ՄՆԱՑՈՐԴԱՑ ԵՐԿՐՈՐԴ 13:18 - Գրաբար Աստվածաշունչ (1895)

¹⁸ Եւ նկուն եղեն որդիքն Իսրայելի յաւուր յայնմիկ, եւ զօրացան որդիքն Յուդայ. վասն զի յուսացան ի Տէր Աստուած հարցն իւրեանց։

ՄՆԱՑՈՐԴԱՑ ԵՐԿՐՈՐԴ 13:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:5

Ի Տէր Աստուած Իսրայելի յուսացաւ. եւ յետ նորա նման նմա ոչ եղեւ յամենայն թագաւորս Յուդայ եւ յեղեալսն յառաջագոյն քան զնա։

ՄՆԱՑՈՐԴԱՑ ԱՌԱՋԻՆ 5:20

եւ զօրացան ի վերայ նոցա, եւ տուան ի ձեռս նոցա Հագարացիքն եւ ամենայն խորանք նոցա՝՝. վասն զի առ Աստուած գոչեցին ի պատերազմին՝ եւ լուաւ նոցա, զի յուսացան ի նա։

ՄՆԱՑՈՐԴԱՑ ԵՐԿՐՈՐԴ 13:17

Եւ եհար ի նոցանէ Աբիա եւ զօրն նորա հարուածս մեծամեծս, եւ անկան վիրաւորք յԻսրայելէ հինգ հազար՝՝ արք զօրաւորք։

ՄՆԱՑՈՐԴԱՑ ԵՐԿՐՈՐԴ 13:19

Եւ հալածեաց Աբիա զՅերոբովամ, եւ ա՛ռ ի նմանէ քաղաքս, զԲեթէլ եւ զգեղս նորա, եւ զԱնա եւ զգեղս նորա, եւ զԵփրոն եւ զդստերս նորա, եւ զԲեա եւ զգեղս նորա՝՝։

ՄՆԱՑՈՐԴԱՑ ԵՐԿՐՈՐԴ 14:10

Եւ գնաց Ասա ընդդէմ նորա, եւ ճակատեցաւ պատերազմն ի ձորն՝ ի հիւսիսոյ Մարիսայ՝՝։

ՄՆԱՑՈՐԴԱՑ ԵՐԿՐՈՐԴ 14:11

Եւ գոչեաց Ասա առ Տէր Աստուած իւր, եւ ասէ. Տէր, ոչ տկարանայ քեզ ապրեցուցանել բազմօք եւ սակաւուք. զօրացո զմեզ, Տէր Աստուած մեր, վասն զի ի քեզ յուսացաք, եւ անուամբ քով եկաք ի վերայ բազմութեանս այսորիկ. Տէր Աստուած մեր, մի՛ յաղթահարեսցէ զքեզ մարդ։

ՄՆԱՑՈՐԴԱՑ ԵՐԿՐՈՐԴ 20:20

Եւ կանխեցին ընդ առաւօտս ելին յանապատն Թեկուայ. եւ յելանելն իւրեանց եկաց Յովսափատ գոչեաց եւ ասէ. Լուարուք ինձ, Յուդաս եւ բնակիչք Երուսաղեմի. հաւատացէք Տեառն Աստուծոյ մերում, եւ հաւատասցի ձեզ. հաւատացէք մարգարէից նորա, եւ յաջողեսցի ձեզ։

ԳԻՐՔ ՍԱՂՄՈՍԱՑ 146:5

Մեծ է Տէր մեր եւ մեծ է զօրութիւն նորա, իմաստութեան նորա ոչ գոյ բաւ։

ԳԻՐՔ ՍԱՂՄՈՍԱՑ 25:2

Փորձեա զիս, Տէր, եւ քննեա զիս, փորձեա զերիկամունս իմ եւ զսիրտ իմ։

ՄԱՐԳԱՐԷՈՒԹԻՒՆ ՆԱՒՈՒՄԱՅ 1:7

Քաղցր է Տէր. որոց սպասեն նմա՝՝ յաւուր նեղութեան, եւ ճանաչէ զերկիւղածս իւր։

ԱՌ ԵՓԵՍԱՑԻՍ ԹՈՒՂԹ 1:12

լինել մեզ ի գովեստ փառաց նորա՝ յառաջագոյն յուսացելոցս ի Քրիստոս.