ՄՆԱՑՈՐԴԱՑ ԵՐԿՐՈՐԴ 17:2 - Գրաբար Աստվածաշունչ (1895)

² Եւ ետ զօրս յամենայն քաղաքսն Յուդայ յամուրս, եւ կացոյց իշխանս յամենայն քաղաքսն՝՝ Եփրեմի, զորս ա՛ռ արքայ Ասա հայրն նորա։

ՄՆԱՑՈՐԴԱՑ ԵՐԿՐՈՐԴ 17:2 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 11:5

Եւ բնակեաց Ռոբովամ յԵրուսաղէմ, եւ շինեաց քաղաքս պարսպաւորս ի Հրէաստանի.

ՄՆԱՑՈՐԴԱՑ ԵՐԿՐՈՐԴ 13:19

Եւ հալածեաց Աբիա զՅերոբովամ, եւ ա՛ռ ի նմանէ քաղաքս, զԲեթէլ եւ զգեղս նորա, եւ զԱնա եւ զգեղս նորա, եւ զԵփրոն եւ զդստերս նորա, եւ զԲեա եւ զգեղս նորա՝՝։

ՄՆԱՑՈՐԴԱՑ ԵՐԿՐՈՐԴ 15:8

Եւ ի լսել զբանս զայսոսիկ եւ զմարգարէութիւն Ազարեայ մարգարէի, զօրացաւ եւ եհան արտաքս զամենայն զպղծութիւնսն յամենայն երկրէն Յուդայ եւ Բենիամինի, եւ ի քաղաքացն զորս կալաւ ի լերինն Եփրեմի, եւ արար նաւակատիս սեղանոյն Տեառն որ էր առաջի տաճարին Տեառն.

ՄՆԱՑՈՐԴԱՑ ԵՐԿՐՈՐԴ 17:19

Սոքա էին պաշտօնեայք արքային, բաց յայնցանէ զորս եդ արքայ ի քաղաքսն ամուրս յամենայն Հրէաստանի։

ՄՆԱՑՈՐԴԱՑ ԵՐԿՐՈՐԴ 17:3

Եւ եղեւ Տէր ընդ Յովսափատայ. վասն զի գնաց ի ճանապարհս հօր իւրոյ յառաջինս, եւ ոչ խնդրեաց զկուռսն,