ՄՆԱՑՈՐԴԱՑ ԵՐԿՐՈՐԴ 16:9 - Գրաբար Աստվածաշունչ (1895)

⁹ վասն զի աչք Տեառն հային յամենայն երկիր զօրացուցանել յամենայն լի սրտից զնա՝՝։ եւ արդ տգիտացար յայդմիկ. յայսմ հետէ եղիցի քեզ պատերազմ։

ՄՆԱՑՈՐԴԱՑ ԵՐԿՐՈՐԴ 16:9 ပူးပေါင်းရင်းမြစ်များ

ԾՆՈՒՆԴՔ 31:28

Եւ չէի՞ արդեւք արժանի՝՝ համբուրել զորդեակս իմ եւ զդստերս իմ. եւ արդ անմտութեամբ արարեր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:10

Եւ եհար զԴաւիթ սիրտն իւր յետ թուելոյ զժողովուրդն, եւ ասէ Դաւիթ ցՏէր. Մեղայ յոյժ զոր արարի. եւ արդ անցո զանօրէնութիւն ի ծառայէ քումմէ, զի ընդունայնացայ յոյժ։

ԹԱԳԱՒՈՐՈՒԹԵԱՆՑ ԵՐՐՈՐԴ 15:32

Եւ էր պատերազմ ի մէջ Ասայի եւ ի մէջ Նաբատայ արքայի Իսրայելի զամենայն աւուրս նոցա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:3

Ո՛վ Տէր, յիշեա որպէս գնացի առաջի քո ճշմարտութեամբ եւ կատարեալ սրտիւ, եւ զբարին առաջի քո արարի։ Եւ ելաց Եզեկիա լալիւն մեծ։

ՄՆԱՑՈՐԴԱՑ ԱՌԱՋԻՆ 21:8

Եւ ասէ Դաւիթ ցԱստուած. Մեղայ յոյժ, զի արարի զիրդ զայդ. եւ արդ ի բաց բարձ զչարութիւն ծառայի քո, վասն զի ընդունայնացայ յոյժ։

ՄՆԱՑՈՐԴԱՑ ԵՐԿՐՈՐԴ 15:17

Սակայն զբարձունսն ոչ բարձին, եւ տակաւին եւս կայր ի Յուդա եւ յԻսրայէլ՝՝. բայց սիրտն Ասայի եղեւ լի զամենայն աւուրս կենաց իւրոց։

ՄՆԱՑՈՐԴԱՑ ԵՐԿՐՈՐԴ 15:19

Եւ պատերազմ ոչ գոյր նմա մինչեւ յերեսներորդ եւ հինգերորդ ամ թագաւորութեանն Ասայի։

ՄՆԱՑՈՐԴԱՑ ԵՐԿՐՈՐԴ 16:10

Եւ սրտմտեցաւ Ասա մարգարէին եւ եդ զնա ի բանտի. վասն զի բարկացաւ յաղագս այնորիկ. եւ ժանտացաւ Ասա ի ժողովուրդն՝՝ ի ժամանակին յայնմ։

ՄՆԱՑՈՐԴԱՑ ԵՐԿՐՈՐԴ 19:9

Եւ պատուիրեաց նոցա եւ ասէ. Այնպէս արարէք երկիւղիւ Տեառն, ճշմարտութեամբ եւ լի սրտիւ։

ՄՆԱՑՈՐԴԱՑ ԵՐԿՐՈՐԴ 6:20

լինել բաց աչաց քոց եւ մտաց՝՝ ի տանս յայսմ ի տուէ եւ ի գիշերի, ի տեղւոջս յորում ասացեր կոչել զանուն քո ի սմա, առ ի լսել զաղօթս զոր ծառայ քո աղաչէ ի տեղւոջս յայսմ։

ԵԶՐ 5:5

Եւ էին աչք Տեառն Աստուծոյ ի վերայ Հրէիցն դարձելոցն ի գերութենէն՝՝. եւ ոչ խափանեցին զնոսա մինչեւ տացեն գիտել Դարեհի արքայի. եւ յայնժամ առաքեցին զհարկահանս վասն իրացս այսոցիկ՝ զի տեղեկասցին գրով։

ԳԻՐՔ ՅՈԲԱՅ 28:24

եւ ինքն՝՝ տեսանէ զամենայն առ ի ներքոյ երկնից։

ԳԻՐՔ ՅՈԲԱՅ 31:4

Ո՞չ ապաքէն Ինքն տեսցէ զճանապարհս իմ, եւ ամենայն գնացք իմ թուեսցին։

ԳԻՐՔ ՅՈԲԱՅ 34:21

Զի ինքն է տեսօղ գործոց մարդկան, եւ ղօղեաց ինչ ոչ ի նմանէ՝ զոր գործեցին։

ԳԻՐՔ ՍԱՂՄՈՍԱՑ 113:6

լերինք, ցնծացէք որպէս խոյք, եւ բլուրք՝ որպէս գառինք մաքեաց։

ԳԻՐՔ ՍԱՂՄՈՍԱՑ 33:14

Լռեցո զլեզու քո ի չարութենէ, եւ շրթունք քո մի՛ խօսեսցին զնենգութիւն։

ԳԻՐՔ ՍԱՂՄՈՍԱՑ 33:15

Խոտորեա ի չարէ եւ արա զբարի, խնդրեա զխաղաղութիւն եւ երթ զհետ նորա։

ԳԻՐՔ ՍԱՂՄՈՍԱՑ 33:18

Կարդացին արդարք առ Տէր՝ եւ Տէր լուաւ նոցա, յամենայն նեղութենէ նոցա փրկեաց զնոսա։

ԳԻՐՔ ՍԱՂՄՈՍԱՑ 34:15

Ի վերայ իմ՝՝ ուրախ եղեն եւ ժողովեցան, ժողովեցան յիս տանջանք եւ ես ոչ ծանեայ. ցրուեցան եւ ոչ զղջացան։

