ԹԱԳԱՒՈՐՈՒԹԵԱՆՑ ԱՌԱՋԻՆ 31:6 - Գրաբար Աստվածաշունչ (1895)

⁶ Եւ մեռաւ Սաւուղ եւ երեքեան որդիք նորա, եւ կապարճակիրն իւր, եւ ամենայն արք նորա յաւուր յայնմիկ ի միասին։

ԹԱԳԱՒՈՐՈՒԹԵԱՆՑ ԱՌԱՋԻՆ 31:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:1

Եւ եղեւ յետ մահուանն Սաւուղայ, եւ Դաւիթ դարձաւ ի հարկանելոյ զԱմաղեկ, եւ նստաւ Դաւիթ ի Սիկեղակ աւուրս երկուս։

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:12

Եւ կոծեցան եւ պահեցին եւ լացին մինչեւ ցընդերեկս ի վերայ Սաւուղայ եւ Յովնաթանու որդւոյ նորա, եւ ի վերայ ժողովրդեանն Յուդայ, եւ ի վերայ տանն Իսրայելի զի հարան սրով։

ՄՆԱՑՈՐԴԱՑ ԱՌԱՋԻՆ 10:6

Եւ մեռան Սաւուղ եւ երեքին որդիքն իւր յաւուր յայնմիկ՝՝, եւ ամենայն տուն նորա միանգամայն մեռան։

ԴԱՏԱՒՈՐՔ 9:54

Եւ աղաղակեաց վաղվաղակի առ պատանեակն կապարճակիր իւր եւ ասէ ցնա. Մերկեա զսուր քո եւ սպան զիս. գուցէ ասիցեն թէ կին սպան զնա։ Եւ խոցեաց զնա պատանին իւր, եւ մեռաւ Աբիմելէք։

ԹԱԳԱՒՈՐՈՒԹԵԱՆՑ ԱՌԱՋԻՆ 11:15

Եւ չոգաւ ամենայն ժողովուրդն ի Գաղգաղա, եւ օծ անդ Սամուէլ զՍաւուղ ի թագաւոր՝՝ առաջի Տեառն ի Գաղգաղա. եւ զոհեցին անդ զոհս խաղաղականս առաջի Տեառն. եւ ուրախ եղեւ անդ Սամուէլ եւ ամենայն ժողովուրդն յոյժ։

ԹԱԳԱՒՈՐՈՒԹԵԱՆՑ ԱՌԱՋԻՆ 12:17

Ո՞չ ապաքէն հունձք ցորենոյ են այսօր. կարդացից առ Տէր, եւ տացէ ձայնս եւ անձրեւս, եւ գիտասջիք եւ տեսջիք թէ մեծ է չարութիւն ձեր զոր արարէք առաջի Տեառն՝ խնդրել ձեզ թագաւոր։

ԹԱԳԱՒՈՐՈՒԹԵԱՆՑ ԱՌԱՋԻՆ 12:25

Եւ եթէ խարդախութեամբ խարդախիցէք, ե՛ւ դուք ե՛ւ թագաւոր ձեր սատակիցիք։

ԹԱԳԱՒՈՐՈՒԹԵԱՆՑ ԱՌԱՋԻՆ 26:10

Եւ ասէ Դաւիթ. Կենդանի է Տէր, բայց եթէ Տէր խրատեսցէ զդա, եւ կամ թէ օր իւր եկեսցէ եւ մեռցի, կամ թէ ի պատերազմ մտցէ եւ յաւելցի.

ԹԱԳԱՒՈՐՈՒԹԵԱՆՑ ԱՌԱՋԻՆ 28:19

Եւ մատնեսցէ Տէր զԻսրայէլ քեւ հանդերձ ի ձեռս այլազգեացն, եւ վաղիւ դու եւ որդիք քո ընդ քեզ անկցին՝՝, եւ զբանակն Իսրայելի տացէ Տէր ի ձեռս այլազգեացն։

ԹԱԳԱՒՈՐՈՒԹԵԱՆՑ ԱՌԱՋԻՆ 31:5

Իբրեւ ետես կապարճակիրն թէ մեռաւ Սաւուղ, անկաւ եւ նա ի վերայ սուսերին իւրոյ եւ մեռաւ ընդ նմա։

ԹԱԳԱՒՈՐՈՒԹԵԱՆՑ ԱՌԱՋԻՆ 31:7

Եւ իբրեւ տեսին արք Իսրայելի որ յայնկոյս հովտացն եւ որ յայնկոյս Յորդանանու, եթէ փախեան արք Իսրայելի, եւ թէ մեռաւ Սաւուղ եւ որդիք նորա, թողին զքաղաքս իւրեանց եւ փախեան, եւ ելին այլազգիքն եւ բնակեցան ի նոսա։