Եւ ընդ նոսա զօր պատերազմօղ՝ երեք հարեւր հազար եւ եւթն հազար եւ հինգ հարեւր. նոքա էին որք առնէին պատերազմ զօրութեամբ մեծաւ, օգնական լինելով արքային ի հակառակորդացն՝՝։
Եւ եղեւ Ասայի զօր զինակրաց որք բառնային վահանս եւ նիզակս յերկրին Յուդայ՝ երեք հարեւր հազար. եւ յերկրին Բենիամինի ասպարաւորք եւ աղեղնաւորք՝ երկերիւր եւ վաթսուն հազար. ամենեքեան նոքա պատերազմողք զօրութեամբ։
Եւ կարգեցաւ Աբիա ի պատերազմին զօրաւոր մարտկօք չորեք հարեւր հազարօք արամբք զօրաւորօք. եւ Յերոբովամ ճակատեցաւ ընդդէմ նորա ի պատերազմին ութ հարեւր հազարօք զօրաւորօք պատերազմողաց զօրութեամբ։
Եւ եկն Ռոբովամ յԵրուսաղէմ, եւ ժողովեաց զՅուդաս եւ զԲենիամին հարեւր եւ ութսուն հազար երիտասարդաց որք առնէին պատերազմ, եւ տայր՝՝ պատերազմ ընդ Իսրայելի դարձուցանել զթագաւորութիւնն յինքն։
եւ զամենայն ժողովուրդն ժողովեցին ի միում ամսեանն երկրորդի, յամին երկրորդի,՝՝ եւ մտին ի հանդէս ըստ ազգաց իւրեանց, ըստ նահապետաց իւրեանց, ըստ թուոյ անուանց նոցա, ի քսանամենից եւ ի վեր, ամենայն արու՝՝ ըստ գլխոց իւրեանց։