ՄՆԱՑՈՐԴԱՑ ԵՐԿՐՈՐԴ 15:8 - Գրաբար Աստվածաշունչ (1895)

⁸ Եւ ի լսել զբանս զայսոսիկ եւ զմարգարէութիւն Ազարեայ մարգարէի, զօրացաւ եւ եհան արտաքս զամենայն զպղծութիւնսն յամենայն երկրէն Յուդայ եւ Բենիամինի, եւ ի քաղաքացն զորս կալաւ ի լերինն Եփրեմի, եւ արար նաւակատիս սեղանոյն Տեառն որ էր առաջի տաճարին Տեառն.

ՄՆԱՑՈՐԴԱՑ ԵՐԿՐՈՐԴ 15:8 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 11:5

Եւ գնաց Սողոմոն զհետ Աստարտայ գարշելւոյ Սիդոնացւոց, եւ զհետ Մեղքոմայ գարշելւոյ որդւոցն Ամոնայ։

ԹԱԳԱՒՈՐՈՒԹԵԱՆՑ ԵՐՐՈՐԴ 11:7

Յայնժամ շինեաց Սողոմոն զբարձաւանդակն Քամովսայ կռոցն Մովաբու ի լերինն հանդէպ Երուսաղեմի, եւ Մողքոմայ կռոց որդւոցն Ամովնայ եւ Աստարտայ գարշելւոյ Սիդոնացւոց՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 15:9

Եւ յամի քսաներորդի Յերոբովամայ արքայի Իսրայելի թագաւորէ Ասա ի վերայ Յուդայ.

ԹԱԳԱՒՈՐՈՒԹԵԱՆՑ ՉՈՐՐՈՐԴ 16:14

Եւ զսեղանն պղնձի որ կայր առաջի Տեառն՝ փոխեաց յերեսաց տանն Տեառն ի տեղւոջէ իւրմէ՝՝, եւ եդ զնա ի կողմանէ սեղանոյն ընդ հիւսիսի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:22

Եւ զի ասացեր ցիս՝ թէ ի Տէր Աստուած յուսացեալ եմք, ո՞չ դա այն է՝ զորոյ մերժեաց Եզեկիա զբարձունս նորա եւ զսեղանս նորա, եւ ասէ ցՅուդա եւ ցԵրուսաղէմ. Առաջի սեղանոյս այսորիկ երկիր պագէք յԵրուսաղէմ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:13

Նա եւ զտունն որ ի դիմաց Երուսաղեմի ընդ աջմէ լերինն Մոսաթայ, զոր շինեաց Սողոմոն արքայ Իսրայելի Աստարտայ գարշելւոյ Սիդոնացւոց, եւ Քամովսայ զազրոտւոյ Մովաբայ, եւ Մեղքովմայ գարշելւոյ որդւոցն Ամոնայ, պղծեաց արքայ.

ՄՆԱՑՈՐԴԱՑ ԵՐԿՐՈՐԴ 13:19

Եւ հալածեաց Աբիա զՅերոբովամ, եւ ա՛ռ ի նմանէ քաղաքս, զԲեթէլ եւ զգեղս նորա, եւ զԱնա եւ զգեղս նորա, եւ զԵփրոն եւ զդստերս նորա, եւ զԲեա եւ զգեղս նորա՝՝։

ՄՆԱՑՈՐԴԱՑ ԵՐԿՐՈՐԴ 17:2

Եւ ետ զօրս յամենայն քաղաքսն Յուդայ յամուրս, եւ կացոյց իշխանս յամենայն քաղաքսն՝՝ Եփրեմի, զորս ա՛ռ արքայ Ասա հայրն նորա։

ՄՆԱՑՈՐԴԱՑ ԵՐԿՐՈՐԴ 19:11

Եւ ահա Ամարիաս քահանայ՝ առաջնորդ ի վերայ ձեր յամենայն բանի Տեառն. եւ Զաբդիաս որդի Իսմայելի առաջնորդ ի տանն Յուդայ յամենայն բանի արքայի. եւ դպիրքն եւ Ղեւտացիք՝՝ առաջի ձեր. զօրացարուք եւ արարէք, եւ եղիցի Տէր ընդ բարւոյն։

ՄՆԱՑՈՐԴԱՑ ԵՐԿՐՈՐԴ 19:4

Եւ բնակեաց Յովսափատ յԵրուսաղէմ. եւ միւսանգամ ել ժողովուրդն՝՝ ի Բերսաբէէ մինչեւ ի լեառնն Եփրեմի, եւ դարձոյց զնոսա առ Տէր Աստուած հարցն իւրեանց։

