ՄՆԱՑՈՐԴԱՑ ԵՐԿՐՈՐԴ 17:1 - Գրաբար Աստվածաշունչ (1895)

¹ Եւ թագաւորեաց Յովսափատ որդի նորա փոխանակ նորա. եւ զօրացաւ Յովսափատ ի վերայ Իսրայելի։

ՄՆԱՑՈՐԴԱՑ ԵՐԿՐՈՐԴ 17:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 15:24

Եւ ննջեաց Ասա ընդ հարս իւր, եւ թաղեցաւ ընդ հարս իւր ի քաղաքին Դաւթի. եւ թագաւորէ Յովսափատ որդի նորա ընդ նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 22:41

Եւ Յովսափատ որդի Ասայի թագաւորեաց ի վերայ Յուդայ, յամին չորրորդի Աքաաբու արքայի Իսրայելի թագաւորեաց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:17

Եւ մեռաւ ըստ բանին Տեառն զոր խօսեցաւ Եղիա։ Եւ Յովրամ որդի Աքաաբու թագաւորէ ի վերայ Իսրայելի ի Սամարիա ամս երկոտասան, յամի ութուտասներորդի Յովսափատայ արքայի Յուդայ. եւ արար չար առաջի Տեառն, բայց ոչ իբրեւ զեղբարս իւր եւ ոչ իբրեւ զմայր իւր։ Եւ եբարձ զարձանսն Բահաղու զոր արար հայր նորա, եւ խորտակեաց զնոսա։ Սակայն ի մեղս տանն Յերոբովամայ որ յանցոյցն զԻսրայէլ՝ յարեցաւ, եւ ոչ մեկնեցաւ ի նոցանէն. եւ սրտմտեցաւ բարկութեամբ Տէր ի վերայ տանն Աքաաբու։՝՝ Եւ թագաւորեաց Յովրամ եղբայր նորա՝՝ ընդ նորա, յամի երկրորդի Յովրամայ արքայի Յուդայ՝ որդւոյ Յովսափատու, զի ոչ գոյր նորա որդի։

ՄՆԱՑՈՐԴԱՑ ԱՌԱՋԻՆ 11:10

Եւ սոքա իշխանք էին զօրացն Դաւթի, որք զօրանային ընդ նմա ի թագաւորութեան նորա, ընդ ամենայն Իսրայելի, որք թագաւորեցուցանէին զնա ըստ բանին Տեառն ի վերայ Իսրայելի։

ՄՆԱՑՈՐԴԱՑ ԵՐԿՐՈՐԴ 12:1

Եւ եղեւ իբրեւ պատրաստեցաւ թագաւորութիւնն Ռոբովամայ, եւ յորժամ զօրացաւ, եթող զպատուիրանս Տեառն, եւ ամենայն Իսրայէլ ընդ նմա։

ՄՆԱՑՈՐԴԱՑ ԵՐԿՐՈՐԴ 17:2

Եւ ետ զօրս յամենայն քաղաքսն Յուդայ յամուրս, եւ կացոյց իշխանս յամենայն քաղաքսն՝՝ Եփրեմի, զորս ա՛ռ արքայ Ասա հայրն նորա։

ՄՆԱՑՈՐԴԱՑ ԵՐԿՐՈՐԴ 26:8

Եւ տային Մինեցիքն ընծայս Ոզիայ. եւ էր անուն նորա մինչեւ ի մուտսն Եգիպտոսի, վասն զի զօրացաւ ի վեր։

ՄՆԱՑՈՐԴԱՑ ԵՐԿՐՈՐԴ 32:5

Եւ հզօրացաւ Եզեկիաս, եւ շինեաց զամենայն պարիսպս կործանեալս եւ զաշտարակս, եւ արտաքոյ զառաջին պարիսպսն եւ զմեւսն եւս՝՝. եւ զօրացոյց զպատուարսն քաղաքին Դաւթի, եւ կազմեաց զէնս բազումս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 7:27

Թագաւորն սգասցի, եւ իշխանն զգեցցի զապականութիւն, եւ ձեռք ժողովրդեան երկրին լքցին. ըստ ճանապարհաց նոցա արարից նոցա, եւ ըստ դատաստանաց նոցա առից վրէժ ի նոցանէն, եւ ծանիցեն թէ ես եմ Տէր։

Մատթեոսի Աւետարան 1:8

Ասափ՝՝ ծնաւ զՅովսափատ. Յովսափատ ծնաւ զՅովրամ. Յովրամ ծնաւ զՈզիա.

ԱՌ ԵՓԵՍԱՑԻՍ ԹՈՒՂԹ 6:10

Այսուհետեւ զօրացարուք Տերամբ եւ կարողութեամբ զօրութեան նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 23:16

Եւ յարեաւ Յովնաթան որդի Սաւուղայ, եւ չոգաւ առ Դաւիթ ի նորն. եւ հաստատեաց զձեռս իւր ի Տէր՝՝.