ՄՆԱՑՈՐԴԱՑ ԵՐԿՐՈՐԴ 16:7 - Գրաբար Աստվածաշունչ (1895)

⁷ Ի ժամանակին յայնմ եկն Անանիաս մարգարէ առ Ասա արքայ Յուդայ եւ ասէ ցնա. Վասն զի յուսացար դու յարքայն Ասորեաց եւ ոչ յուսացար ի Տէր Աստուած քո, յաղագս այնորիկ ապրեցաւ զօր արքային Իսրայելի ի ձեռաց քոց։

ՄՆԱՑՈՐԴԱՑ ԵՐԿՐՈՐԴ 16:7 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 19:2

Եւ ել ընդ առաջ նորա Յէու որդի Անանեայ մարգարէ, եւ ասէ նա ցարքայ Յովսափատ. Եթէ մեղաւորին դու օգնե՞ս, եւ կամ ատելւոյն ի Տեառնէ բարեկա՞մ լինիս. վասն այդորիկ եղեւ ի վերայ քո բարկութիւն ի Տեառնէ։

ԹԱԳԱՒՈՐՈՒԹԵԱՆՑ ԵՐՐՈՐԴ 16:1

Եւ եղեւ բան Տեառն ի ձեռն Յէուայ որդւոյ Անանիայի առ Բաասա եւ ասէ.

ՄԱՐԳԱՐԷՈՒԹԻՒՆ ԵՍԱՅԵԱՅ 31:1

Վա՜յ ոյք իջանեն յԵգիպտոս վասն օգնականութեան. որ ի հեծեալս՝՝ եւ ի կառս յուսացեալ իցեն՝ թէ բազումք են, եւ բազմութիւն երիվարաց՝՝ յոյժ. եւ ոչ էին յուսացեալ ի Սուրբն Իսրայելի, եւ զԱստուած ոչ խնդրեցին։

ՄՆԱՑՈՐԴԱՑ ԵՐԿՐՈՐԴ 20:34

Եւ մնացեալ բանքն Յովսափատու առաջինք եւ վերջինք՝ ահա գրեալ են ի բանս Յէուայ որդւոյ Անանայ, որ գրեաց զգիրս՝՝ թագաւորացն Իսրայելի։

ՄՆԱՑՈՐԴԱՑ ԵՐԿՐՈՐԴ 13:18

Եւ նկուն եղեն որդիքն Իսրայելի յաւուր յայնմիկ, եւ զօրացան որդիքն Յուդայ. վասն զի յուսացան ի Տէր Աստուած հարցն իւրեանց։

ՄՆԱՑՈՐԴԱՑ ԱՌԱՋԻՆ 5:20

եւ զօրացան ի վերայ նոցա, եւ տուան ի ձեռս նոցա Հագարացիքն եւ ամենայն խորանք նոցա՝՝. վասն զի առ Աստուած գոչեցին ի պատերազմին՝ եւ լուաւ նոցա, զի յուսացան ի նա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:5

Ի Տէր Աստուած Իսրայելի յուսացաւ. եւ յետ նորա նման նմա ոչ եղեւ յամենայն թագաւորս Յուդայ եւ յեղեալսն յառաջագոյն քան զնա։

ՄԱՐԳԱՐԷՈՒԹԻՒՆ ԵՍԱՅԵԱՅ 32:2

Եւ եղիցի մարդն որ թաքուցանիցէ զբանս իւր, թաքիցէ իբրեւ ի ջուրցն սաստկութենէ. եւ եղիցի Սիոն իբրեւ զգետ յորդեալ փառաւոր ի ծարաւուտ երկրի։

ԹԱԳԱՒՈՐՈՒԹԵԱՆՑ ԵՐՐՈՐԴ 15:19

Ուխտեա ուխտ՝՝ ընդ իս եւ ընդ քեզ, եւ ի մէջ հօր իմոյ եւ ի մէջ հօր քո. ահաւադիկ առաքեցի քեզ պատարագ արծաթ եւ ոսկի, եւ լոյծ զուխտ քո որ ընդ Բաասայ արքայի Իսրայելի, եւ գնասցէ յինէն։

ՄՆԱՑՈՐԴԱՑ ԵՐԿՐՈՐԴ 14:11

Եւ գոչեաց Ասա առ Տէր Աստուած իւր, եւ ասէ. Տէր, ոչ տկարանայ քեզ ապրեցուցանել բազմօք եւ սակաւուք. զօրացո զմեզ, Տէր Աստուած մեր, վասն զի ի քեզ յուսացաք, եւ անուամբ քով եկաք ի վերայ բազմութեանս այսորիկ. Տէր Աստուած մեր, մի՛ յաղթահարեսցէ զքեզ մարդ։

ՄՆԱՑՈՐԴԱՑ ԵՐԿՐՈՐԴ 16:6

Եւ Ասա արքայ ած զամենայն Յուդաս, եւ առ զքարինս Ռամայ եւ զփայտս նորա զոր շինեաց Բաաս, եւ շինեաց նոքօք զԳաբաա եւ զՄասփա։

ՄՆԱՑՈՐԴԱՑ ԵՐԿՐՈՐԴ 24:24

վասն զի սակաւ արամբք եկն զօրն Ասորեաց, եւ Աստուած մատնեաց ի ձեռս նոցա զօր բազում յոյժ, վասն թողլոյն նոցա զՏէր Աստուած հարցն իւրեանց, եւ ընդ Յովասայ արար զդատաստանն։

ՄԱՐԳԱՐԷՈՒԹԻՒՆ ԵՍԱՅԵԱՅ 39:3

Եւ եկն Եսայի մարգարէ առ արքայն Եզեկիա եւ ասէ ցնա. Զի՞նչ ասեն արքդ այդոքիկ, եւ ուստի՞ եկեալ են առ քեզ։ Եւ ասէ Եզեկիա. Յերկրէ հեռաստանէ եկին առ իս ի Բաբելոնէ։

ԹԱԳԱՒՈՐՈՒԹԵԱՆՑ ԵՐՐՈՐԴ 16:7

Եւ ի ձեռն Յէուայ որդւոյ Անանիայ մարգարէի խօսեցաւ Տէր ի վերայ Բաասայ եւ ի վերայ տան նորա զամենայն չարիսն զոր արար առաջի Տեառն ի բարկացուցանել զնա գործովք ձեռաց իւրոց. առ ի լինելոյ իբրեւ զտունն Յերոբովամայ, եւ վասն հարկանելոյ զնա։

ՄՆԱՑՈՐԴԱՑ ԵՐԿՐՈՐԴ 20:32

Եւ գնաց ի ճանապարհս հօր իւրոյ Ասայի, ոչ խոտորեցաւ առնել ուղղութիւն առաջի Տեառն։