ՄՆԱՑՈՐԴԱՑ ԵՐԿՐՈՐԴ 29:18

Եւ մտին ի ներքս առ Եզեկիաս արքայ եւ ասեն. Սրբեցաք զամենայն որ ինչ էր ի տանն Տեառն, զսեղան ողջակիզացն եւ զսպասն նորա, զսեղանն առաջադրութեան եւ զսպասն իւր,

ՄՆԱՑՈՐԴԱՑ ԵՐԿՐՈՐԴ 4:1

Եւ արար սեղան պղնձի՝ ի քսան կանգնոյ զերկայնութիւն, եւ ի քսան կանգնոյ զլայնութիւն, եւ զբարձրութիւն ի տասն կանգնոյ։

ՄՆԱՑՈՐԴԱՑ ԵՐԿՐՈՐԴ 8:12

Յայնժամ եհան Սողոմոն ողջակէզս Տեառն ի վերայ սեղանոյն նորա զոր շինեաց յանդիման տաճարին,

ՄԱՐԳԱՐԷՈՒԹԻՒՆ ԵՍԱՅԵԱՅ 44:14

Զայն փայտ զոր եհատն, զսարոյն կամ զսօսն, զկաղնին կամ զթեղօշն, զոր տնկեաց Տէր եւ աճեցոյց անձրեւ՝

ՄԱՐԳԱՐԷՈՒԹԻՒՆ ԵՍԱՅԵԱՅ 65:4

Եւ՝՝ յայրս կողմանեալ ննջին վասն երազ տեսանելոյ՝՝. որք ուտէին զխոզենին եւ զարգանակ զոհիցն, եւ ամենայն անօթք նոցա պղծեալ էին՝՝.

ՄԱՐԳԱՐԷՈՒԹԻՒՆ ԵՐԵՄԵԱՅ 16:18

Եւ հատուցից նոցա նախ կրկին զանիրաւութիւնս նոցա, եւ զմեղս նոցա որովք պղծեցին զերկիր իմ մեռելոտւովք գարշելեացն իւրեանց, եւ անօրէնութեամբք նոցա, որովք լցին զժառանգութիւն իմ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 8:10

Մտի եւ տեսի, եւ ահա ամենայն նմանութիւն սողնոյ եւ անասնոյ, սնոտի գարշելեաց. եւ տեսի զամենայն կուռս տանն Իսրայելի նկարեալ շուրջ զնոքօք՝՝։

ՂԵՒՏԱԿԱՆ 18:30

Եւ պահեսջիք զպահպանութիւնս իմ, զի մի՛ առնիցէք յամենայն պղծութեան օրինացն որ գործեցան յառաջ քան զձեզ. եւ մի՛ պղծիցիք նոքօք, զի ես եմ Տէր Աստուած ձեր։

Մատթեոսի Աւետարան 25:16

Չոգաւ վաղվաղակի որ առ զհինգն, գործեաց նոքօք եւ շահեցաւ այլ եւս հինգ։

ԳՈՐԾՔ ԱՌԱՔԵԼՈՑ 28:15

Եւ անտի լուեալ եղբարց զմէնջ՝ ելին ընդ առաջ մեր մինչեւ յՈրգոստայն Ապփեայ եւ Երիցն Կրպակաց. զորս տեսեալ Պաւղոսի գոհացաւ զԱստուծոյ եւ քաջալերեցաւ։

ԵՐԿՐՈՐԴՈՒՄՆ ՕՐԻՆԱՑ 27:15

անիծեալ լիցի մարդն որ արասցէ դրօշեալ եւ ձուլածոյ, զի պիղծ է Տեառն ձեռագործ ճարտարի, եւ դնիցէ զնա ի թաքստեան. եւ պատասխանի տուեալ ժողովրդեանն՝ ասասցեն. Եղիցի։

ՊԵՏՐՈՍԻ ԱՌԱՋԻՆ՝՝ 4:3

Քանզի բաւական է անցեալ ժամանակն՝՝ լինելոյ կամացն հեթանոսաց, որք գնային՝՝ գիջութեամբք, ցանկութեամբք, գինեհարութեամբք, անառակութեամբք, արբեցութեամբք, անօրէն կռապաշտութեամբք։

ԴԱՏԱՒՈՐՔ 10:16

Եւ մերժեցին զաստուածսն օտարոտիս ի միջոյ իւրեանց, եւ պաշտեցին զՏէր միայն. եւ ոչ հաշտեցաւ ընդ ժողովրդեանն. եւ յոգիս ապաստան եղեւ յաշխատութենէ՝՝ Իսրայելի։