ԱՌԱԿՔ ՍՈՂՈՄՈՆԻ 15:3

Յամենայն տեղիս աչք Տեառն դիտեն զբարիս եւ զչարս։

ԱՌԱԿՔ ՍՈՂՈՄՈՆԻ 5:21

Զի առաջի աչաց Աստուծոյ են ճանապարհք առն, եւ յամենայն շաւիղս նորա դիտէ։

ՄԱՐԳԱՐԷՈՒԹԻՒՆ ԵՍԱՅԵԱՅ 31:1

Վա՜յ ոյք իջանեն յԵգիպտոս վասն օգնականութեան. որ ի հեծեալս՝՝ եւ ի կառս յուսացեալ իցեն՝ թէ բազումք են, եւ բազմութիւն երիվարաց՝՝ յոյժ. եւ ոչ էին յուսացեալ ի Սուրբն Իսրայելի, եւ զԱստուած ոչ խնդրեցին։

ՄԱՐԳԱՐԷՈՒԹԻՒՆ ԵՐԵՄԵԱՅ 16:17

Զի աչք իմ ի վերայ ամենայն ճանապարհաց նոցա, եւ ոչ թաքեան յերեսաց իմոց, եւ ոչ ծածկեցան անիրաւութիւնք նոցա առաջի աչաց իմոց։

ՄԱՐԳԱՐԷՈՒԹԻՒՆ ԵՐԵՄԵԱՅ 32:19

մեծդ խորհրդովք եւ զօրաւոր գործովք, Ամենակալ մեծանունդ Տէր.՝՝ աչք քո բաց են յամենայն ճանապարհս որդւոց մարդկան, տալ իւրաքանչիւր ըստ ճանապարհի իւրում եւ ըստ պտղոյ գնացից իւրեանց։

ՄԱՐԳԱՐԷՈՒԹԻՒՆ ԵՐԵՄԵԱՅ 5:1

Ընթացարուք յայսկոյս յայնկոյս ընդ ճանապարհս Երուսաղեմի, եւ տեսէք եւ ծաներուք եւ խնդրեցէք ի հրապարակս նորա, եթէ գտանիցէք այր մի որ առնիցէ իրաւունս եւ խնդրիցէ հաւատս. եւ եղէց նոցա քաւիչ, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 5:21

Լուարուք զայս, ժողովուրդ յիմար եւ անմիտ, որոց աչք են եւ ոչ տեսանեն, եւ ականջք՝ եւ ոչ լսեն։

ՄԱՐԳԱՐԷՈՒԹԻՒՆ ԵՐԵՄԵԱՅ 5:3

Տէր, աչք քո ի հաւատս՝՝. տանջեցեր զնոսա, եւ նոցա ոչ ցաւեաց. վախճանեցեր զնոսա, եւ ոչ կամեցան ընդունել զխրատ. կարծրացուցին զերեսս իւրեանց քան զվէմ, եւ ոչ կամեցան դառնալ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 4:10

Քանզի ո՞վ է որ անգոսնեաց զաւուրս փոքունս, եւ խնդայցէ՝՝ եւ տեսցեն զվէմն անագեայ ի ձեռին Զորաբաբելի. այս են եւթն աչքն որ հային՝՝ ընդ ամենայն երկիր։

Մատթեոսի Աւետարան 5:22

Այլ ես ասեմ ձեզ եթէ. Ամենայն որ բարկանայ եղբօր իւրում տարապարտուց՝ պարտաւոր լիցի դատաստանի. եւ որ ասիցէ ցեղբայր իւր Յիմար՝ պարտաւոր լիցի ատենի. եւ որ ասիցէ ցեղբայր իւր Մորոս՝ պարտաւոր լիցի ի գեհեն հրոյն։

ԱՒԵՏԱՐԱՆ ԸՍՏ ՂՈՒԿԱՍՈՒ 12:20

Ասէ ցնա Աստուած. Անմիտ, յայսմ գիշերի զոգիդ ի քէն ի բաց պահանջիցեն, իսկ զոր պատրաստեցերն ո՞ւմ լինիցի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:36

Անմիտ, դու զոր սերմանեսն՝ ոչ կենդանանայ, եթէ ոչ մեռանիցի։

ԱՌ ԳԱՂԱՏԱՑԻՍ ԹՈՒՂԹ 3:1

Ո անմիտ Գաղատացիք, ո՞ նախանձ արար զձեզ. որոց գրեթէ առաջի աչաց Յիսուս Քրիստոս գրեցաւ ի խաչ ելեալ։

ԱՌ ԵԲՐԱՅԵՑԻՍ ԹՈՒՂԹ 4:13

եւ չիք արարած աներեւոյթ յերեսաց նորա, այլ ամենայն ինչ մերկապարանոց կայ առաջի աչաց նորա՝ զորմէ մեր բանքս են։

ՊԵՏՐՈՍԻ ԱՌԱՋԻՆ՝՝ 3:12

Զի աչք Տեառն ի վերայ արդարոց, եւ ականջք նորա՝ յաղօթս նոցա. երեսք Տեառն ի վերայ չարագործաց։

ԹԱԳԱՒՈՐՈՒԹԵԱՆՑ ԱՌԱՋԻՆ 13:13

Եւ ասէ Սամուէլ ցՍաւուղ. Ի զուր է քեզ, զի ոչ պահեցեր զպատուիրանն իմ զոր պատուիրեաց Տէր՝՝. զի այժմ հաստատէր Տէր զթագաւորութիւն քո ի վերայ Իսրայելի մինչեւ յաւիտեան.