոտասանից աշակերտացն իւրոց, գնաց անտի քարոզել եւ ուսուցանել ի քաղաքս նոցա։

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:39

Քննեցէք զգիրս, զի դուք համարիք նոքօք ունել զկեանսն յաւիտենականս. եւ նոքին իսկ են որ վկայեն վասն իմ, որովք համարիքն ունել կեանս.՝՝

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:46

Զի եթէ հաւատայիք դուք Մովսիսի, հաւատայիք արդեւք եւ ինձ, զի նա վասն իմ իսկ գրեաց։

ԳՈՐԾՔ ԱՌԱՔԵԼՈՑ 13:15

Եւ յետ ընթեռնլոյ զօրէնսն եւ զմարգարէս, առաքեցին առ նոսա ժողովրդապետքն եւ ասեն. Արք եղբարք, եթէ իցեն ի ձեզ բանք մխիթարութեան առ ժողովուրդդ, խօսեցարուք։

ԳՈՐԾՔ ԱՌԱՔԵԼՈՑ 15:21

Զի Մովսէս յազգացն առաջնոց ըստ քաղաքաց զքարոզիչսն իւր ունի՝ ի ժողովսն ըստ ամենայն շաբաթուց ընթերցեալ։

ԳՈՐԾՔ ԱՌԱՔԵԼՈՑ 28:23

Ժամ եդեալ նմա օր մի, եկին ի վանսն առ նա բազումք, որոց պատմէր վկայութեամբ զարքայութիւն Աստուծոյ. եւ հաւանեցուցանէր զնոսա վասն Յիսուսի յօրինացն Մովսիսի եւ ի մարգարէից յայգուէ մինչեւ ցերեկոյ։

ԳՈՐԾՔ ԱՌԱՔԵԼՈՑ 8:40

Բայց Փիլիպպոս գտաւ յԱզովտոս. եւ շրջեալ աւետարանէր ամենայն քաղաքացն՝ մինչեւ ի գալ նորա ի Կեսարիա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 3:2

Բազում ինչ ամենայն իրօք. նախ այն իսկ՝ զի հաւատարիմ եղեն պատգամքն Աստուծոյ։

ՊԵՏՐՈՍԻ ԱՌԱՋԻՆ՝՝ 4:11

Եթէ ոք խօսիցի, իբրեւ զԱստուծոյ պատգամս. եթէ ոք մատակարարիցէ, իբրեւ ի զօրութենէ զոր շնորհէ Աստուած. զի յամենայնի փառաւորեսցի Աստուած ի ձեռն Յիսուսի Քրիստոսի. որում փառք եւ զօրութիւն յաւիտեանս յաւիտենից։ Ամէն։