ԹԱԳԱՒՈՐՈՒԹԵԱՆՑ ԱՌԱՋԻՆ 9:26 - Գրաբար Աստվածաշունչ (1895)

²⁶ Եւ եղեւ ընդ ելանել առաւօտուն՝ կոչեաց Սամուէլ զՍաւուղ ի տանեացն եւ ասէ. Արի եկ եւ արձակեցից զքեզ։ Եւ յարեաւ Սաւուղ եւ ել ինքն եւ Սամուէլ արտաքս։

ԹԱԳԱՒՈՐՈՒԹԵԱՆՑ ԱՌԱՋԻՆ 9:26 ပူးပေါင်းရင်းမြစ်များ

ԾՆՈՒՆԴՔ 19:14

Ել Ղովտ եւ խօսեցաւ ընդ փեսայս իւր որ առնլոց էին զդստերս նորա, եւ ասէ. Արիք եւ ելէք ի տեղւոջէ աստի յայսմանէ, զի սատակէ Տէր զքաղաքս։ Եւ թուէր ծաղր առնել յաչս փեսայից իւրոց։

ԾՆՈՒՆԴՔ 44:4

Եւ իբրեւ ելին ըստ քաղաքն, եւ չէին մեկնեալ ի բաց, ասէ Յովսէփ ցհազարապետն իւր. Արի՛, պնդեաց զհետ արանցն, եւ հասցես նոցա, եւ ասասցես ցնոսա. Զի՞ է զի հատուցէք չար փոխանակ բարեաց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:13

Արի, սրբեա զժողովուրդդ, եւ արասցես սրբել առ վաղիւ.՝՝ այսպէս ասէ Տէր Աստուած Իսրայելի. Նզովք են ի ձեզ, Իսրայէլ. ոչ կարիցէք կալ առաջի թշնամեաց ձերոց, մինչեւ բառնայցէք զնզովսն ի ձէնջ։

ԴԱՏԱՒՈՐՔ 19:28

Եւ ասէ ցնա. Արի եւ գնասցուք։ Եւ ոչ ետ նմա պատասխանի՝ քանզի մեռեալ էր՝՝։ Եւ առ եհան զնա յէշ, եւ յարեաւ այրն եւ չոգաւ ի տեղի իւր։

ԹԱԳԱՒՈՐՈՒԹԵԱՆՑ ԱՌԱՋԻՆ 9:25

Եւ էջ ի Բամայ ի քաղաքն եւ արկին անկողինս Սաւուղայ ի տանիսն, եւ ննջեաց՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 9:27

Եւ մինչդեռ իջանէին նոքա յեզր քաղաքին, ասէ Սամուէլ ցՍաւուղ. Ասա ցպատանիդ եւ անցցէ յառաջ քան զմեզ. (եւ անց.) եւ դու կացցես այսօր աստ եւ լուիցես զպատգամս Տեառն՝՝։