ՄՆԱՑՈՐԴԱՑ ԵՐԿՐՈՐԴ 11:23 - Գրաբար Աստվածաշունչ (1895)

²³ Եւ աճեաց առաւել քան զամենայն որդիս նորա՝՝ յամենայն սահմանս Յուդայ եւ Բենիամինի, ի քաղաքսն ամուրս, եւ եդ ի նոսա կերակուր բազում յոյժ. եւ խնդրեաց բազմութիւն կանանց։

ՄՆԱՑՈՐԴԱՑ ԵՐԿՐՈՐԴ 11:23 ပူးပေါင်းရင်းမြစ်များ

ԱՒԵՏԱՐԱՆ ԸՍՏ ՂՈՒԿԱՍՈՒ 16:8

Եւ գովեաց տէրն զտնտեսն անիրաւութեան, զի իմաստութեամբ արար. զի որդիք աշխարհիս այսորիկ իմաստնագոյն են քան զորդիս լուսոյ յազգս իւրեանց։

ՄՆԱՑՈՐԴԱՑ ԵՐԿՐՈՐԴ 21:3

Եւ ետ նոցա հայրն իւրեանց պարգեւս բազումս, արծաթ եւ ոսկի եւ զէնս, հանդերձ պարսպաւոր քաղաքօքն Յուդայ. եւ զթագաւորութիւնն ետ Յովրամայ, վասն զի նա էր անդրանիկ։

ԾՆՈՒՆԴՔ 25:6

Եւ որդւոց հարճիցն իւրոց որ էին Աբրահամու՝ ետ Աբրահամ պարգեւս, եւ արձակեաց զնոսա յԻսահակայ որդւոյ իւրոյ, մինչդեռ ինքն կենդանի էր, ընդ արեւելս՝ յերկիրն արեւելից։

ՄՆԱՑՈՐԴԱՑ ԵՐԿՐՈՐԴ 11:5

Եւ բնակեաց Ռոբովամ յԵրուսաղէմ, եւ շինեաց քաղաքս պարսպաւորս ի Հրէաստանի.

ՄՆԱՑՈՐԴԱՑ ԵՐԿՐՈՐԴ 11:22

Եւ կացոյց իշխան Ռոբովամ զԱբիա որ էր ի Մաաքայ, իշխան ի վերայ եղբարցն իւրոց, վասն զի թագաւորեցուցանել խորհէր զնա։

ՄՆԱՑՈՐԴԱՑ ԵՐԿՐՈՐԴ 12:1

Եւ եղեւ իբրեւ պատրաստեցաւ թագաւորութիւնն Ռոբովամայ, եւ յորժամ զօրացաւ, եթող զպատուիրանս Տեառն, եւ ամենայն Իսրայէլ ընդ նմա։