ՄՆԱՑՈՐԴԱՑ ԵՐԿՐՈՐԴ 12:3 - Գրաբար Աստվածաշունչ (1895)

³ հազար եւ երկերիւր կառօք եւ վաթսուն հազար երիվարօք. եւ ոչ գոյր թիւ բազմութեանն եկելոյ ընդ նմա յԵգիպտոսէ. Լիբէացիք, Տրոգղոդացիք, Եթէովպացիք.

ՄՆԱՑՈՐԴԱՑ ԵՐԿՐՈՐԴ 12:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:18

Եւ փախեան Ասորիքն յերեսաց Իսրայելի. եւ կոտորեաց Դաւիթ յԱսորւոցն եւթն հարեւր կառս, եւ քառասուն հազար հեծելոց, եւ զՍովբակ իշխան զօրուն նորա եհար, եւ մեռաւ անդէն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:6

զի Տէր հնչեցոյց ի բանակն Ասորւոց շաչիւն կառաց եւ բարբառ զօրու մեծի. եւ ասեն այր ցեղբայր իւր. Արդ ի վարձու կալաւ ի վերայ մեր արքայն Իսրայելի զթագաւորս Քետացւոց, եւ զթագաւորս Եգիպտացւոց։

ՄՆԱՑՈՐԴԱՑ ԵՐԿՐՈՐԴ 14:12

Եւ եհար Տէր զԵթէովպացիսն առաջի Յուդայ, եւ փախեան Եթէովպացիքն։

ՄՆԱՑՈՐԴԱՑ ԵՐԿՐՈՐԴ 14:8

Եւ եղեւ Ասայի զօր զինակրաց որք բառնային վահանս եւ նիզակս յերկրին Յուդայ՝ երեք հարեւր հազար. եւ յերկրին Բենիամինի ասպարաւորք եւ աղեղնաւորք՝ երկերիւր եւ վաթսուն հազար. ամենեքեան նոքա պատերազմողք զօրութեամբ։

ՄՆԱՑՈՐԴԱՑ ԵՐԿՐՈՐԴ 14:9

Եւ ել ի վերայ նոցա Զարեհ Եթէովպացի զօրութեամբ հազար հազարօք եւ երեք հարեւր կառօք, եւ եկն մինչեւ ի Մարիսա։

ՄՆԱՑՈՐԴԱՑ ԵՐԿՐՈՐԴ 16:8

Ո՞չ ապաքէն Եթէովպացիք եւ Լիբէացիք էին զօրք բազումք, համարձակութեամբ բազում հեծելովք յոյժ եկին՝՝, եւ ի յուսալն քո ի Տէր՝ մատնեաց զնոսա Տէր ի ձեռս քո.

ՄԱՐԳԱՐԷՈՒԹԻՒՆ ԵՍԱՅԵԱՅ 43:3

Զի ես եմ Տէր Աստուած քո Սուրբն Իսրայելի որ փրկեմ զքեզ. արարի փոխանակ քո զԵգիպտոս եւ զԵթովպիա. եւ զՍուհէն քեզ փոխանակեցի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 30:5

Պարսիկք եւ Կրետացիք եւ Լիդացիք եւ Լիբէացիք՝՝, եւ ամենայն խառնաղանջքն, եւ յորդւոց ուխտին իմոյ ի նմա՝՝ սրով կոտորեսցին։

ՄԱՐԳԱՐԷՈՒԹԻՒՆ ՆԱՒՈՒՄԱՅ 3:9

Եթէովպացիք եւ Եգիպտոս զօրութիւն նորա, եւ չիք չափ փախստեան նորա.՝՝ եւ Լիբէացիք եղեն օգնականք նորա։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 9:16

Եւ համարք հեծելոց զօրաց նոցա բեւրք բիւրուց եւ հազարք հազարաց լուայ՝՝ զթիւ նոցա։

ԴԱՏԱՒՈՐՔ 4:13

Եւ գումարեաց Սիսարա զամենայն կառս իւր, ինն հարեւր կառս երկաթեղէնս, եւ զամենայն զօրն որ ընդ իւր յԱրիսովթայ ազգաց՝ ի հեղեղատն Կիսոնի։

ԴԱՏԱՒՈՐՔ 6:5

Զի ինքեանք եւ խաշինք իւրեանց ելանէին, եւ զվրանս իւրեանց բերէին, եւ հասանէին իբրեւ զմարախ բազմութեամբ. եւ ոչ գոյր թիւ նոցա եւ ուղտուց իւրեանց. եւ հասանէին յերկիրն Իսրայելի ապականել զնա։

ԹԱԳԱՒՈՐՈՒԹԵԱՆՑ ԱՌԱՋԻՆ 13:5

Եւ այլազգիքն ժողովեալ էին ի պատերազմ ընդ Իսրայելի. եւ ելին ի վերայ Իսրայելի երեսուն հազար կառաց եւ վեց հազար հեծելոց, եւ ժողովուրդն իբրեւ զաւազ առ եզերբ ծովու բազմութեամբ. ելին եւ բանակեցան ի Մաքմաս, յանդիման Բեթորովնայ ընդ հարաւ՝՝։